變質的友誼

別人說︰別期望在工作上找到朋友。

人越大，越難找到真心朋友。

然而，結識很耐的…是否又一定是好朋友呢？

-------------------------------------------------------
突然間，我有點保留，
我承認，我也是一個麻煩的人，嘻嘻哈哈，廢話超多。

其中一個朋友，她從來對我很好，
每次分手都哭著找我訴說，
打算第二天陪佢，卻又跟我說復合了，又或者有新男朋友了。
找男朋友方面，我從不用擔心她…但感情上，我不知道她結識了什麼人。
那麼，我就像她背後的一個女人。

這個，我理解…因為我了解亦包容了她的所謂缺點！



另一個，結識了很久很久，
我們感情一直很深，她待我如家人，無論什麼事也站在我身邊，
感情上我挫敗了2次，她也在我身邊，
她的感情也豐富無比，當然我也會在她身邊支持她，
不過她是一個比較成熟的人，很多事也會為自己打算，不用我擔心。
自她回來後，其實大家既背景生活已經有一段距離了！
但最近發生了很多事，好像很多不滿似的，
又好像再跟其他朋友一樣，很煩很煩…是不夠包容，還是別人口中的某些人特別麻煩哩！

就連相約去邊到吃飯，每次都也有不快事，
事實很簡單，只是去港島區還是九龍區，
很小事吧！點解咁煩呀！
不要特別優待某一個人，要公平…
不要給別人覺得不好，可以嗎？

任何人也會覺得累，知道嗎？



我明白…大家也有心和珍惜，

我明白，每個人都總有安排上的難處，但太多難處，很是會令大家掃興的！

不是在怪誰，只是hard feeling總會無故的浮出來，這是我不忍心見到你！

-------------------------------------------------------------

我不介意身邊每一個人都有另一半，但當安排上，某些時候，
要安排2人世界，我就變得被排外！
我不是介意，反正很多事，大家應該明白同可商量！

但願…真係能體諒和有商有量！

跑數

今天晚上運動完想走人既時候，
行過商場又係d信用咭推廣，其實我都唔想申請架喇！

我又唔會用張咭既，無謂貪個d小便宜丫！
跟住，有個其貌不揚既男孩子走來sell，其實都已經拒絕佢幾次啦！
我忍唔住問.....咪係唔夠quota呀！不過我唔用，你冇佣架喎！
佢答我…要交數嘛！

算！我幫佢！

想著自己都很傻，我記得以前小男友起初出來工作做sales，
我知道跑數交數都有一定難度，為著俾d機會依d年輕人，
我就幫幫你手啦！(哈！我太好人喇！哈哈哈！)

謝謝你…

測試下先…

我依d電腦白痴，好多謝多位人兄教下set野，今次要多謝音語大哥。

今日學既野係…登登登登…



如何set可以係人名到直接link落人地個blog到！
哈哈哈哈！係咪好叻呢！終於學識左喇！多謝晒！

壓力知多少

其實做左咁多年野…你話冇壓力就係假既？

尤其係我依d唔識放鬆既人，但係點知自己既壓力開始嚴重呢？

其實好簡單…就係當我壓力指數上升既時候，
我就會開始發夢都諗起邊d野未做，聽日要點樣覆個麻煩客，
又或者夢見聽日會俾d發神經客痛罵？

真係訓都訓得唔安樂！

就係早2日，師傅又no show，唉！
晚上發夢見到2個女人係咁係到嘈，咪已經幫佢追左啦！(個時唔知點解會係禮堂)
跟住聽到出面好似有師傅來緊喎，點知聽到有女聲尖叫！(係好淒厲既尖叫聲，勁恐佈)
咁我地成班同事，諗住叫d男仔出去睇下咩事，點知冇人肯出去，
大家都好驚，咁全部人訓起地下蓋被扮瞓覺，
終於…有人入來喇！


