我以為......

我以為為人多付出，
我以為自己好重要，
我以為己而感滿足，
我以為生活好豐盛，
我以為活得好開心…


一連串的我以為，其實只是自以為是…
我…不快樂，
其實我內心知道，覺得別人不重視自己，不愛錫自己，
只是是自己先不愛自己，不重視自己罷了！

永遠也是這麼的小孩子，
把夢境看得太遠，想像得太過美好！

雖然知道「希望愈大，失望愈大」這個道理，
但每次也好像會萬分期待，
咩人生唔係充滿希望咩？

感覺好矛盾，好迷失…
然而能走出這困局的，就只有靠自己…
但我又覺得自己唔可靠喎…
因為我冇信心…所以人地都唔會信我了！








p.s 上面個句所謂既詩…
本來想連打直都可以讀埋一份，但好耐冇讀過書喇！
梗係覺得冇左以為d文化咁！
無謂失禮.........
今次...由佢啦！進修下先，下次再努力！

台北，故宮博物館，台中，日月潭，九族文化歡樂世界5天超值團

hihi~咁多日冇見，有冇掛住我呢？

係依幾日，我同埋d朋友去台灣呀！
由於係環島遊既關係，所以選擇左跟團，但大部分既時間，我地都係自己行。

第一日我地就係高雄落機，去左佛光山參觀，雖然係有人係到講解，
但我地後生既一群，成日都自己行，停係到影相，
之後就去左西子灣風景區，估都估唔到，其實個到睇日落又真係幾靚架喎！
之後去左六合二路夜巿，行左一陣，八點幾九點就要返酒店喇！
(不過由於我地有朋友生日，所以我地都要偷偷地買蛋糕！)
我地當然唔會就咁瞓啦！所以經酒店經理介紹下，去左瑞豐夜巿，
依個夜巿仲多野睇…而我就係買左好幾副耳環同戒指，
男友仲話要…夠喇！邊有咁多隻耳仔呀！再買就要買其他喇！
行到差唔多12點就返酒店同朋友慶祝生日, 我地都為左依個安排而拍片留念，
而過程仲一波三折，攪到好似接新娘咁，之後自拍集體相狂歡！


第二日就一早坐車出發去台南喇！
差唔多到十一點幾先到日月潭，食過午飯去左文武廟"門口"影下相，
跟住就去九族文化歡樂世界，
導遊介紹睇個個show呢？悶到痴晒線，睇到一半已經忍唔住要走喇！
跟住大家一路行一路影相，個到仲有一些機動遊戲，
好似︰洗衣機，跳樓機，space mountain，恐龍世界咁…
依d遊戲都未算刺激，係路邊一些木既吊床先係最好玩！
我男友同佢阿哥輪住捉住訓，另一個人係到踢，踢到張床木條差唔多呈九十度咁直，痴線架！
不過最攪笑就係依一part，我地仲拍左video添！
之後我地都有坐欖車係高空睇下風景。
而夜晚就去左浸一個勁"流"既溫泉就去行逢甲夜巿。

第三日我地一早又趕去台北喇！
我地第一站就去台灣民主紀念館，個導遊又唔講幾點集合喎！
跟住又逐張圖咁同其他團友講解，勁無聊！
之後我地頂唔順偷走左去室外影相，好在彩，岩岩影完個導遊又話趕時間趕我地上車喇！
之後去左食金品小籠包，勁多餃食呀！正！
之後去左故宮博物館，係裡面睇左晶瑩剔透既玉白菜同埋像真度好高既豬肉石。
而我…都係裡面買左張書法既台墊做手信！
去完故宮，我地一行六人就離隊去左淡水行街，之後再到士林美食廣場。
去左士林食左塊大過面既雞扒，就已經食唔落其他野，真係浪費晒！
就咁樣…一行行左好幾個鐘，朋友們都差唔多斷腿咁濟。

