我的秘密

很多年前，因為怕痛…所以我一向只得一隻耳孔，我想…有十年了！

但發覺，美女們好像不會只有一隻耳孔，那麼，我豈不是永遠也做不成美女！
哈哈哈！

唔…我發覺我永遠都是這樣的，
有機會俾我作主動的時候，總是畏首畏尾，
到事情已經發生進行左，又總覺得不夠我想像中完美，
這樣的人，真的挺麻煩。

我想…我要克服自己的短點，下一次，一定要在不夠完美之前加多幾分幹勁！
那麼…就可以貼緊自己要求些！

似水流年

今日send左一個sms，得到一個回覆！
跟住回家睇電視講緊梅姐，有d感覺，所以想同大家分享下！

歌名:似水流年
附註:電影似水流年主題曲
語言:粵語, 曲長:0m0s
作曲:喜多郎, 編曲:黎小田
監製:, 填詞:鄭國江

望著海一片滿懷倦　無淚也無言
望著天一片　只感到情懷亂
我的心又似小木船
遠景不見　但仍向著前

誰在命裡主牢我　每天掙扎　人海裡面
心中感嘆　似水流年　不可以留住昨天
留下只有思念　一串串永遠纏

浩瀚煙波裡我懷念　懷念往
外貌早改變　處境都變　情懷未變



特別鳴謝"火鶴"兄教我post youtube條link，我選左最陳年既video，真係沙龍得很有味道，哈哈哈！

聖誕咭

睇緊各人的聖誕交叉扑，首先恭喜鐵鎚兄攪得咁成功！

其中一篇講起聖誕咭，其實…我都好多年冇送聖誕咭俾朋友了(說明左男朋友除外)！
我本身好鐘意收咭，不論係聖誕咭，生日咭都好，冇禮物唔緊要，
但咭…我都想收一張。

但當然，我既要求唔會咁低，我喜歡的…是咭裡面會寫字或者論文既，
而唔係普通一句..merry christmas & happy new year..或者..生日快樂...之後咩都冇個d！
我覺得依d就係heart既表現，所以我好重視依d咭，依一份心意！

但近年來e-card普遍通行，而且問人攞地址又比較難，
寄聖誕咭對我來說比例難了，又或者…身邊值得我去寄或者送有意思既咭既人又少之有少，
行貨我唔交，加上冇咩心情，所以就只好停手作罷！

昨天跟朋友說起咭，好懷念我親手整咭的日子，
以前…我會親手整一些手作送給我喜歡的人和朋友，
當中不乏大部分既咭都係我親手整。

有立體，有剪貼，有燙金，想起也懷念。
不過…就算出街買的咭也要精挑細選，加上一些內心說話。
我覺得簡單係無價！

或者下年…我都要實行返先！
(抱歉，其實我真係好鐘意日本個d包裝設計…那些用很多花紙，不環保但很美很美的設計，我愛得很！簡直想即刻飛去日本學！)

艷 女 網 上 徵 婚 人

艷 女 網 上 徵 婚 人
港 男 洋 漢 中 招 　 全 國 網 友 追 緝
【 本 報 訊 】 深 圳 一 名 艷 女 在 國 際 徵 婚 網 站 藉 徵 婚 來 騙 財 兼 「 人 」 ， 她 提 供 的 徵 婚 相 片 樣 貌 美 艷 動 人 ， 吸 引 不 少 境 外 人 士 追 求 ， 當 中 不 乏 港 男 。 她 每 次 與 網 友 約 會 都 會 帶 對 方 到 商 場 大 肆 購 物 ， 其 中 一 名 德 國 男 子 為 她 花 了 6 萬 元 人 民 幣 購 物 ， 德 漢 回 國 後 更 先 後 款 共 60 萬 元 人 民 幣 給 她 供 樓 ， 當 他 財 盡 時 才 驚 悉 是 個 騙 局 ， 只 好 再 飛 到 深 圳 報 案 。 據 辦 案 公 安 透 露 ， 受 害 者 中 包 括 香 港 人 。 本 報 記 者


遇 騙 的 德 國 男 子 米 蘭 （ Milan ） ， 昨 在 其 代 表 律 師 陪 同 下 親 述 受 害 經 過 ， 他 指 公 安 透 過 銀 行 賬 戶 追 查 到 對 方 真 實 姓 名 為 代 洪 娟 ， 是 一 名 居 於 深 圳 的 35 歲 重 慶 女 子 ， 且 有 不 少 港 人 及 洋 人 中 招 。 米 蘭 希 望 通 過 網 絡 發 動 逾 億 的 中 國 網 友 幫 助 緝 拿 女 騙 徒 ， 追 回 被 騙 的 款 項 。


英 語 流 利 　 談 吐 得 體


遭 騙 財 的 德 國 男 子 米 蘭 展 示 Anna 的 照 片 ， 表 示 會 不 惜 一 切 代 價 找 到 她 ， 並 追 回 60 萬 元 款 項 。

