今日想講既遊樂場並唔係clubbing玩既地方。
近2星期，我都發夢去返迪士尼…
不過講到最想玩既…我諗係已經執左既水上樂園…
水上樂園，我咁大個女都好似剩係去過一次，
玩兒童部既滑梯，人造浪，同可以成班人玩既活動(即係每日坐住個水泡係到沖來沖去)
發夢都發得好開心！
不過人人都鐘意玩既咩七色彩虹，太高喇…我怕未落到來，
離心力勁得濟，已經斷氣死左…
我依d有隱性心臟病既…唔嚇得架嘛！
其實水上活動真係好好玩呀！
試過去泰國玩香蕉船，到依家都印象難忘！
好！快d操返fit d，買返套泳衣，去玩先！
7 則留言:
野蠻郡主
多謝妳係我個 blog 留言
真係失禮, 我一次都未去個水上樂園. :)
記得操fit d, 盼望睇到你的泳衣照. :)
咁…你真係要等下喇！汗顏！
我細個試過玩完七色彩虹，泳衣個pat pat位薄哂，嚇得我，即刻要著返條褲先掂。
仲有，妳記唔記得呢，當年水上樂園有過意外？我到宜家仲好記得。
係咪玩滑梯撞穿個頭..........不過其實我都係太高玩滑梯..好怕飛左出街！
唔係呀，可能妳當時太細，係有個男人玩ｏ個個空中飛人呢，有條繩吊個人出去，點知去到中途停左，個人就咁跌左落去，撞親個頭，咁就不治，之後個遊戲就停左，我宜家諗返仲好驚。
唔....依d野呢？真係該死唔洗病…
發佈留言