第四日既行程就一朝早去左九份，去到有d舖頭都仲未開呀！
而且又大風又落微雨，好凍呀！不過好彩，男朋友都買左佢鐘意既魔術啤牌！
不過因為又要趕下一個行程，所以唔捨得都要走。
跟住我地又離隊去左食鼎泰豐，行左誠品書店，
行高達館(見到些模型超得意呀！)，跟住去西門丁買完手信返一返酒店，
再返出來既時候，西門丁已經關晒門喇！(超級非常可惜！我咩都冇行過！)
食完綿綿冰行一陣，行下行下又行返酒店喇！

最後一日喇！一早就去左台北101購物百貨廣場，全部都係名牌，而且早去，所有店舖都未開，搵笨既！如果唔係下午要坐飛機，真係想離隊行街買野呀！之後又去左深坑豆腐街，食左少少野，買左蝦片就趕上車回航了！

依個旅程，總括來說都好開心呀！

國家體操群英會理大師生

嘟嘟嘟嘟…嘟嘟嘟嘟…特別消息！

岩岩新鮮出爐咁舉行完"國家體操群英會理大師生"

有十四位到訪運動員︰
陳一冰，程菲，黃旭，鄒凱，肖欽，楊伊琳，何寧，肖莎，呂博，董振東。

其中被問得最多問題既係陳一冰同程菲，
竟然有人連陳一冰屋企養咩狗都問，勁攪笑！

當中除左一些內定問題之後，同學都有些自由發表既問題，
攪到我心思思都想問埋一份。

總括來說，氣份好好，好熱鬧，
尤其係些同學問完問題有機會同運動員合照，
當搭膊頭時，在場觀眾都要起哄，
攪到我自己個刻都覺得好喜歡體操咁，
可惜，下午個場表演我要返工丫…

不過點都好！中國運動員，加油呀！

奧比斯籌款 盲俠行

一年一度既盲俠行到左喇！

我地一行十人係十一點左右已經集合係旺角球場準備等出發，走20公里路！
大會俾左一袋仔既行裝俾我地，
包括有眼罩(附有得意眼睛貼紙)，檸檬味既葡萄糖，咖啡味既麥提沙(正！)，一支水，紋身印水貼…
一開始，大家浩浩蕩蕩咁起程，
嘩！d人多到吖，行都行唔到呀！
跟住就沿住九龍方向行行行，
中途係咁經過d住宅區，
行過馬路個時又要停一停，d人又堆埋一堆等一等！
又叫我地唔好嘈住d人訓覺…


行左唔知幾耐到，終於去左九龍城個邊…
(記得返好似大約二點多少少，行下停下先到牛池灣街巿)
都唔知算唔算好彩…中途都有7-11, ok咁呀！
因為條路真係行人路來架！又落隧道又上天橋！
不停咁上斜，d車係身邊不停咁快跑。

其實初頭都好地地，叫做行d行人路，真係屋村馬路咩都有，
仲有d補給站，最好就叫做有d好味既朱古力派，有m&m, dove,又有閃燈，
對於我來講，最唔需要既係水，因為太重喇！而且飲得多仲要成日去廁所添！

中途係運動場公園附近都有玩蒙住眼行，
我好似一d都唔驚咁，而我有d朋友就話好冇安全感喇！
之後都見到好多各樣打扮既人…有海盜啦！有睡衣啦！有野人啦！

行下停下咁，最後，我地一行十人變左4隊人各自咁行，
係行到大馬路入西貢個時，
簡直想死，行人個條路真係俾1-2個人平排行架咋，
d人一行得慢，咁我地既腳步又一時快一時慢…路又窄，人又多！
點解唔封路呀！(但竟然有d人已經到終點，又坐返巴士回程返觀塘喇！)
就係咁惡劣既環境，我真係好累好累喇！
可能我比較喜歡郊外，諗下諗下…我都好似有d對唔住你地，
點解？因為我真係好想瞓，我隻眼開可以開既高度只有2-3mm左右，
就係咁…我沿路一路行一路瞓，
我隔離拖住我個個就好似好想死咁，問我點解可以瞓得著，
完全體驗盲人行路既感受，
而佢，就成日話我唔睇路，左搖右攞咁，唔照顧自己，
尤其係隔離有好大條坑渠個d就真係嚇死佢！
就係咁…我就拖慢晒既進度喇！sorry~