現 年 57 歲 的 米 蘭 昨 向 記 者 透 露 ， 身 邊 幾 名 朋 友 都 成 功 在 一 個 國 際 徵 婚 及 交 友 網 站 找 到 東 方 女 子 為 妻 。 去 年 4 月 他 通 過 該 網 站 結 識 了 報 稱 31 歲 的 深 圳 女 子 「 Anna 」 ， 雙 方 每 天 約 定 在 網 上 見 面 。 米 蘭 昨 透 過 繙 譯 說 ： 「 Anna 自 稱 在 一 家 美 國 公 司 做 銷 售 工 作 ， 月 薪 4,000 美 元 。 」 由 於 她 英 語 流 利 ， 樣 子 美 艷 且 談 吐 大 方 得 體 ， 經 五 個 月 的 交 往 後 ， 米 蘭 多 次 邀 請 Anna 到 德 國 見 面 ， 但 她 均 以 簽 證 問 題 為 藉 口 拒 絕 。
去 年 9 月 14 日 ， 米 蘭 飛 抵 深 圳 與 叫 阿 娟 的 Anna 見 面 。 米 蘭 說 ： 「 當 晚 見 到 Anna ， 覺 得 她 本 人 比 網 上 所 見 更 美 ， 是 一 個 充 滿 東 方 韻 味 的 美 女 。 」 當 晚 兩 人 閒 聊 三 個 多 小 時 ， 其 中 一 點 令 他 留 下 深 刻 印 象 的 是 ， Anna 不 是 一 個 隨 便 的 女 子 ， 他 因 此 更 覺 對 方 是 自 己 大 半 生 正 在 尋 找 的 另 一 半 。
翌 日 ， Anna 帶 米 蘭 到 市 區 逛 商 場 ， 他 花 13,000 元 人 民 幣 買 了 一 條 金 鏈 送 給 她 。 「 留 在 深 圳 的 八 天 ， 天 天 都 是 逛 商 場 ， 我 一 共 為 她 花 了 6 萬 元 購 物 。 」 米 蘭 又 說 ： 「 每 當 我 臉 露 難 色 時 ， 她 總 會 說 是 在 測 試 我 的 誠 意 。 」 兩 人 相 處 第 三 天 ， Anna 與 他 發 生 關 係 ， 並 答 應 了 他 的 求 婚 。


拖 延 結 婚 　 自 稱 患 病


受 騙 的 米 蘭 抵 深 圳 尋 人 ， 然 而 Anna 恍 如 人 間 蒸 發 般 失 了 蹤 。

當 米 蘭 提 出 要 為 Anna 申 請 到 德 國 時 ， 她 透 露 剛 在 深 圳 買 了 一 個 100 萬 元 的 住 宅 單 位 ， 正 在 供 款 不 能 出 國 ， 米 蘭 回 國 後 在 三 個 月 內 分 11 次 共 給 她 60 萬 元 人 民 幣 。 今 年 2 月 ， 當 最 後 一 筆 款 寄 出 後 ， 女 方 對 米 蘭 的 態 度 開 始 忽 冷 忽 熱 ， 他 才 意 識 到 自 己 或 許 受 騙 ， 多 次 以 電 郵 質 詢 對 方 ， 並 表 示 會 通 過 法 律 途 徑 追 究 。 Anna 即 回 覆 稱 自 己 患 了 白 血 病 ， 暫 時 無 法 去 德 國 結 婚 ； 米 蘭 得 悉 後 即 飛 到 深 圳 ， 但 抵 卻 無 法 聯 絡 到 她 ， 只 好 返 回 德 國 。
米 蘭 回 國 後 向 德 國 駐 廣 州 領 事 寫 信 求 助 ， 並 通 過 網 絡 找 到 廣 東 省 的 律 師 ， 同 時 以 電 郵 方 式 向 羅 湖 公 安 分 局 報 案 。 公 安 經 追 查 下 ， 發 現 Anna 是 重 慶 豐 都 縣 人 ， 真 名 代 洪 娟 ， 其 住 所 在 羅 湖 區 蓮 塘 ， 但 已 於 上 月 26 日 以 70 萬 元 人 民 幣 轉 售 給 一 名 港 人 。
據 新 業 主 張 小 姐 表 示 ， 當 時 單 位 是 代 洪 娟 和 一 名 叫 John 的 美 國 人 聯 名 擁 有 。
本 月 13 日 ， 米 蘭 第 三 度 到 深 圳 尋 找 Anna ， 經 過 逾 10 天 的 找 尋 ， 他 徹 底 失 望 了 。 他 說 ： 「 我 會 不 惜 一 切 代 價 找 到 Anna ， 希 望 中 國 的 億 萬 網 友 幫 助 緝 拿 ， 我 不 是 想 她 坐 牢 ， 只 是 想 追 回 我 的 款 項 。 」 但 對 於 米 蘭 的 遭 遇 ， 內 地 不 少 網 民 則 指 他 是 咎 由 自 取 ， 不 值 同 情 ， 亦 有 港 人 在 網 上 留 言 稱 ： 「 我 都 上 當 ， 大 家 幫 忙 追 緝 。 」

晨早流流就睇到依篇新聞，依家個腦仲"發發"下，都唔知同情佢好定覺得佢咎由自取，都係不願置評。
不過無論咩國藉，其實都要小心一點，保護自己，免受他人傷害。
對案中受害人，長期掛住做野，依家57歲先搵女朋友無問題，可惜，他遇人不淑丫。
(記得有個朋友勁攪笑咁勸我，女人老左搵唔到男朋友唔緊要，最緊要有錢，咁男人就算唔愛你都講到好愛你，真係俾佢激死，可惜我冇錢。依招唔work！)

