近來的不快

上星期的時候，其實心情是十分不爽的，
整個人很不開心很失落…

其中都關乎家人，工作，朋友…
先說家庭吧！我們一家六口住在一個細小的單位內，
地方雖然細小，沒太多私人空間…不過，其實蠻熱鬧的…
但就在這濟迫的小單位內，你的行為就容易影響到身邊既家人…
就係因為一d磨擦，被家人炮轟了一頓，
其實我有諗過，係咪我同家人緣唔好，又或者跟他們的觀點與角度不同，
某程度上，有時都覺得幾難去交心的…當然，我知道自己任性，所以他們不放心我吧！
他們的好意，我明白的…但只是希望別用那麼傷的言語去表達，我唔buy仲更加反感架！
不過，為了表示我的選擇是正確，我一定要做返好d，起碼對受到影響既人先公平！

二個人的相處，除了我家人，就是對方家人了…
我想…其實都有蠻不開心的地方，雖然不是親口跟我說，
但笨笨的我…還是會感覺到的…

至於工作，天呀！都係搵份工，我多次重覆我唔係一d事業心重既人，
但我依然要為自己的工作而負責，
有時上司問，點解條數咁差…我真係唔知點答，我會為自己做得慢做得唔夠好而唔開心，
但係…我係咪真係唔適合做呢？(講左辭職好耐，但做下又一日，做下又一日)
然而，我有時不太敢跟男朋友說這個話題，
我都好怕佢知道原來我是如此不濟的…哈哈哈！二來，唔想佢擔心嘛！
我雖然倚賴，但有d野總要自己承擔和面對！
其實很多時，很想不負責人的說，你覺得我唔好咁炒我囉！
係！講得好似好型咁…但錯晒囉！依d咁不負責任的說話，我唔想出自我把口同上司講，
老實說…依間公司d同事真係好好好好好x1000000000000000000，但我唔想任性而說出一d不負責任的說話，而影響大家關係！

我最近收到一個消息係關於舊公司，
聽到之後，其實都有點兒不快，一個我覺得佢係我好朋友但心事極多的人，一個係我好尊重既上司，
well，雖然他們等人的決定一定有佢既原因和計劃，
我覺得佢地的安排從來沒有計劃我，我心底裡面相信他們一定有原因和想法。
但我又會覺得…被排外的感覺很是不好，雖然別人唔一定要顧我感受。
最後，我得出一個結論︰係上司下屬既就會公私分明，係朋友既就唔遷涉公司利益。
咁諗…會唔會開心d呢？

p.s 其實好多心事，我都有跟友人說起，很多謝他們的關愛，能夠認識他們是我的福氣！thx~