非常辛苦咁行都差唔多六點到，先見到近西貢個邊，
隻腳已經唔係自己架喇！
不過可能我個人係夜晚瞓，跟住一早就會醒一醒，
所以在早上六點幾，我又好似訓醒一覺咁有返d精神啦！
最後，係七點到先去到終點！(真失威！太慢了！)
跟住食左大會提供既三文治(點解唔食餐好d既早餐A呀)！

影埋一張"終點見"既相…(証明真係係終點丫嘛！)就坐巴士回程喇！
係巴士去到觀塘終點站，係巴士司機叫醒我地全車人起身架！
(因為個個都瞓到死豬咁)

一回到家，一上床就已經昏迷了，
到下午一點醒左，點知左腳抽筋呀！
拿拿臨去沖涼用熱水沖下，之後用埋OSIM按摩椅都係麻麻地好咋，
睇左一陣碟，執下相又瞓過…咁樣…我就休息左全日喇！

報告暫時係咁多…
如果你問我下年仲參唔參加，我會答你…










下年先算！
(不過男友好似唔多LIKEY咁，一來可能因為成班人走散晒，二來佢又唔可以唔理我，但我又顧住自己邊行邊瞓…><")

仲有…中途有D人係到大聲講國語又唱歌，好嘈，我地又快唔到，所以一定要行慢D俾佢地拋離先得！

貧賤夫妻百事哀

昨天…我的脾氣又爆發了！

其實…都係因為一些觀點與角度的問題，
詳情本來諗住講，但好似公開又唔係咁好…
總之有d問題咁啦！

不過我都諗緊改善方法，
不如大家教下我如果節省金錢，又或者可以買到平野又好野既方法呀！

拜託拜託！

冬季來了

雖然依家天氣都仲係十幾二十度，
但我已經要蓋棉胎了！

還記得星期初行街，溫度驟降，
約左男朋友仔出來，見到他很是覺得很奇怪，
既熟悉又陌生似的，點解，因為我未曾跟他渡過冬天！

看到大家的衣著打扮很是新鮮，
總覺得像初相識那般…

也許，這只是我個人的幻覺，但感覺總是奇妙！

所以，這個冬季，的確很令人期待！

這是我們的第一個冬天！

無聊的空想中....

我諗大家一定好羨慕我，返工都可以發白日夢！

岩岩有個奇想，丫…
聖誕節快到了，不如親手做d禮物仔俾同事丫！
好似有房個d就可以整個門牌(請勿打擾)俾佢地…
但係呢....如果整一個半個實俾人話偏心啦！
整晒我又唔係個個咁friend喎！

我既心思可是好矜貴架！
不過都係得個諗字先啦！
部門咁大，邊做得晒咁多人丫！

而且，手工藝依d野，都要本小姐得閒先得架！
都係諗下先啦！三分鐘熱度…呵呵呵！

(我太了解自己d衰既喇！)

偏愛迪士尼

如果你俾迪士尼同海洋公園我選，唔洗問，一定係迪士尼？

我諗…依d唔算貪慕虛榮卦，女孩子都總愛美的東西啦！唔係咩？

早於2年前，其實我都去過一次，咁大個女第一次去迪士尼，
其實真係好開心架！
可以同好多卡通人物影相，睇d好靚既精品！

可惜，我唔太好機動遊戲(好悶呀可！)
不單係睇靚野都可以滿足我！因為d野都好貴喲！
不過唔買都一定要睇下同影下相！咁樣我就可以當自己擁有咗架喇！

今日見到迪士尼一連串既廣告，又攪到我心思思喇！
佢話呢，係11月18日前寫一篇文章，連埋一張同伴侶影既合照，post係disney既website，
寫得最好個個，就有機會係聖誕節參加睡公主既party做特別嘉賓！
正當我諗緊寫咩topic既時候，咪住？做特別嘉賓？咁咪要上鏡，仲要跳舞？
唉！我男友實唔制啦！都係算巴啦！

