今日想分享既係…我最鐘意食既早餐！
答案係早餐A。
咁早餐A係包括D咩呢？
其實我要求好簡單，一片牛油方包，煎蛋或者炒蛋，加一碟火腿通粉。
餐飲都不外乎是好立克或奶茶或檸蜜。
(當然我樓下間茶餐廳既沙嗲汁係超正，點解，因為夠味仲要唔辣)
曾經有一段時間會常去m記或者大快活！
m記呢…我九成都係食熱香餅餐配鮮橙汁
大快活呢…都係牛油包+炒蛋+雞扒，(通粉呢？咁大快活通粉又唔係話好好食，有時叫左食唔晒就唔好浪費金錢啦！)
次次如是…食足咁多年都係食依d…^^
此外，其實我都好鐘意飲茶，蝦蛟燒賣叉燒飽叉燒腸，全部都係至愛，不過飲茶既機會依家少左好多lu…
P.S 不過因為身體和精神出現一些狀況，現在星期一至六都係食麥皮做早餐了…(但其實我由細到大都唔食的，聞到就想嘔，不過身體要緊)
9 則留言:
郡主大人，
AK食早餐有個禁忌...蛋唔可以煎...只可以炒...
蛋汁四濺...好麻煩...
唔洗叫大人咁厚禮…受唔起丫!~
其實我都係鐘意食炒蛋多d，夾落塊方包到又可以變蛋治。
如果煎呢，一定要半生熟，d蛋汁用來點野食！
不過如果整污糟件衫都幾煩，所以食太陽蛋要好小心！
哈我都係日日如事
食足咁多年都係果d野
不過..始終都係吾會食由細到大都唔食既麥皮..
郡主殿下,
小心保重貴體!
小人早餐,多為腿蛋治烘底,凍檸荼...
我唔夠時間係屋企樓下食架啦...朝朝都係入隧道打電話叫定,返office就拿拿聲食...
咁我都仲要節省金錢，鬼叫平時太大使咩…係囉！都唔知係咪近來做gym..攞得太重野....個肩膞位依家條筋好痛呀！要得閒按下…
成日都攪到自己好眼訓…成日都係火車訓著，但又出奇地好訓，一回到家就掛住上網喇！
我食早餐真係會有慣性, 習慣左食個嘢, 一食就食咁多年.
以前係公司樓下間茶餐廳食嘢, 個光頭肥仔都識幫我叫 "E餐轉通粉, 熱咖啡走奶"!
馬老闆，難得你又鐘意食通粉喎！好野！
不過日日咁幫襯，真係唔記得都難呀！^^
哈哈，呢扁幾得意喎，等小女子又公開下「賣飛佛」先：
老麥—一定係豬柳蛋漢堡薯餅飲可樂。
大快活—雞扒煎蛋通粉凍奶茶。不過快記d通粉認真難食。
大家樂—柴魚花生粥炒米粉凍奶茶。不過粥唔係成日有。
飲茶—燒賣叉腸雞札滾菜流沙包。
好肚餓，懶蟲小馬哥又重未起身...
好想去飲茶呀，搵日去飲下午茶丫…
發佈留言