眼見一個著住雨褸既"任達華"，雙手沾滿鮮雨，超恐怖，
我即係合埋眼扮訓啦！佢仲逐個走近咁樣睇下邊個唔係訓…
就係咁樣…我心寒到扎醒左，跟住超驚咁又蓋被再訓！

引申到，昨晚開ot做到十一點幾，一個人係office超驚！
行過巷仔既時候，簡直唔敢亂望，好驚好驚好驚！

最後忍唔住，好艱難又唔好意思咁打左俾個朋友，我都知咁夜打俾人衰架喇！
不過我真係好驚…你知之前又有單咩冇頭案！
好彩…個朋友由旺角陪我傾到入屋！安全晒！

------------------------------------
講起個單案，那朝早上返工，d同事已經講斬首，
我就問咁駁唔駁得返，有冇死到呀！
d同事聽我咁講就o晒咀，我話︰斬左隻"手"0者，唔洗死卦！
原來係我誤解左，跟住就俾人話我白痴喇！哈哈哈！

不出文的原因

好似好幾日已經冇出post喇！

點解呢？其實冇咩特別原因，只不過一個字…忙！

丫…近來呀…工作沉重，投訴又多左喇！
搵工又冇回音，攪到心情重沉重！

因為又要同朋友食飯(好朋友約會唔可以推既)，
攪到晚晚都點幾先訓…加上上星期日日ot挨夜，晚晚係火車小巴昏迷，
終於忍唔住，d暗瘡爆晒出來，唉！仲要係大暗瘡，
超樣衰…咁樣我唯有可以係今日早d返屋企啦！

其實我都試過係lunch諗住出post，不過公司部電腦唔俾我sign in到，衰到死！

天堂與地獄之間

上一星期﹐工作十分忙碌，又唔夠數，慘！
最辛苦既係晚晚唔夠訓…係巴士同火車上昏迷，
又要避免過站，真係少d運數都唔得！
(死好命！下下一開眼就跑落車！哈哈哈！)

星期六…收到一個消息，異常咁替佢開心呀！
而自己同同事去左玩，有講有笑，真係好耐都冇試過咁開心！

可能…以前既我，開始返來喇！

又來多一張

今次係…680727…

喇！68年，咁即係好快40歲啦！
唔依40歲既人又會唔會好似我咁…儲自己生日日期呢？

不過呢…今次隨年月既增長，銀碼都有所增長…
依一百大元，我保留到七月啦！如果唔係…我好快又洗左架喇！

心理測驗

http://www.fg.tp.edu.tw/~d1351935/php-4.htm


我的結果
你的性格多變，喜歡新奇而有變化的事物，不安於現狀，喜歡旅行，其實
你是個十分認真的人，儘管往往表現出無所謂或裝瘋賣傻的行為。對於規
範並不會完全遵守甚至會勇於提出質疑，不喜歡成為眾人目光之所在，
但還是會願意對團體貢獻出自己最大的力量！
你往往不必過度追求或注意，身旁就有很多的異性朋友，通常大夥兒就像
哥兒們似的混的很熟，真正的愛情反而不易遇得，好奇性高的個性讓你
往往能冷靜的做下判斷與思考，但是要注意呦！一但遇到心有所屬者，
一定要定下心來認真經營，男孩子也是和女生一樣執著而在乎的呢！^^

....對！就像哥兒們…慘！咁就大穫啦！

鬱燥症

鬱燥症…是近日大熱的話題，
都巿人壓力太大，不懂鬆弛，以致精神緊張，最終害了自己亦傷了人。

除左依樣，係香港…有唔少人，都係相信係有抑鬱症或者狂燥症等情緒病。
狂燥症不用多說…如果d人唔係壓力大，又點會少少野都不斷complaint，complaint再complaint…
至於抑鬱症呢…就真係好睇個人性格喇！
老實說…我係覺得自己已經係其中一個患者喇！
因為我實在太緊張…因為對事情既執著，其實俾左我自己好大壓力，
不過我冇去睇醫生，當我發覺情緒異常不穩既時候，我去左睇一d抗抑鬱既書！搵朋友傾計！
其實除左依樣，我成日都覺得自己有隱性心臟病，
我受既激得太多喇！我心血愈來愈少喇！(雖然我明白我比起其他人，我倘算幸福的一群！)
不過我很害怕…有一天，我會承受不起，痴左或者暈低左，到時真係可以好好休息喇！