想著想著…我好希望…就算佢唔陪我參加，
如果佢可以係我既角度去思考，曾經諗下，郡主好似鐘意依d架喎！
我唔貪心，諗下都好丫…
我好希望有一個了解我既伴侶！
(同樣地，我都好應該好好的去了解佢！)

咁樣…生活應該更加完美和諧！加油呀！

交友準則

有些人是你好想跟他做朋友的，有些人卻是你不屑一顧的，
點解大家都是人，會有這樣分類呢？

如果心裡面是有階級之分既話！

其實在別人心目中，自己卻可能係被渴望做朋友或者被嫌棄的一個，
想到這一層，其實係咪應該用平常心去交友呢？

不要計較別人既外表，地位，財富…等呢？

豈有此理 .\_/. =3

今天逛街回來，心情不太好！

回到家中沖完涼，見到柜台有塊碎布，
頂，做咩剪爛人地最心愛既hello kitty睡衣呀！

爸爸說︰"你阿媽整架，咁多爛布唔剪係找你個件來剪，我都唔知咩心態？"
"痴線架！點可以隨便剪爛人地d野架！件衫我架"

好傷心！又一件帶著回憶的東西沒有了！
這個家，放d野係到，睇少一眼都唔得！

online 2

我知道我依個blog一向既人流都唔多，
來探我既都係一d熟客仔，
原本識我真人既一d都唔多，
不過近年開始，鐘意係依個blog留言多過係msn個個喇！

可能就係因為少人識，可以講我自己心目中想講既說話吧！

岩岩打完一篇文章，又係到八下按下按下，
究竟會mark我有幾多人今日睇我既blog呢？

每每係online人數見到2既時候，
我心裡面都存有一分既感激，
好感激有人會抽時間睇我既野，
要知道我次次去空姐個blog閒逛，
閒閒地都見到十幾廿個人同時online。

所以，係依到，依篇文章…多謝你！

86-92年五旬節靳茂生小學下午校第一屆舊生聚會

哈哈哈…我地小學既校名係咪好似好難讀咁呢？

五旬節靳茂生小學

還記得想當年，我們的校服可是數一收二漂亮的，
男的白衫粉藍褲，女的粉紅既校裙…

想當年，可是還有分上下午校哩！

近幾天係facebook，忽然看到了很多舊同學的名字，
其實就算係街撞到都唔會打招呼的人，
居然會在facebook談天上來，

很多既陌生卻又熟識的名字，百幾個似曾相識的面孔，
見到同學們都興致勃勃咁話約出來聚會啦！

不其然都好緊張，
諗起以前既自己，唔知道佢地仲記唔記得以前既我係點呢？
唔知道宜家佢地仲會點睇我，定係跟本唔記得我依個人呢？
可能就係諗得太多，所以好緊張咁！

照咁睇，其實我都唔係一個易相處同較慢熱既人，
不過聽到有d同學依家唔係香港，有d又結左婚生埋仔，
真係十幾年冇見大家都有好多轉變。

不過，最值得懷念既係睇完張畢業相，
好多童年往事全部浮現在眼前，真係笑都笑死人呀！

如果大家見到相裡面有你地既朋友，不妨叫佢參加我地係十一月廿九日的舊生聚會丫！
歡迎！歡迎！

本末倒置

可能年紀到返咁上下，所以近日身邊女仔們既話題都不停圍繞…

"點plan個婚禮呀！去邊到book位擺酒呀！租咩裙呀！"

咁今日同事m又講佢依家d酒樓幾錢圍，又要幾時book定，
咁我就問佢幾時結婚呀！佢話都要2010或者2011，
"下，咁耐呀！咁你男友求左婚未呀！"
"未呀，不過依家都要book定架喇，所以野都要好好咁計劃先得，
而且一定要預早好多先得！"
"不過…未求婚就計劃同book位，咁佢會唔會求架！"
"其實都係二個人計劃晒先，一齊都預備好，係唔知男朋友幾時求咋嘛！"
"咁都得？如果到時唔求點算呀！"
"唔求咪唔嫁佢囉！依家仲邊有求左婚先安排依支歌仔唱丫，你估真係個個陳慧琳咁有錢話plan就plan咩？"
"咁又係…"


