香港不嬲都係一個購物天堂，有貴野，有平野，岩晒不同人士既選擇！
話時話，我好似好耐冇買野喇！
唔係依樣睇唔岩，個樣又冇錢買！加上失業既形勢，更加要勒緊褲頭！
但昨天忍唔住，終於出手喇！
昨天同班舊同事食lunch，就去左尖咀行左陣，跟住去埋驗身，就要去交文件同探公公了！
起初係尖咀，其實都冇咩睇中，既然冇咩必要，都唔會亂洗錢。
跟住去驗身喇！(因為有新工，佢要我驗身先得架！)
當中要驗眼，大穫啦！我戴左con都睇唔到d上下左右，爭d答錯晒，點算？
跟住去度高磅重，我發現自我中五至今，竟然係高得0.5cm，><
去到俾人照肺喇！個護士問有冇懷孕呀，答左佢"冇"，佢又問，答完又問，問完又答，如是者問左好幾次，問到我都開始懷疑我自己！
跟住原來要抽血呀！天呀！不過好彩，個護士一來都幾靚女，二來手勢真係好好，
完全唔同呀！我月頭抽個次唔同，抽完左手冇血出又抽右手，攪到2隻手廢左咁，爽呀！
最後見埋醫生就離開喇！
咁行行下，行到d地舖商場，俾我見到d特賣場喎！
當然d衫叫做有d牌子，但我又唔識晒喎！
不過呢…見到d款又幾有cutting，價錢又唔貴，咁乙水下自己開心囉！
如是者，咁就瘋狂咁用左今個月既quota喇，當係慶祝下啦！^^
晚上，受媽咪之命，全家人都去探公公，
其實公公今年九十幾歲喇！之前雖然唔記得晒我地，但都叫做精力充沛，但依家唔喇！
要靠氧氣去幫助呼吸！我地同佢傾計既時候，佢就口0翕0翕，心跳又多返d！
本來我都冇野架，都會嘻嘻哈哈，不過聽到媽咪同公公講，大個幾個孫女好快嫁喇！d孫去晒探去喇！
辛苦就安心去喇！唔洗掛住，唔洗擔心！
就係依一part，我就忍唔住眼濕濕喇！
媽咪話醫生已經講左公公隨時走架喇！公公，安心喇！
沒有留言:
發佈留言