但係，有d野，當中你情我願，其他人冇得加意見架嘛，忠言往往都往逆耳架啦！
結論︰害人之心不可有，防人之心不可無。
有咩諗唔通，搵個信得過既人傾下，知道嘛！

Boxing Date

OHOHOH...今日係拆禮物既日子，
今朝早一起身，夠早喇嘛！
人生的弱點就出現係我腦中，我好想行街shopping呀！

雖然未必會買，但唔買睇下都好丫！
唔係會好悶架！

你地今年有冇收到咩鐘意既聖誕禮物呀！

聖誕火雞

岩岩係電視見到李克勤切火雞，

突然間有種感覺，就係好想食喇！
成隻雞脾喎，你咪話唔好食…
不過火雞就麻麻地…至於其他雞，好味！

搵日去肯德雞食返個聖誕大餐…不過要儲錢先！

真心朋友

近日因為攪聖誕派對，發覺人真係好鬼麻煩！

女生團是非總是一蘿蘿，
只不過…未講到我…就當冇事發生啦！

不過呢…依件事就遷涉到我好朋友，
老實講，佢既人生經歷同我唔同，家庭背景唔同，然而，她叻女過我好多啦！

曾幾何時，她羨慕我有一個好既男朋友痛錫，羨慕我簡簡單單生活，
現在，她自己開心，我當然為她高興。

不過由於個個人生活背景，觀點與角度不同是正常的…
然而，有時幫唔到手，起碼唔好令佢更加難受丫。

可以的話，我都會盡量保護佢，
至少…我會係佢前面坦白。

今天收到個電話，她一知道我唔係咁舒服，個種擔心肉緊的聲音真令人窩心！
哈哈哈！另一樣野…就係…她仲有多一份聖誕禮物俾我呀！kakakakaka

頂級既xo醬

請問...有冇人識整好好味既xo醬，我想學呀！

記住…係整唔係買喎！

又或者…如果買…都要好好好好味加上唔太貴喎！\

唔要李錦記個隻架！

有記得話我知丫…多謝大家！

不能說的秘密 <續>

其實，這一篇是打給秋冬泉網友的。

記得上一次講不能說的秘密結局，秋網友說葉湘倫回到過去，遇是的不是曾和他有感情經歷的那一位女生，故事並沒有改寫。

我說︰最後的畢業照上，女主角是笑的，我想…應該改寫了。

近日因家人反複的看，我家連我有6個人，每人看一次我都夠死！
在我第二次看的時候，我發現多一樣野，原來畢業照上，女主角笑了，但原來她身旁的是男主角。

真係完全冇人認得出，o哂咀，當我看第三次時，我告知妹妹，她也認不出，直至我用手指指住電視營光幕，她才看到。

原來，他們還是在一起，真幸福！

報告完畢！

流眼淚是正常的

幸好，今晚看了小貝的blog，原來…經常喊或者太容易喊是正常的！

我今天看了"i am legent"…唉！我又喊左2次喇！
我諗d咁正常既片，應該冇人會好似我咁感情豐富卦！

好彩…有老餅同其他人口中得知…我倘算正常，唔係有咩情緒病或者精神分裂！
真係好彩…

p.s 不過，今天參與同事之間的聚會，ok喎！
雖然都仲未係好熟…但同事…ok啦！

很久的朋友..

近日…發覺很多很久沒聯絡的朋友或者網友找我相認。

哈！好彩，我依d有心肝既人都仲記得佢地！
有真人識既又傾到計既，咪開開心心咁傾下計，俾個笑樣人地睇！(反正msn，只要show多d笑樣公仔就ok啦！)
當然，有人陪我傾計，心情自己開心又愉快些啦！
其實我都要多謝佢地！

有個朋友話我知，原來佢工作上出了一些狀況很不愉快，
告訴了我一些事，想不開了，雖然我真係幫不上忙，但我的電話會長期開著，
我會聽下佢講，不過知佢現在沒那麼嚴重，我又放心了少許。
(但我唔明點解d人要生要死就搵我傾，到我真係擔心緊張的時候，轉個頭，佢又好若無其事咁去happy！雖然係好事，但我都感到有少少無奈，係咪我緊張得濟呢？"

有個朋友是我想跟她傾訴的，那知一談，她本身已有苦惱，那我就收回自己的話，說了幾句，希望她知道有朋友係身邊support的，要知道，在徬徨無助時，按著電話找不到一個可信賴的電話號碼，挺傷感的！

有個好耐冇傾計既網友，對上一次對話可能係五年前，
因為失戀，所以佢想搵我訴苦，下？見對方咁，點都要傾2句既！
一d安慰既說話我真係唔識，不過如果想搵人傾而又冇人睬，的確係加倍傷心！

正所謂…己所不容，勿施於人！
依一句，我係好深刻，所以一直以來，我都緊記依句說話！
所以…如果我仲有一點理智既時候，就算對方對我幾差幾差都好，
我都唔願意將我承受既痛苦俾佢受，就係因為好痛好痛，點解要多個人受依d苦呢？

可能就係我太心軟，所以換回來的只是"傻妹來的"，
其實係咪我只識保護身邊的人(唔值得保的都保埋)，而唔識保護自己呢？
其實…可以既話，我都唔想受，但如果眼見自己關心既人唔開心，我就情願自己受！

夢

有冇人識解夢架！

昨天晚上…哭著睡，發了一個夢，
雖然內容有所不同，但我覺得同真實世界既狀況好相似，又有關連。

點解，發夢發到好似拍戲咁…d野完全唔同但意思又能一樣！
勁！
睡夢中又哭，今天下午，家人在看"不能說的秘密"，又哭…
結果，變成哭了半天，眼都腫了！

討厭，家中沒有eye mask 存貨。

又一病假了

適逢今天小妹病假，發燒，傷風，流鼻水咩都齊…

連出外飲茶既食慾都冇…就知幾咁頭痛啦！

病假就梗係要係屋企休息，所以我都係係屋企寸步不離…(乖)
咁岩…我就用左2小時包左2份聖誕禮物…(因為個腦唔係好郁到，所以比較費時左少少)

依2份聖誕禮物，一份係公司抽獎用，一份係友人既privte party既！
就係到…俾大家先睹為快…

註︰希望大家唔好介意睇到我既劣作啦！

聖誕交叉卜...