雖然最後既答案係"咁又係"，但如果plan定晒先結婚，咁樣"本末倒置"左，我覺得冇晒意義喇！
但要等感情穩又要經得過時間既考驗，
突然心裡面有一個感慨︰"年輕真好！"

奧比斯盲俠行

那邊箱見肥龍兄去日本跑馬拉松玩得咁開心！
我依邊都係時候要做返d野喇！

係今個星期六、日(即十一月十五同十六日)
我就會參加一年一度既奧比斯籌款活動 - 盲俠行
係由夜晚十一點行到第二朝既六點
今次會係旺角出發行去西貢

其實我都係第一次參加d咁既籌款活動，
下年渣打馬拉松我個partner就參加左，我怕我跑唔郁所以冇參加喇 >0<"
不過咁…其實今次都要行七至八個鐘，
你話行街可能就行過，
而且我都好似冇咩準備咁！連行山都冇時間去行…
唯一準備既，我諗要帶d野薯片呀！野飲呀！著件厚d風褸，唔係就凍死！
詳細係點依家報告唔到，因為我好似咩都唔知！
到時再報告你知啦！

有冇人會行呀！記得搵我相認喎！

p.s 肥龍哥，記得買手信俾我，如果有d特別既啤牌，買幅俾我丫！

男女大不同

昨天同男朋友因為一d事而俾佢串爆，
我自己就覺得唔太愉快啦！(佢可能根本唔放上心又冇咩事)

事後我同佢講，其實我好唔開心，
但佢又冇咩反應喎！(佢話俾左反應我，但我一d都feel唔到同聽唔見)

唔知係咪因為以前都有相似不愉快既經歷，
一旦發生某d話題就好敏感，
將以前發生既事全部浮現眼前，
好害怕歷史重演！

雖然依家既男朋友性格好樂天，好似冇事咁！
但我依d杞人憂天既性格又來了，其實我內心係好不安的！
(但佢都唔會同我講俾多d安全感我既)

雖然鑽晒牛角尖，但其實諗下諗下…我應該不要怕也不用怕，
只要做好自己，錫我既人就會珍惜我哩！
那麼好的女生去邊到搵呀！..........雖然咁好都有少少瑕疵！哈哈哈！

天下烏鴉一樣黑

其實只要你轉得工多，俾人蝦得多，踏多幾下地雷，
你就會發現，天下烏鴉一樣黑。

有d公司…制度好但人事唔好，有d就人事好但薪酬唔理想，
魚與熊掌…都難以雙得！

唔知係咪以前係間公司做cr，(即customer relation)
好以養大左個膽，依家見到有d咩唔合理或者俾人蝦counter，
只要有point有理由，我就一定會講…
但又唔理其實自己只不過係成個section職級最低，最新同最可有可無個個，
已經唔係以前個d話得2句事既客戶經理喇！

近日發覺依家公司真係越來越麻煩，
老細又發脾氣，d野又冇制度，都幾唔開心架！

而我自己又衰，養壞晒d脾氣，
執緊counter丫嘛…又三分鐘熱度，攪到一半又停工，
話要等有mood先再做喎！吹脹！

有時諗下，依份工冇咩前途，只不過係時間穩定，
做得reception又冇咩上身(即可有可冇)，
依家就話搵下partime做下又或者想學既野都未做！
點算…

工作上的最新動向

依然個句，由於我係處於一個可有可無既位置上，
現在唔係peak season，所以counter既工作唔多，
仲好多時都多得閒添！

講返同麻煩友既糾紛，其實昨天放工又見到佢同佢阿頭係到唔知講咩講咩，
(之前已經有佢係到打我地小報告既記錄)
咁我即刻幾八卦都冇可能係佢面前企到到聽架，
只係係咁易聽到句，"都好！唔夠麻煩到counter"

