結婚 - 惡夢

話說歸中好友分別今年同下年結婚，
所以昨天相約一起去左深水步睇整結婚頭飾既材料！

晚上，係其中一位好友家中進行"diy accessory workshop"，
好開心，大家準備係到玩手工藝，
雖然我整來冇咩用，不過都玩下丫，身邊咁多人結婚，
真係玩下都好！正所謂"送禮自用皆適宜"哈哈哈！

其實整個時我地好緊張究竟點整先靚呢？
最後放上係個頭既時候，竟然係，咁講究其實都冇咩用，
其實只要夠閃，襯上頭就ok，單看係咪咁靚，唔需要咁執著。


可能見佢地日講夜講結婚d野，
攪到我昨晚發夢添，可惜，依一個係一個喊晒口既惡夢，
話說講起人地結婚，冇啦啦屋企人同我講，你都要結婚喇！
咪就係今日咋嘛，大家都知啦，都ok準備好，結啦結啦！

係咪傻架！冇啦啦關我咩事呀，
個新郎又唔係我依家男友喎，仲要冇人求婚，冇人話會結婚喎！
係到迫我換晒裙，化緊妝都流眼淚呀！
咩事呀！跟住我衝口而出︰"我唔結喇！今日你結埋佢啦！"
但冇人理我，隨即有d後悔，因為見到個新郎變左做男朋友…
不過係毫無心情準備之下咁攪法，都係唔開心，
但由於好累…都要照訓…直至俾人嘈醒！

可能…我依d適婚年齡，所以身邊多左朋友結婚…
依樣都唔怕，我擔心我銀包，真係節省d都唔俾扮靚俾人情呀！