無啦啦參與左鐵鎚既交叉卜，聖誕節個日，究竟我會點過呢？
我都未知…

不過呢…我決定交個blog出來啦！
mysassyhime@hotmail.com
咁我仲要做d咩架呢？
雖然係好簡單既遊戲，但我個腦近來閉塞…真係郁唔到！仲好"發"添呀！

X'mas is coming

^^ 今年暫時有3個聖誕party要參加呀！

其中一個係公司哩！跟住2個就係朋友屋企開party！
我諗應該會幾好玩！

大家要玩得開心d！

終於放假了!~

天氣凍左，今個星期，覺得每一天都好難過，
到左星期六，日…終於可以放下假，做下自己應該要做既野！
(星期六要用埋d annuel leave去放，死人都要放孖day)

今天早上，九點幾起左身，都係上下網，睇返成個星期冇睇既blog，
發覺得自己out左好多，都搭唔到咀既！><

難得去做gym，咁就係屋企做左一陣間呼拉圈(叫做郁下)，
跟住就諗住做上個星期未完既心事！

心事都好多架…解決唔到個時就唔理佢住啦！
但係做mask個d…都執左一執，但依排天氣唔好，加上人又夜訓，血氣不足，
生左3粒超級大暗瘡係面到，加埋個勁過佳佳既黑眼圈，簡直想死！
昨晚試左個青瓜敷眼，又好似好左少少少少少咁喎！(平丫嘛！)
不過…都係算，唔化妝出街都嚇死人！不過希望唔好見到相熟架啦！

心事二，就係要執返返工既notes，我要備課，如果唔係做野就唔得得心應手，
條數雖然都仲係唔靚仔，但冇人咁叻，就要落返多少少工夫架喇，鬼叫自己笨笨咩！

心事三，二個星期前，係我工作壓力勁大，心理狀況勁不佳既時候，
我諗起ck兄喎(雖然佢唔識我係邊個，但我心無雜念架，剩係知佢係老闆)，
再睇到ck既"中在中環"，我真係好想send個email俾佢講一d工作上既情況！
現在事隔2個星期，心情已經平復左好多，但我又係到諗，我係咪應該完左二星期前既心事呢？
好喇！…但係今朝我睇佢個blog，我係咪未訓醒，我搵唔到佢個email，咪又擱置左喇！

心事四，聖誕節來了，洗錢既時候又來了，
係依個時候，我係咪要買返幾份禮物俾朋友，唔洗多，但係平時真係對我好，有付出個d，
我係咪應該俾返少少心意人呢？
用錢去買呀，好貴喎！(因為轉季買左幾件外套同裙，好貴呀！事先講明，我貴精不貴多，我d衫多數都係for返工用，係貴，但我長年累月不停咁著，好快返本，事關日日都係著個幾件><)
用手去做，我又怕我返2份工，已經殘左好多，唔訓會死人架喇！
都係睇定d先！

心事五…唔講住，難得今日放假，好耐冇返過教會，走先喇！

不能說的秘密

不知道你看了"不能說的‧秘密"沒有，我想…這套電影真的令人流了不少眼淚？

首先…個戲名好，我鐘意！
電影的前半部…那份青澀的戀愛感覺，很是純情，令人很舒服…
中段誤會產生…那誤會的一吻，真令人心痛！很容易代入角式。
到後期不可思議的部份…一點點的新鮮，一點點的奇特…卻有一點點既難受。

我很愛前半部，但後半部也不錯。可能太複雜的事情，我跟不上。

但男女主角的感情，很令人感動！倆個人很簡單，我很喜歡！

那份小禮物，很令人窩心！我…曾經也收過一份很窩心的禮物！

畢竟…

"能遇見你，已經是不可思議了…"

錯別字

中文字…雖然我唔叻…亦唔識"最緊要正字"…
睇am730，漫畫個頁雖然都有教下…但晨咁早又唔入腦喎！

不過有時…我見到自己有錯別字既時候，我都會改返既！
雖然少少字同音冇所謂，但對自己出既文章都應該有返少少既要求！
如果我文字上有咩出錯，懇請大家告訴我…我都想自己再有進步嘛！謝謝！

之不過，有時我見到別人的網址文章上…有d白字既時候，
心底不期然咁想糾正別人…喇喇喇！又患上奄尖要求高挑人錯處既毛病喇！
可能…別人覺得…寫下blog…無需要咁認真…大家明咩意思咪得囉！
係喎！人地鐘意點寫係人地既自由，人地既地頭寫咩又關我咩事呢！
最緊要既係，有邊個人係會鐘意聽俾人批評既話語呢？我又洗唔洗咁緊張又神經質呢？
所以…依d…我都會收返係心裡面！

這就是待人處世之道嗎？

病假 = sick leave

病假 (sick leave)，朋友告訴我又名叫"射波"…至於點解，我就真係唔太清楚了！

今天早上諗住返工，隻黃金左腳落唔到地，跟住係到諗，
我清醒架喎，做到既架喎…只不過係落唔到地，行唔到！
其實請病假我又唔係好想…一來多野做要掛心，二來睇醫生都要錢架，又要扣人工！

最後，我試左幾次落床諗住換衫，但都係未行到去廁所就好痛，
咁又返返上床喇！

雖然，我係想返…但我係咪應該要俾隻腳休息下呢！
夾硬返工又係咪好呢？我怕我要行去食lunch都要行半個鐘！
我又諗左好耐，點同上司講呢？係咪請問下佢可唔可以請病假呢？
突然間諗起，昨天leader話有d擔心我，叫我堅強d，唔好俾人地蝦！要知道自己立場同想點！

所以，就由問人地我可唔可以請病假變左通知佢…"我要請病假！"
其實，雖然係好小事，點解我都未可以獨立，仲要人地擔心，冇自己主見呢？
係依到，我好感激我身邊同事既包容同體諒，
我都知道自己惡教，又冇記性…但我會努力，希望有一日可以俾佢地睇到我既進步，並唔係單單用口講既一堆廢話！

又或者可以用多出來的一日，溫下書先！

壞員工

(今天…無論如何都要出一篇文章)