到今日喇，頭先個麻煩同事攞左個stand話︰"試下喇！拿份表格放係枱面等同學自己睇！"
喇喇喇…咁咪幾好！其實有d可以省人手既就省，當然我地唔會話就咁放係到就算啦！
我地都會一直留意住個情況既！

我係到諗…其實我咁反映，係好事定係唔好呢？
佢會唔會覺得我一d都唔合作或者懶得做呢？

唔，今次革命算唔算成功呢？
而我今既做既戰士又係咪行先死先呢？

女人購物樂趣多

話說十二月有個好朋友結婚，咁我都好榮幸有份充當佢既姐妹團一角。

算著算著，係時候要置裝喇喎！
由於我由不是重要角色，其實都冇咩預我點去買姐妹衫，
咁我唯有自己靠自己啦！

今日心血來潮走左去百利睇，
同事陪我行左幾間婚紗舖，起初就睇人地推介好平，
二百蚊左右個d，不過好抱歉，我真係睇唔上眼，ok個d又唔係依個價。

其實我都知自己麻煩架喇！
又冇身村要求又高，sorry喎！有身材著咩都靚啦！
就係因為冇，所以先要求多多。

試左好幾間，有d都ok架，本來都諗住幾時度身訂做，
就係依個時間，我見到有一間舖賣日本衫，咪八卦入去睇下！
(唉！依次又俾男友話我祟日喇！自辯︰唔係架！d料同cutting係爭梗d，個feel都唔同d架！)

起初見到件衫係自己好鐘意個款，又幾抵喎！
不過d外套就普通啦！ok款都唔一定要買！
睇下睇下咪睇埋d裙款囉！其實唔係件件都睇得入眼，
不過試左幾款，有一條呢個領夠閃…我已經好鐘意喇！
另外仲有2條，都係可以列入姐姐裙既候選名單裡面，
其實2條個款下身都係一樣及膝，只不過係上身個領唔同，
一條就係好多朵立體玫瑰花，有d銀邊閃下閃下既，(依個就高貴d！)
一條就係平面既玫瑰花，但個領都算低既！(依款呢就平凡d，但又可以平時出街著多d喎！)

經過一輪爭札，最後我都買左後者，
點解，正所謂，女為悅己者容，著咁靚都希望另一半鐘意，
雖然做姐妹個時冇佢份，但買衫既時候，點都買佢鐘意個d既！
(可惜既係…其實佢係鐘意純白淨色，但一d都唔鐘意大領，大領只係我個人喜好！)
我諗平平淡淡的，就是他喜歡的一套，咁就買左喇！第時結婚都係買d差唔多純樸咁啦！

接著，咁岩有間首飾店咪入去睇下囉！
原來戴上珍珠頸鍊真係幾高貴架喎！仲一d都唔通街都係feel！
照下鏡時，有一秒間，我覺得自己好似結婚咁，好似新娘咁靚，哈哈哈哈！

雖然我唔敢講我買既係最靚最好！
但我想，會係最岩我而我自己真係鐘意囉！

雖然事實上我的確係好窮(而且超大洗)，
不過，我還是有一點兒的執著同要求！

(座右銘︰每一樣著上身既，都係代表自己)

麻煩友當道

其實一直以來，我都好少係到講公事…

今日條麻煩友又來攪事，
放低份文件話要牛咁眼望住d學生簽名，
要以防冒簽，同睇人地d野！

我問佢d同學點會知然後上來，佢話會send email，
但唔係個別同學send...佢話send左五百幾個email，
同學會自然上來睇，叫我唔洗理咁多，剩係俾d同學睇就得！

頂，咩叫唔洗理，你話多唔多，十幾廿個同學打來問或者上來點算呀！
個場邊個睇架！
唔好以為放低左就得先架！我有負責預計同控制我工作地方既情況！
雖然依家真係幾得閒既，不過唔爆穫咁唔代表佢既處事方法ok喎！

