一人有一個故事

每一個人都有一個故事…無論係精彩，平淡，開心，還是傷心…都係一個故事。

我有…你都有。

我自問係一個失憶症患者，所以，很多時都藉著一些文字作記錄。
因為…除左一d令我好深刻的事…又或者一d勁無聊既事會留在我腦海內。

今天，我又看到一個別人的故事…
一個有笑有淚的故事…

然而，我喜愛的…是這個一個男生，親手打出一大篇文章。
文字…是一個扣人心弘的表達方式。
我欣賞男生寫作…大部生女生是感性的，所以不足為奇(我自己講咋)
你要粗心大意的男生拿起支筆，我覺得他們是花了很多心機的。

所以一直以來，我都喜歡收情書，收咭。
不要咭內容一句生日快樂就簽名，我會殺人架！
我次次一係唔寫，一係就作文！哈哈哈哈！

不過…都係算啦！人要變…幾多篇論文俾你都冇用！

新一年，新開始

恭喜發財！
係新既一年，祝大家新年進步，身體健康，萬事如意！

而大家既祝福，我貪心d，我受晒架！

新一年新開始，大家都要開心d！
儲多d錢，搵過份好工，令到自己開心d，人都靚d！

係依到…我要多謝一個朋友，多謝佢鼓勵我打俾前男友媽咪拜過年！
我希望…點都好…留返個好印象俾人！
起碼俾人知道…依個女仔好野來架喎！做唔到新抱真係可惜喇！
不過言語間聽到佢都關心我，其實都有d眼濕濕！

最後，由於今年天氣真係好凍，好唔想出街！

我仲要趕功課，大穫啦！

娛圈的艷照風波

近日這個熱門話題，相信很多人也知道及談論過…
由於太忙所以未能睇到其他人的觀感…不過我自己倒有一點看法。

公司很多同事都有看過這些相片，也談論真假，
昨天，我後面有高級既，問同事取這些相，話因為熱門，所以想俾佢d朋友睇！
老實講，我剩係睇過報紙登個d，當中更耐人尋味的全相我就真係冇睇，亦冇興趣睇。
佢地做緊咩，其實成年人都知架喇！用不用咁深究呢？

我︰點解要send俾朋友睇呀！有需要咩？
高︰咁熱門，大家應該要知下同睇下？
我︰要知就咁講咪得囉，要睇，報紙都有登，有冇必需一定要睇全張相呢？
高︰睇下有咩問題喎！
我︰你咁樣再俾人睇，同發放者有咩分別！仲要不停咁俾人知俾人睇？好唔尊重喎！
高︰咁你冇睇咩，你d朋友睇左你冇話佢咩！
我︰我冇睇，朋友睇左，喂，人有個d你都有，就算睇左咪算，無需要幫手發揚光大，將心比已丫！
高︰係你正直…


其實，點解要係人地傷口撒鹽，可能我比較感性，無論事情係真係假，
我都覺得無需咁高調，如果係你自己，你又會點呢？

我唔係好人，心地亦唔善良…這些只是對人對自己既專重！

和酒精玩遊戲

我知道很多人都會得閒落酒場飲返杯，識下朋友，溝下女，
不過對於在酒場之間的男女遊戲，確實不是我杯茶，
見到不少男女於場內...目的也是在覓得一晚的快慰，
我總覺得，對感情欠缺了一份尊重...而這是我不能所接受的。

見到男男女女都酒精的薰陶下，情緒越佔高漲，膽子也變得越來越大，
所以…攬攬錫錫，一些身體接觸往往處處皆見，完場後跟人走的也見怪不怪，
當中的遊戲玩法，我想沒有人會說出口吧！

話說回來…要成為這個遊戲的參加者應該不難，但必須要清楚遊戲規則。
玩遊行當然時尋求快樂，如果只是想藉著一滴酒精去換取一刻的慰藉，就要承擔得起那感情上的代價。

近月來，伴友人參與這些活動，人就是有所矛盾，口說不要，但行動上就往往背道而馳，
在這些場面，我感覺到我的身分彼為尷尬，男人，就一隻貓，魚在口邊又怎會輕易放過，
要跟他們角力，也需要當時人的協助，隨著當時人因酒精影響而飄移不定，很讓我感到為難，
有一點辦事不力的感覺，然而酒醉都有三分醒，每個人都應保護自己，知道自己做緊什麼，
唔希望因為一滴酒精而有所後悔，大家都係成年人，要好好照顧自己的。

