壞習慣

我有一個唔係咁好既壞習慣…真係成日都眼金金望住人。

我有個朋友跟我說，這是一個很不禮貌的行為…其實我知既…
雖然係眼金金…但我唔係啤住人地個種。

眼金金望住人有幾個狀況︰
一)隔離枱d野好好食或者好似好好食
我試過同朋友食飯，三個人食和民傾計食左三個鐘，
朋友話留意到我好不期然咁全晚望住隔離枱d野食，同我講，如果想食就叫啦！
我話唔洗，但佢地又發現我不停眼定定咁望實晒，真係失禮人喇！

二)見到好靚/特別既野…
靚野得人鐘意就梗架啦！唉！不過我又實在望得太過入神喇！
簡單就指今晚丫…做完gym吹頭喇！
見到隔離個女仔話靚又唔係好靚，但又覺得幾有品味喎！
眼見佢條吊帶短裙，個款真係型呀！不過我諗都唔係平野！
見到見白色tee都係westwood，成個logo係心口，d質料又ok喎，望少d都唔得啦！
加上個女仔d皮膚雖然唔係白裡透紅，但望落去都叫做有彈性，毛孔又好似好細咁喎！
就係咁…我吹個頭幾耐就望足幾耐！

走個時，我見個女仔都望住我，我又望住佢，但咩感覺都冇…(正常丫)
不過我諗…佢一定唔係覺得我有咩特別所以望住我…
而係佢心裡面一定係到諗緊…"你望夠未呀…望！"