唔好用以往都係咁做既答案同我講，
以往好counter d同事就唔會走晒啦！
你唔好理我地多唔多野做，而係應該諗下點樣做先可以把工作做得更好更有效率！
有時間都唔係咁浪費架！

ZooKeeper

如果你問我鐘唔鐘意打機，我會答你唔鐘意！
如果你問我想唔想要部遊戲機，我會答你唔想！

但單憑以上二個問題，唔代表我唔會搶人部機去玩！
可能因為隔離飯香既關係，我同某一個朋友出親街，
無論係飲野或者食飯，又唔食係咪真係少野講既原因，
每次我都爭住佢部機來玩，包裝nds既mini game同iphone既寶石方塊！

次次都係咁，都係得佢睇住我玩，自己冇得玩！
不過咁呢？我又唔係隻隻game都玩架！
要用腦個d，就真係唔好預我喇！太深奧打難我冇耐性。

話雖如此，咁又唔代表打機冇開心事！
係nds既zookeeper，依隻動物game，係將相同既公仔痴埋一堆去取分，
係唔同既年代，我都好鐘意依個遊戲，
除左可以不停咁同人鬥高分，務求令分數榜全部都係自己名之外，
依個仲係一個可以二個人玩既遊戲！

用二支捧棒一齊去玩，四隻眼二隻手點都會快少少既，
但係二個人又唔可以爭住，如果唔係部機又會感應唔到究竟郁邊到！
不過藉著二個人一起玩，諗返起來，其實真係好開心，好溫馨架！
真係諗下都甜笑出來呀！

邊個整依隻game架！
真係要俾d掌聲佢先！啪啪啪啪啪啪啪啪啪啪啪啪啪啪啪啪啪啪啪啪！

筍工 - 續

話說今朝有同事話︰「返part-time個到，如果你夜晚驚呢？可以搵個女實蕉上來接你送你去車站架喎！」
我︰「咁又唔洗咁誇張下嘛，其實開番d燈俾我地咪得囉！」

如果你話因為純粹怕黑怕靜而叫個女保安上來接我放工，
都咪話唔浪費人力物力，將心比己，
我係個女保安就咀咒到痴線，夜麻麻好地地要行多幾步，坐下係到唔好咩！
咁大個人怕咩黑丫！

跟住我同我同事講︰「一個唔覺意女實蕉上來個時，中途俾隻喪屍咬到，上到來變晒喪屍，咪真係唔衰攞黎衰，其實只要開多幾盞燈俾我地咪算囉！唔洗咁煩！」

同事大笑完一輪話︰「你諗多左喇！」

付出 與 收入

一直以來，我都覺得自己係一個幾自私又少少貪心既人，
又想多人錫多人鐘意，最好就將最好既俾晒我，
縱使如此，其實又有幾多個人能夠萬千寵愛在一身丫！
有既…不過個個唔係我囉！

其實我係一個唔可以有秘密既人，
實在忍唔到個種谷住谷住屈係心裡面既感覺，真係人都癲呀！
不過咁樣，又唔代表我唔可以守秘密，我都識分輕重既！

有句說話係話︰你付出左唔一定要人地知道，
但係我以往一直都唔係咁，我會忍唔住口話俾人知，
其實…咁樣只係因為想人地讚，話我好，滿足一下自己既虛榮心！

哈！係咪好衰呢？不過，其實我依家一直都開始緊低調架喇！

最近發生左一件事，雖然事後我覺得好傻，
又或者可能人地根本唔需要我咁做，又或者連我做左佢都唔知，
不過我又真係好想為佢付出。

其實咁講丫，付出係咪一定要有收穫呢？
但咁偉大，其實又係唔係人人可以做到架呢！

但相反來說，你話人地唔知你付出左，
其實又會唔會其實對方知道，只係一切盡在不言中呢？
而依個所謂既"盡在不言中"係究竟解"收到晒"定"扮唔知"呢？
依個問題，其實對我來講，都有一定既難度！