或者，這只是我過於清醒！

那些要你在玩骰子時輸了要留電話給他或一定要你飲酒精飲品的人，
其實我彼討厭他們的，因為…我覺得玩樂啫，應該唔會有下文吧！

總在這裡

看到鐵鎚兄<<總在這裡>>這一文，很是喜歡！

明白到每個人背景不同，思想不同，相處不是一件容易的事。
每個人都總有成個小朋友，低b白痴既時刻，慶幸既…身邊依然有人肯陪住依個傻豬。

我很喜歡他一句︰"康小姐未必是最明白我的人，但她就總是在我身邊。"

一直以來，我是一個倚賴性極強的人，我知道我不是最好，身邊人好，但總有令人可包容的缺點。
可惜…他們總會扔下我一個離去。

沒有身邊人，怎麼辦，以前，我會找著好朋友陪伴我，
到年紀大了，身邊最要好的朋友也有她們獨立的生活，
總不能陪伴我那麼多，但我知道…我並不孤獨，因為我還是比很多人幸福。
如果每個朋友每三個月陪我一天，那麼，只要我交90個朋友，那麼我就忙得很，還要留返d時間俾自己同家人呢！

------------------------------------------------------------
大家知道寂寞跟孤獨的分別嗎？
我想寂寞自己可以去控制，令到自己工作好忙好忙，
但回想…這樣忙就可以令人生有意義？不是吧…
人總要成長的…深閨怨婦…一定不令人喜愛吧！人總要作有意義的事！


今天我們看到發人心省的文章，也是前人的文字，感動了二十年後的另一稞心靈。
所以，各位blogger，繼續努力吧！

容祖兒

二零零八年一月二十六日，晚上，雨

看了容祖兒的演唱會，
一直以來很喜歡她，因為她的聲音真的很動聽，
音域很闊，可以一下子高音，一下子低音。

她身材很瘦，有一條小蠻腰，跳舞又型又索，令我羨慕得很！

曾幾何時，聽過她公司一些不好的傳言，也聽過她背後的內幕交易，
但其實，那一些鮮為人知的事，我跟本不需要知，也不想要知，

無論當中真假都好，
我讚賞旳，是她當中付出的努力，
我知道一個人有背景，有支持，做野梗係方便得多…
但她本人付出的，一點兒也不要呃殺。

我看到的，是她的努力，有時偏心地想，唱到聲嘶力竭，沙都咁好聽既！

雖然她樣貌一點也不美，但…世上沒有醜的女子，只有懶惰的女子，不是嗎？

天堂與地獄

遊歷過地獄，最終也要上回天堂…

有一首歌，每一次聽都好開心，好喜歡，很振奮…
今天想跟大家分享…

作曲: C.Y. KONG
作詞: 黃偉文
編曲: C.Y. KONG
監製: STANLEY LEUNG

留心坐穩 戰機要開
發射會在 數十秒內
電話要關 但米高風要開
切勿過份按捺

射燈已開 喇叭已開
各就各位 你在我在
傳呼機要關 但你的心要開
請看著這大舞台

* 別心急我聲帶 已經一早唱開
這首歌快將似轟炸襲來 你就讓那擴音機扭開
去將全場(全城)也覆蓋

# 表演我(高聲唱)直到你另眼相看
將抑壓能量 在台上釋放
攻克這殿堂 乍露鋒芒
讓我今晚做女王
幾百萬闕歌 輪流上榜
記下一段段風光
不管以後誰 稱霸稱王
難及我今晚聲勢壯

程式已開 再不會改
炸藥已在 百步以內
牆壁炸開 地殼天花炸開
將宇宙變做舞台

Repeat * #

射燈燒了都不怕 張單我負責吧
喇叭燒了都不怕 讓我清唱助慶吧

Repeat #

不可教別人 過目不忘
仍然讓耳邊天清氣朗

估唔估到依首係咩歌呢？可能我以前學跳舞時，覺得自己跳得最靚最型都係依首，所以特別有好感！
可惜，太耐冇跳，骨頭都硬晒lu！

對不起

二零零八年一月二十六日，晚上看演唱會。
本來好好地，唱到一首歌，發覺有一隻手放在我個膞頭，並開始一下一下，關懷地安撫我。
就在這一刻，一行行眼淚不爭氣的流下來，她跟我說︰「看到你這樣，我很是心痛！」，說著，她也忍不住跟我流下淚來！
對不起，我不是想令你擔憂的，我不想掃興的，請原諒我。