其實每一份工，同拍拖一樣，都會有熱戀期…
一直係到等…等到有一天，發覺自己唔想再返個份工…係咪即係過左熱戀期呢！

近來，天氣轉涼，身心疲勞，的而且確…開始唔想返工對住d客，
每天晚上都會記掛工作，記掛客人的個案…記掛自己有冇做少左野未跟晒…
這樣，都是不停地增加自己的壓力…

很多次，在很不舒服的情況，真係好需要請病假，但手頭上好多個案係手，
一天不上班，d客點呀！d單點呀！d case邊個跟呀！
所以迫於無奈都要照上班！

到工作未忙到死既時候，又想請病假，小小唔舒服，仲頂得住既時候，
請病假好似好衰咁喎，頂到又冇謂請病假丫！堅強d就挨過去架喇！

如是這…都係繼續上班…以往那些工作，其實我請病假的次數真的很少，
因為頂得住就頂…咁樣…就熬過左喇！

現在我…好少怨…之不過我還是擔心自己不懂減壓，影響身心！

不過…每個人都有自己辛苦的地方！努力做好自己，加油呀！

朋友的話

有一番說話，其實我好想講…但我唔敢講！因為我真係好傷心！

我明白大家少了溝通，我不知你的心在想什麼…我不知道為何你會這樣決擇！
但ok fine…你要決定的，我不會反對。(我都只是想你開心吧！)

但我明白，你跟朋友說一些我的話…
當中有些朋友可能是中立的…可能是偏幫我講二句的…
更可能是叫你遠走高飛的…

我明白人言的可怕，但我很心痛的是…如果你單單聽了朋友的話，
我一個自辨的機會都沒有…
我很痛心

(當然，我也相信你有部分的朋友是善良的)

我不生氣，是因為專重你的決定…任何對或錯的決定！我都會包容的！





...大家不好意思，這番話在我心底已忍了很久！.....

轉載的文章

首先…好多謝ck及forever樂意俾我用佢地既文章。

點解我自己唔講要用人地個d，其實…係因為…
我覺得我自己講可能係話我主觀，其他人講…永遠都好似俾身邊人講野易入耳得多！

就信任一文，我都好明白到如果相方冇左信任或者太過信任，對一段關係都未必好！
但如果有一刻，對方對你的信任動搖時，應該怎麼辦？

我想…不被人信任那一刻可能感到很傷心很失望，但如果你只係化大傷心失望，加上別人的閒言閒語…這份少少的不信任…就變得冇得救！

一個人對你不信任…很可能是她/他欠缺安全感，為何欠缺呢？可能她/他見到一些事，聽到別人一些話…甚至係近來溝通減少了，大家不知道對方在做什麼，才會胡思亂想！其實只要花多心思在對方身上，很可能早日可減止不信任由其他因素而擴張佢既破壞性，咁信任又可以建立返喇！

一個人…可以俾到你百唔百信任和放心，除了係一種好特別既感覺。(畢竟，人與人之間…相處幾耐先可以培養依依份信任，何況第一感覺令人信任的，就更加少了)，所以當信任之間遇到阻礙，只不要埋怨，不要生氣，好好的了解明白，令依份信任更把堅固！

信任

講開信任，尋日寫左篇有關對身邊人信任既文章。

有朋友send email同我講，話做女仔既唔信自己男朋友，首先唔該個男仔自己檢討下，點解自己會令到個女仔唔信佢先。如果唔係d男仔衰先，點會搞到大家冇左信任。想回返幾句。拿，我想澄清些少先，信任既問題，唔一定係個女既唔信個男架喎，倒轉個男既唔信自己個女朋友/老婆，其實我都一樣見唔少。

唔好以為我特登幫男仔講野喎…以下呢就純粹係個人體會：我覺得男女之間相處既循環，其實好脆弱，亦需要用兩個人同心協力，花好多心機去「呵護」呢一個良性循環。只要響循環既過程之中，是但一方稍有懷疑或者抱怨，成個循環就會被拖垮。

其實你可能會認為我咁諗係好白癡既，明明我既身邊人就係蠱蠱惑惑，點解我仲要無條件地去信任佢先？咁分明係自己蝕抵啦。係呀，係蝕架。對身邊人無條件既信任，係高風險既活動黎架，不過肉麻些少講丫，愛一個人查實都係高風險架啦，只不過我覺得，你揀得去愛佢，就徹底一d啦，你愛佢又唔肯信佢，咁你地之間既愛呢就永遠都有缺陷囉。

一個良性既循環呢，點都要有人start off至得，你如果計過數覺得由自己先去start呢個循環係唔抵，唔值得的話，咁你就不如索性唔好同呢個人一齊算鬼數啦。兩個人相處係一個互相付出同感動對方既過程，計較邊個岩邊個錯，下下要對方先做得好，然之後自己先選擇去信任對方的話，你既付出就變成有condition囉。咁with condition既愛呢就…仲有，同伴侶相處，凡事都「追究責任」，有咩意思呢？放開d啦，朋友。

抄錄自 <>的博客內

管理身邊人

認識有對結婚冇耐既夫婦，老婆對老公既一舉一動總係事事猜疑。事無大小硬係疑神疑鬼，形住個老公響出面沾花惹草。佢老公同我都算幾熟既，呢個男仔雖未至於乖到擔屎都唔偷食果隻，不過響我眼中，呢個男仔查實都算係幾好仔架啦。你同我講話佢真係走左去滾的話，老實講，都幾難要我相信。直至有一日佢同我講：「CK，我真係頂唔順啦。我明明冇去滾佢都硬係唔信，一有女仔同我講多兩句佢就屈我同人有路，與其係咪都俾人屈我響出面沾花惹草，我倒不如真係出去滾鑊勁既，起碼咁都抵d…」我都唔知點答佢好。佢老婆我都識既，唔通要我同佢講：「係呀，你去滾返鑊勁架啦，咁樣先抵？」我成日都讚我老婆聰明。其中一樣我覺得佢最聰明既地方，係佢好懂得信任自己既身邊人。
做生意偶然少不免都要溜漣一d煙花之地，冇誘惑就假既。只不過，老婆對自己既無條件信任，往往係成為誘惑當前既最佳金剛箍。抵禦誘惑除左靠意志之外，身邊人對自己既信任，促使你唔想辜負老婆對自己既付出，先至係最佳既防禦武器。都係果句啦，兩個人相處，係一個生生不息既循環。至於個循環係良性還是惡性，就睇下大家識唔識諗啦。又，假如你覺得，你身邊既人，係會「利用」你對佢既絕對信任去放肆越軌，因而令你唔肯將自在既百份百信任交俾佢的話…我諗，你真係要諗下係咪可以真係同佢過人世啦。