今晚，我很感謝上天一直對我既眷顧和保護！
從我長大以來，其實我算蠻幸福的人，
起碼，網上交友，我未曾遇上壞人，我想如果知道我有大膽既舉動，實會有人擔心同責怪我。
第一次拍拖既時候，我發覺冇人保護到我，那一刻，我相信自己先可以保護自己。
我明白現今社會還會有一些有風度的男生，可惜我遇上的少之有少。
第二次拍拖，找到一個很愛錫我的男生，很倚賴佢同相信他，可惜，到分開的那一剎，他沒有義務再照顧我。
我知道，人總是要靠自己的…所以，我好像很堅強似的(比起那些自殺和傷害自己的人)
晚上回家，我總不會替自己擔心，因為我要自己保護自己。
別期望有人會送你回家，那只是追女的招數吧！(就算是朋友，山長水路送你都唔好意思啦！男女公平嘛！)
但在今天晚上，我有一刻心寒，不在於在巴士上昏迷，也不在於由商場走回家的那段路！
是在那一條今晚特別少人行既隧道，平時行，我從不感到害怕，今天晚上，其實我心裡面很驚的！
就是因為得一個人行！那一條短短既隧道仔，燈火光明，可能係我近來太累，狀態不佳，頭暈休克，四肢無力！
我感到自己的虛弱，我害怕我在有任何危險既情況下沒能力反抗，呼叫或跋足逃離。
白痴地覺得沒有人會向一個不是"國色天香，甚至身無分文"既我埋手，哈，你打劫我係你走衰運，我今晚身上就不足十蚊走天涯！

但心裡面…總會為自己每一次既幸運而感恩，很感動依然受眷顧！
其實…我今晚很累的，不過，訴說完…可以睡一場好覺！

p.s 其實我知道心口再不能只掛個"勇"字，依一套，已經唔work，只會令我死快d架咋！哈哈哈！

2008元宵後感

今天晚上，郭富城跟我一起過，很是快樂！
如果根據今晚的興奮度去計算痛苦(反比)，我是極度興奮的。
我不知道身邊的路人甲乙丙會否以為我吃了藥，
也不知道會否覺得我在嘈音滋擾他們，
但是如果以上行為可以減壓的話…可見得，我的壓力是如何的大！

我的位置只是三百元的票價，幸好對正台，他很多時都面向我方。算抵！
可惜是我的前方一堆人，右手邊一堆人，全是文靜一族，沒有棒棒聲，沒有呼叫聲，我更沒看見右邊的那對中年戀人有拍過掌！
可能他們也覺得我很煩厭，因為我用捧棒打到他們，我不知道是否打了他們很多下，他們才忍不住出聲叫住我，
但自始後我的動作收儉，也用背部對住他們。(超好彩是坐近路口位)
不過我想他們也可能有費錢買門票，我就饒了他們吧！
我不喜歡現時的棒棒，因為不足半場，棒棒的長度減半，變成老弱殘兵，有誰會幫手改良哩！
結果，餘下半場，我用我的掌聲代替，那對手，一刻也沒有停過，完場時也紅腫起來，但值得的！
更可喜是…最後的玩水那部分，終於可站起來鬆下筋骨了！

其實…我的心真的累透了，
這晚，我也想了很多…想我喜歡的，想我需要的，
對不起，我承認…我還未長大，我還未成熟，我需要的…是一個可以照顧到我的人。
我不需要你是一個很瘋狂的人，不用你跟我奪命狂呼，那些挑逗性行為，還是留給女孩子做吧！
但我希望…你能夠包容我的稚氣，體諒我的白痴，以及好好的寵愛我。
而我…會為你隱藏著我的功夫，在你需要的時候，好好的站出來保護你。
我從不是大難臨頭各自飛的那一類，這是我的承諾。
朋友跟我說過…你從不是弱者的那一類，就不要以那一種姿態出現，
我想…即使我現在有多弱也好，骨子裡，也始終藏著一點傲氣，透支到死亡一刻。

我在想…我真的希望你過得好，因為這樣，你的離開才有意義！
友人說︰就是你這種爛好人性格，過分善良，就苦了自己。

後記︰我沒想過，原來第100篇是這麼的感性真實的。

壞習慣

我有一個唔係咁好既壞習慣…真係成日都眼金金望住人。

我有個朋友跟我說，這是一個很不禮貌的行為…其實我知既…
雖然係眼金金…但我唔係啤住人地個種。

眼金金望住人有幾個狀況︰
一)隔離枱d野好好食或者好似好好食
我試過同朋友食飯，三個人食和民傾計食左三個鐘，
朋友話留意到我好不期然咁全晚望住隔離枱d野食，同我講，如果想食就叫啦！
我話唔洗，但佢地又發現我不停眼定定咁望實晒，真係失禮人喇！