歌詞如下︰ (作曲：徐繼宗，填詞：黃偉文，編曲：唐奕聰，監製：陳永明／舒文)
想不起　怎麼會病到不分好歹
連受苦都甜美
我每日捱著　不睬不理
但卻捱不死　又去癡纏你
難道終此一生
都要這麼　不可爭一口氣

＊很謙卑　只不過是我太過愛你
　連自尊都忘記
　跌到極麻木　只好相信
　又再爬得起　就會有轉機
　若我不懂憎你　如何離別你
　亦怕不會飛＊

＃由這一分鐘開始計起　春風秋雨間
　恨（限）我對你以半年時間　慢慢的心淡
　付清　賬單
　平靜的對你熱度退減

　一天一點傷心過　這一百數十晚
　大概也夠我　送我來回地獄又折返人間
　春天分手　秋天會習慣
　苦沖開了便淡＃
Repeat＊（＃）

（說甚麼再平反）
只怕被迫一起更礙眼
（往後這半年間）
只愛自己　雖說不太習慣
畢竟有限　就當　過關

角力

係現今香港社會，話冇壓力就呃人既…
但係咪真係咁大壓力呢，相信就人人唔同。
對於我依d凡事認真執著既個體，很小事都已經令我好苦惱了。

每天早上，公司都係專車係指定地點接送員工直返公司，
每朝有三班，當然，我永遠都乘坐第三班，
不用苦口婆心叫我出門口，即使我早些起身，不知不覺的出門口時間也是一樣。

第三班車於八時二十五分開出，如果滿坐，就早些開走，
有時八時二十分到場排隊，也會因太多人又冇位坐，
每朝早上，我都夾好於七時五十五分的火車開出，到沙田時約八時十七分，
然後就急步走去乘車站排隊，
唔知點解，有一二個同公司大樓的人同我一樣係沙田出火車，
有時我走得跑些，不知道他們是否有心跟我作死，永遠行得快過我，
好似我每天都覺得自己"行步路都慢過人"，每天早上都很氣憤。
有一個男孩子更令我生氣，我覺得佢跟本同我鬥快，
佢行得好好地，我腳短咪跑囉，點知佢又係到跑，有冇攪錯呀！

如是者，每朝早上這段路程，我都感到很吃力，連行去坐車排隊都要爭。
如果係咁，我遲早壓力太大神經失常了！

其實我真係好唔鐘意爭，但如果上唔到公司車，就要坐的士或者轉幾輪車加遲到先返到工。

又再一次證明，依個係弱肉強食既世界，適者先能夠生存！

卡通片

昨天明珠台播放"小飛俠2004"，小飛俠喎，無論真人版同卡通版都睇過下，咁就睇啦！

點知唔睇由自可，昨天播的是小朋友真人版，但唔知點解，梗係有d問題…
首先，點解溫蒂咁醜樣，依樣都唔緊要，點解變左咸濕版小飛俠，
阿溫蒂一開始就成日都想錫呀小飛俠，咩唔係好純真架咩…
d美人魚變到好似鬼咁樣，勁恐怖！
點解我睇唔到係驚慄版，係咪我睇少左d咩野！

睇左唔夠一半，妹妹最終頂唔順情願睇vcd。

講起卡通片，其實日本<宮崎俊>既卡通片係好好好好睇既！
龍貓d小擺設簡直係一流，cute到嘔，可惜太貴我買唔起…

但迪士尼早前既卡通，都係我既至愛。邊d呢…咪就係阿拉丁同小魚仙囉！
最開心同好睇既係做緊卡通既時候…d男女主角d對白係唱出來，真係好正架！
昨晚就睇左阿拉丁第一集，唔知點解，我梗係覺得阿拉丁好靚仔，又有身材，配阿苿莉公主真係天生一對！
好鬼死浪漫！