*****遇到悲哀休誇張早幾日朋友飯局，一班人響度嘻嘻哈哈，席間大家講起生BB既問題，笑到不亦樂乎。飯局結束之後，朋友靜雞雞同我講，大半年前，佢太太有左BB，不過最後miscarriage收場。我聽完，心裡一沉。一來暗怪自己剛才響度嘻嘻哈哈口水橫飛咁講生BB，二來，覺得人越大，真係會越黎越多考驗降臨響大家既身上。早幾年我屋企都發生過d唔係幾開心既事，而呢d唔多開心既事亦一直有手尾跟。當自己遇到呢d挫折呀，唔愉快既事既時候，總係會覺得，自己遇上既問題好似天咁大，身邊周圍既人，唉，唔明架啦，佢地個個都冇自己咁唔好彩，彷佛自己就成為「不幸之王」。同朋友聚舊，好多時都會俾我聽到一d發生響舊朋友身上既不幸事情。或者大家都長大啦，提返起自己各自曾經發生過既不幸時，態度都總係輕描淡寫。當然，事情過去啦，講返件事出黎當然輕鬆，不過當不幸降臨既一刻，我響度諗，大家當時其實係點樣捱過去既呢？畢竟，大家都長大，經過歲月磨練之後，大家都再唔係好似以前讀書時代咁脆弱。發生響朋友身上既不幸，提醒左我，當我萬一再遇上d咩大挫折既時候，唔好以為自己係世界既中心，世界上最唔好彩既人。事實係，同你一齊去面對挫折同不幸既，仲有好多好多人，甚至包括一班響你身邊既老朋友。唔好彩既，一定唔止你一個。遇上悲哀，千祈唔好自我放大。

抄錄自 <>的博客內

正面思考

「正面思考」是一種良好的習慣。一個懂得正面思考的人，不管遭遇到任何困難，總能保持愉悅的心情，甚至化險為夷，為自己帶來好運氣。「正面思考」有四點：第一、在委屈中學習經驗：一個人能承擔多少的委屈，日後的成就就有多大。英國小說家毛姆說：「一經打擊就灰心洩氣的人，永遠是個失敗者。」因此，在學習的過程中，要能忍耐、堪受委屈，內心才會生出力量；對於種種委屈若能視之如肥料，凡事朝積極面想，必能幫助人生的成長。第二、在困難中接受挑戰：困難不足以畏懼，重要的是能正視困難，進而化解困難。邱吉爾說：「能克服困難的人，可使困難化為良機。」因此，困難是人生進步的踏腳石，是內在信心、志節的試金石。有辦法的人，凡事都會想辦法解決；向困難挑戰也就是向自己挑戰，一旦通過考驗，人生就能獲得無限的意義和價值。第三、在失敗中累積智慧：拿破崙說：「人生的光榮，不在永不失敗，而在於能夠屢仆屢起。」凡是人，不免會遇到失敗的時候，重要的是能在失敗中記取教訓，學習處事的智慧。千萬別因為失敗，而成了行動的枷鎖；失敗沒有關係，只要能將它化作養分，失敗的經驗也能為你帶來下一次的成功。第四、在挫折中鍛鍊意志：一個無時無刻都活在關愛中的小孩，未來不一定最好，反倒是偶爾遇上挫折，經歷過磨練的人，他的生命價值會更加提升。有的人視逆境為仇敵，其實不然，逆境能鍛鍊我們克服困難的意志力。所以，遇到問題不要退縮，勇敢面對才能激發出人人本具的潛能，甚至減少未來再次跌倒的可能。

抄錄 於"永恒"兄的博客

可悲的誤會

早年在美國的阿拉斯加，有一對年輕人結婚，他的太太因難產而死，遺下一個孩子。做父親的既忙於工作，又忙於看家，卻沒有人幫忙照看孩子。因而他訓練了一隻狗，那狗聰明聽話，居然會照顧孩子，可以咬著奶瓶餵奶給孩子喝，幫助父親撫養那孩子。

有一天，主人要出門，吩咐狗照顧孩子。他到了別的鄉村，因遇上大雪，當日不能回來。第二天才趕回家，他把房門打開一看，發現到處是血，抬頭一望，床上也滿是血漬，孩子不見了，只見狗趴在地下，嘴邊沾著鮮血。主人看到這情形，便推斷一定要狗狂性發作，把孩子吃掉了，大怒之下，拿起菜刀血著狗頭猛劈，把狗活活地斬死了。