二)見到好靚/特別既野…
靚野得人鐘意就梗架啦！唉！不過我又實在望得太過入神喇！
簡單就指今晚丫…做完gym吹頭喇！
見到隔離個女仔話靚又唔係好靚，但又覺得幾有品味喎！
眼見佢條吊帶短裙，個款真係型呀！不過我諗都唔係平野！
見到見白色tee都係westwood，成個logo係心口，d質料又ok喎，望少d都唔得啦！
加上個女仔d皮膚雖然唔係白裡透紅，但望落去都叫做有彈性，毛孔又好似好細咁喎！
就係咁…我吹個頭幾耐就望足幾耐！

走個時，我見個女仔都望住我，我又望住佢，但咩感覺都冇…(正常丫)
不過我諗…佢一定唔係覺得我有咩特別所以望住我…
而係佢心裡面一定係到諗緊…"你望夠未呀…望！"

馬拉松的小故事

今日係跑渣打馬拉松既大日子…我都有好多朋友參加…
慶幸其中二個朋友既時間比以往既快，應該去賀一賀啦！

頭先睇新聞...我係咁牛咁眼睇下有邊個識…可惜，d人跑得太快，我睇唔到呀！
剩係見到個bb係到跑…3條超攪笑既鯊魚…

不過有一段講有人跑完馬拉...即場跪地送花求婚，
個女主角驚訝得大叫留口水(kakka~)，
我真係覺得感動，忍唔住流左2滴眼淚。

結束十公里長跑，也結束十年的愛情長跑。攜手邁向新生活，幾咁開心哩！

我係到諗...下年我係咪要參加下呢！但…有冇短d架！我怕我跑唔郁喎！

搵工等如搵老公

雖然依份工返左半年左右，同事們個個都好好！
但之不過由於公司有d問題(其實間間公司都有唔同既問題存在)，
個個同事都唔係咁想做，做得唔係咁開心！
雖然我唔係因為咁受人影響，之不過，繼續做，好似同我入職時想既野唔同…

依家都有睇下有咩工好做，你話我冇要求，我又唔係，
你話太高要求，又好似自己唔係好配喎！
依d野都好過機緣巧合，同人唔同命…
當然，首先要睇下你自己咩條件先得架！

不過呢…你話對自己冇信心又係死喎！自己都睇唔起自己，人地點睇得起你呀！
所以呢…自我又有一番爭扎。

其實…目標已經有，但太長遠。都係應付左眼前先，哎呀！講到自己都唔知想講咩！
----------------

不過，見到一d工，咩都唔係好寫工作內容就諗到唔洗諗架喇！
都唔知做咩…
----------------

係咪好似唔貼題，其實唔係架，只不過係思緒太亂喇！聰明的你，實諗到既！

渣打馬拉松

明天就是跑渣打馬拉松的日子，
以我所知，有部分朋友都有參加，
聽講渣打員工都要參加…

今天晚上回家時坐火車見到下微微細雨…
恨不得馬上提醒你要小心…
一望…原來已經11:52pm，我諗…大家如果要跑既，都應該訓左卦！
而且…我記得易亦同我講過個句說話，我要堅守去忘記做多餘的事！
仲難為我放工去買埋既先返屋企(又洗錢…慘！)

返到屋企，沖完涼，隻右眼皮不停咁跳，
我真希望明天天氣好返d，唔好太凍凍親，最緊要安全！

尋90年5月6日出生的人

尋人啟事
------------
尋生於90年5月6日出生的男或女，
如認識此人，請轉告我吧！謝！

------------

唔洗驚！其實我唔係有咩居心，
我今日收到封利是，紙幣上的編號係FD900506。
其實，如果肥龍兄係90年5月6日出世，依張我一定送俾佢！

因為我自己成日都想收到一張紙幣係印住自己出生日期，
難得依張號碼又真係可以配合到現今世上既人的出生日期，
我估…都有人想好似我咁擁有一個自己出生日期既錢！

夠心思夠浪漫卦…哈哈哈！(你睇我幾咁無聊)