2008 生日派對 (續)

上回說到…到抵香港一刻，已經滿心歡喜的想跑出閘會情人了！
可能我份人比較熱情主動，其實我好渴望一見面來個激烈擁抱+深情一吻！(你話係咪好似睇戲咁浪漫哩！)

好友同我一起出閘，佢二眼唔夠就係前排見到佢男朋友喇！
大穫，咁我個個呢？唔見人既！
冇幾耐，好友話︰你個個咪行緊來囉！(下，依家先行過來，等死我咩，人地好心急見你呀！)
終於見到喇！佢好cool呀！第一句就問，點解咁耐既？仲要企開咁遠(其實幾cm我都覺得遠喇)，好大盤冷水，
眼見另邊廂，好友同男友已經勁纏綿喇！
我想…我既plan A失敗左喇！之後我地坐巴士返屋企，仲要冇位要分開隔離坐，激死，plan B又冇埋！
終於返到屋企，男友以為我會忍唔住即刻晒戰利品，錯喇！三日冇見，梗係要爭取時間，攬下都好丫！(佢實話︰你係女仔來架，咁唔知醜既)
禮物依d野，反正聽日放假，聽日再睇都未遲！

沖完涼先後，男友無端端攞左個生日蛋糕俾我，好開心呀！
不過呢…我要等埋佢先拆禮物，睇一張好有心思既生日咭！

那天晚上，我們談了很久！

第二朝，我地竟然躲懶，直至下午點幾發覺超超超肚餓先捨得起身，
如相中一樣，這個百分九好男友煮愛心公仔麵俾我食呀！(我真係覺得佢識幾多野架喎！雖然係一碗麵，但我已經好滿足了)
之後我地去左屯門巿中心行街呀！yeah！又可以shopping喇！
我仲買左套靚靚泳衣去游水著呀！(因為有佢，我先唔會買太多無謂既，同埋真係會買到原本計劃買既野啦！)

晚上，我們一起回家吃飯，之後傾多一陣計，食埋蛋糕就送我回家了！

其實我都知自己衰衰地咁問左你一句︰點解今晚唔係出街食既？咩唔係同我慶祝咩？
雖然依日我地唔係話咩大事慶祝，但有你係身邊，其實已經好滿足，平淡中帶點不平凡嘛！right？
如果因為我一句令你到唔開心或者俾左壓力你，對唔住呀！我知道你已經花左心思！
不過呢…我地一路行街一路一人一啖"麥旋風"，我真係覺得好溫馨同甜蜜，最衰冇影相留念！
我知道你以前係做餵人個個，不過呢？從今開始，你要習慣下俾我照顧，依d野梗係女仔做架啦！千奇唔好同我爭呀！

最後…我想講既…係依日裡面，其實我們係生活當中既相處，學習到…
男友係d咁怕羞既人，咁我就真係要慢慢習慣下喇！
而且我地行街購物時大家既觀點唔同，其實都唔係真係咁壞既事情，因為要先了解對方所想，
大家再互相配合同遷就，咁樣，我們先可以打穩基礎去迎接將來既共同生活。
所以…總括來講，依一日，我係得益良多既…