這時，他突然聽到床底下有聲音，只見小孩從床下爬了出來。於是做父親的一把抱起孩子，發現孩子雖然身上有血，但並未受傷。他很奇怪，不知這究竟是怎麼一回事，再看看狗的屍體，才發現牠受了傷腿上的肉殘缺不全，旁邊有一條狼屍，口裡還啣著狗的腿肉。原來，一條惡狼進屋要吃小孩，狗捨身救了小主人，想不到最後自己卻被主人誤殺。


~~~~~~~~~~~~~~~~~~~~~~~~~~~~~~~
誤會的出現，往往是人在不了解，不理智，無耐心，缺少思考的情況下產生的。一個人倘若不能夠寬容，體諒對方，不肯反省，檢討自己，情緒便會變得極度衝動。誤會一旦出現，一切均會變成對方的千錯萬錯，因此，誤會的鴻溝也就越來越深，直至不可收拾的地步。

人對小動物產生的誤會，尚且有如此可怕的後果，人與人之間若有心結和誤解，後果更是難以想像了。

(沒甚麼大不了！ 葛雋)

九型人格分析

九型人格分析

第一型	完美主義者、完美型、改革者、改進型、秩序大使 16%
第六型	忠誠型、忠誠型、尋找安全者、謹慎型 13%
第四型	藝術型、浪漫者、自我型、憑感覺者 12%
第七型	快樂主義型、豐富型、活躍型、創造可能者、享樂型 12%
第三型	成就者、事業型、成就型、實踐型 11%
第二型	助人者、全愛型、助人型、成就他人者、博愛型 10%
第八型	領袖型、能力型、挑戰者、保護者、權威型 10%
第五型	智慧型、觀察者、思想型、理性分析者、思考型 7%
第九型	和平型、和平者、和諧型、維持和諧者 7%

我的九型人格分析？

粟米糕...

今早起身既時候，媽咪已經係到整緊粟米糕喇！
見佢二三下手勢話咁快就整完，咁應該唔難整既，哈哈哈！
(不過我次次都偷唔到師，搵日真係要自己睇下佢d食譜，襯冇人個時自己整)

我唔鐘意有人係身邊嘈住晒…話你應該點應該點..
但由於屋企成日都好似好多人咁…><…

雖然今次我冇份整…但我已經訂左廿幾件…(獨立包裝，每個好似蛋撻仔咁大架)
我聽日就帶回公司請同事食！^^
以表示一直以來多多照顧！^^

出post喇！

本來二日前諗到有d野想講架！

不過由於工作實在太忙，太苦惱…
我個腦已經就死喇！完全超級混亂呀！

哈哈哈！幸好…真係激死同事喇！
我就係知道佢會睇唔到我依個post，咁我就係到多謝佢地多多包涵啦！

安徒生這樣解釋婚姻

安徒生有這樣一則童話叫《老頭子總是不會錯》。故事並不複雜：鄉村有一對清貧的老夫婦，有一天他們想把家中唯一值點錢的一匹馬拉到市場上去換點更有用的東西。老頭子牽著馬去趕集了，他先與人換得一條母牛，又用母牛去換了一頭羊，再用羊換來一只肥鵝，又由鵝換了母雞，最后用母雞換了別人的一大袋爛蘋果。在每一次交換中，他倒真還是想給老伴一個驚喜。當他扛著大袋子來一家小酒店歇氣時，遇上兩個英國人，閒聊中他談了自己趕場的經過，兩個英國人聽得哈哈大笑，說他回去準得挨老婆子一頓揍。老頭子堅稱絕對不會，英國人就用一袋金幣打賭，如果他回家竟未受老伴任何責罰，金幣就算輸給他了，三人於是一起回到老頭子家中。老太 婆見老頭子回來了，非常高興，又是給他擰毛巾擦臉又是端水解渴，聽老頭子講趕集的經過。他毫不隱瞞，全過程一一道來。每聽老頭子講到用一種東西換了另一種東西，她竟十分激動地予以肯定。"哦，我們有牛奶了"，"羊奶也同樣好喝"，"哦，鵝毛多漂亮！""哦，我們有雞蛋吃了！"諸如此類。最後聽到老頭子揹回一袋已開始腐爛的蘋果時，她同樣不慍不惱，大聲說："我們今晚就可吃到蘋果餡餅了！"不由摟起老頭子，深情地吻他的額頭……其結果不用說，英國人就此輸掉了一百多磅金幣。初讀這篇童話時，還不能理解這其中的深刻含義，以為是安徒生在諷刺嘲弄愚蠢之人，或是在宣揚"夫唱婦隨"。其實，他是要告訴我們家庭生活夫妻之間最重要的基礎是寬容、尊重、信 任和真誠。當然在現實生活中發生這樣的事的機率是很小的。從童話中，我們應該學到的是：即使對方做錯了什麼，只要心是真誠的，就應該重過程重動機而輕結果，這樣才能有家庭的和睦，夫妻的恩愛、寬容是善待婚姻的最好的方式，充分理解對方的行事做法，不苛求不責怨，如此，必然給對方以愛的源泉，婚姻一定如童話般妙趣橫生，和美幸福。愛是一門藝術，寬容是愛的精髓。可惜現代人被制式的生活壓的無生活樂趣可言對自己和別人似乎也少了些寬容、多了些埋怨即使快樂隨手可得也視若無睹或不知如何去觸碰或許這就是當今社會的文明病吧May the force be with you

抱歉啟示

最近…或者將會好忙…

經歷過一些事情，很累…有時累得沒有心思分享自己的開心不開心…連口也不想開

不過希望大家唔好介意…我諗如果我見到一d好文章，就轉載一下啦！嘻嘻！

書信

信…其實係一種存錄回憶既方式之一，
唔開心唔鐘意保留既，咪扔棄佢囉！想保留既，裡面既對話係刻係我心裡面！

今日執屋，竟然見到2001年我好朋友初去澳洲既書信，講述佢初到澳洲既生活，
岩岩睇個封就係佢同男友一個月紀念日所做既事…
如果大家都有d咁既回憶，將來老左，依d回憶就係朋友既書信裡面！

時至今日，其實寫blog已經取代左書信去記錄自己的心情節目。
我唔擔保我將來會唔會冇晒記憶，所以我好希望我能夠珍惜同記得今日發生過既事！

心寒

昨天晚上，由於在等朋友整蛋糕放學，又不自覺的OT了，
但冇計OT錢呀，因為今天條數跑得超差，但又離奇的做了很多工作！

在於時間未到，又唔想行街SHOPPING，身體唔好，謝絕HAPPY HOUR及CLUBBING，都係工作要緊，
幫下同事手都OK既，如何日後身邊多返個人，我先唔會晚晚OT呀！(係咪好衰呢！)

結果，放左工，差唔多十點先餓到胃痛去食車仔麵，跟住就同朋友去左世貿飲野！

朋友去左買野之際，聽到隔離枱一枱四個女孩子在談天，(對不起，天性如此八卦)
隱約聽到一個名字，我的心便寒起來…