如果依家d卡通片多d咁樣唱歌就好了！

命運

每一次想文章既主題…都用了一些腦汁。

因為當內容係無聊野既時候，因為冇咩主題，所以有難度！

就係近來，因為工作上忙，加上人又累，
睇左少blog，更加少左留言同人打招呼！

有種感覺，好想摺左個卜去，因為…

神奇的玩意

男孩子們，留心聽住，今日袋錢落你袋喇！

其實要乙水人歡喜，除左買藍罐曲奇之外，依家仲可以玩魔術喎(識女仔幾work架)！
曾幾何時，本郡主因工作關係，都學過下少少魔術，
雖然…係春茗表演時都好似有穿賓，但國內同事個個都睇得好興奮，應該都唔會介意既！
不過…事前聲明，其實學魔術個時，老師話魔術唔可以周圍同人講點做點解，
可能…都要保障返行內既人搵食啦！而且，咁易同人講就冇晒驚喜架喇！

舊公司有幾個男同事，都走去學魔術，
魔術這個玩意，點解先為知玩得好呢？
第一，要大膽，面皮厚，係咁多人面前表演，冇返d膽量點得呀！
第二，有自信，要同自己講…依個係魔術，呃到自己先可以呃到人！
第三，同一個魔術唔好做超過2次！否則，第2次d人就只會不停咁搵你破綻！
第四，魔術師唔一定要好靚仔，但係要表情豐富，咁先同d觀眾有交流架嘛！
仲有其他…未能盡錄！

不過呢…我自己就唔係咁鐘意啤牌既魔術，
可能因為我朋友之前係初學者，或者我又太多手，佢成日都穿賓既！no good no good！
反而…如果佢同我玩硬幣，變來變去，又或者玩繩個d，
我依d頭腦轉得唔夠快又或者手腳遲鈍加不協調既，就成日俾佢呃到，
咁我就會好興奮咁問佢，超攪笑！

我聽我舊同事講，佢地都係係工聯會學下，初班就學基本既啦！好似有啤牌架！都係幾百元！
佢地依家學緊中班喇，應該就唔用道具，要學返d手勢喇！

不過我好似好耐冇見佢地喇！唔知佢地學成點呢？
幾時先可以表演俾我睇乙水下我開心呢？哈哈哈！

囍宴

昨天收到上頭指示，今晚要去尖咀飲，當作家庭聚餐…
其實都好似好樣衰咁，皆因新郎新娘我都唔識，無啦啦做咩去呢？唔通真係為左食一餐咁厚面皮？

好彩，依個謎團係到場終於解開喇！
原來，係親戚-十一嬸婆個仔結婚，真係要恭喜晒！(但我一次都未見過依d親戚)

係成個宴會上，一般程序都好老土咁進行，
新娘都係感動到喊到七彩，正確來說，係感動！結婚喎…梗係感動啦！絕對值得高興！
而司儀呢…唔…依排d人都好興攪爛gag…
今晚個新娘好靚女，新郎又忠直，望落去仲好老實，幾好幾好！good match！

丫，不過有一樣野令我好驚喜既就係，食飯前影既合照，竟然可以係臨完既時候可以即場派發俾大家，咁又幾好喎！效率高，唔洗n年後又再約出來攞相，估唔到咁快手！勁！

作為同場既賓客，我同妹妹們坐在一起，一起討論二妹結婚時，我地點攪呢？
係咪要搵邊d騎呢得來新娘攪笑但自己可愛既童年合照呢？
細妹話要做司機負責攪gag，我諗，我地係時候要偷拍二妹平時鬧男朋友既片段，等第時播返俾佢地睇，等佢地o晒咀先得！
不過呢…有d阿叔親戚都好煩，我跟妹妹討論緊邊d賓客唔好請，邊d賓客唔想請(因為太麻煩又諸多要求)，結論係…成個家族都唔洗請喇！哈哈哈！

最後在此祝賀一對新人，白頭到老，永結同心！

(其實八卦既我真係好鐘意人地結婚，因為好幸福架，見到人地感動都已經好開心喇！好彩今晚因為唔熟，所以冇喊，唔係就失禮人)

2008 working day

返左2日工，梗係覺得每一日都好眼訓…

又好肚餓，幸好，冇多餘錢買零食，忍得手又忍得口，哈哈哈！

不過今年都係要保持宗旨，準時放工！^^

(夜晚開始語無論次了)

Happy 2008

大家好，在此祝大家新既一年…

新年進步，儲多d錢，開開心心，
係喇！就係咁喇！加油呀！

郡主 上