她們在討論戀愛問題，又什麼他好嗎？他付出D咩？但女仔又話玩下，又話拍拖但又唔長遠？
另一個朋友又在說什麼是正確的戀愛態度…等等待

另邊廂的我就很苦惱了…
雖然同樣名字的人在香港都應該唔少…
但很怕聽到別人談論他？為什麼？


如果你說他什麼好什麼好，怎樣為你付出，我會想…他好又關你咩事喎！唔准呀！
但如果你說他什麼不好，傷害他的說話，我會覺得你憑什麼這樣話他，你根本不知他的好，更想伸張正義的保護他一番！

最後…覺得是自己想得太多了，我根本不知道他們在說什麼？
不過我依然不希望別人說我的朋友.......我會盡我小小的綿力保護他們的名節！

你想獲得更多朋友嗎？

「如果你想得到仇人，你就勝過你的朋友，可是，如果想獲得更多的朋友，就讓你的朋友勝過你。」法國哲學家洛希夫克說。

點解呢？因為當朋友勝過我們時，那就可以滿足了他的自重感。可是，當我們顯出勝過朋友時，那會使他有一種自卑的感覺，並會引起猜疑和妒忌。

有些朋友，看你遭遇到困難，比看你成功或許更為滿意。

其實做背後的一個都不錯，每一個人都總有佢既長處，總有一個時間會幫得手。所以千其唔好睇唔起身邊或四周的任何一個人。今天你可能看不起他，也許你這個一白鴿眼，就是他朝發奮的動力。不過呢…會唔會人人都識得諗呢？依個就要靠自己喇！

你…收到嗎？

世界宣明會 - 助養兒童計劃

助養兒童計劃是透過助養者的愛心捐助，保護兒童，提供生活所需，所屬家庭受惠，身處社區得益。

最近我妹妹都領養左一個，佢既名字叫MWE, Soe，居住於緬甸，女，生於1998年1月1日。
噢…原來咁大個架喇！

起初我以為會係領養BB仔，因為我想同佢改名呀！
男既叫"傲雲"，女既叫"傲雪"，唔好問點解，因為好聽囉！

不過點都好…生兒育女對我來說，距離太遠而且責任太大，
何況曾幾何時講好左…

我諗我都會養返個…唔知道…小朋友睇唔睇得明我d港式英文呢？

p.s 我d靚信紙同disney明信片有著落喇！

意外就是意料之外

既然意外已經發生左，可能只係對方無心之失，如果再去追究，只會令多一個人傷心。

但如果對方係你既好朋友，更加唔需要講出口，因為更加唔想朋友唔開心…
記得以前遇到咁既事情，問過朋友點算…
宜家再次發生，唔洗問，咁大個人應該識應付…

小巴奇遇

上個星期五晚上一點幾，同朋友係銅鑼灣坐亡命小巴返家
(好彩行快一步先有2個位，唔係又有排等…)

點知上到車…隔離個男人原來傻既…
係到自言自語…真係想調轉佢個頭睇下係咪講緊handfree…
可能真係思覺失調…幾驚隨時發作
全程車裡面…成車人都係到聽佢大大聲聲咁講電話，
話返工好累…(已經飲到醉醉地)又好想去飲野…但又好想休息下…
跟住又話d女仔傻，約下去街又以為佢想追佢…
又話d人講野冇句真…想聽句真心話都冇…好冇癮！

我坐係佢隔離…其實我真係好想好想同佢講一句︰"先生，你係咩人，係咩地方咪識埋d咩朋友囉！" 識得尊重人，人才能尊重你！

You are a good friends because You're Honest!!

your friends are going to hear the truth from you.You know that the truth hurts, but living a life of lies is much worse.So while you're definitely kind and supportive, you don't pull any punches with your friends.Everyone knows where they stand with you. And what you like and dislike about them.While some may be initially turned off by your honesty, your friends have come to consider it a virtue.After all, in world of white lies and deceptive politeness, you can be counted on for honesty and integrity.Your friends need you most when: They need good advice or an intelligent opinionYou really can't be friends with: Needy, emotional peopleYour friendship quote: "True friendship can afford true knowledge. It does not depend on darkness and ignorance."

http://www.blogthings.com/whatmakesyouagoodfriendquiz/

website fm Vera's blog

生日快樂！

問過身邊D人，其實部份人都話︰"生日咋嘛！冇咩大不了啦！"

我又唔係咁睇喎！
除左媽媽好辛苦咁生你出來之外，有邊D生日係自己大晒，做主角架！

所以我一向我都好重視生日依個活動，
不過我更喜歡生日的食物…

生日蛋糕︰以前細個，媽咪年年都會訂一個黑森林清蛋糕(裡唔要雜果同啫喱)，全菠蘿面，多CREAM，真係好鐘意好鐘意食！

壽包︰又係我的第二最愛，因為夠甜，包皮又好味喎！正！

紅雞蛋︰一向都冇食依個習慣，蛋都係炒蛋同煎蛋，或者碎蛋沙律啦！

其實我都想知，你地有冇一D難忘既生日回憶，可以跟我分享一下！

用心用腦的閱讀

以前睇書，好多時都係照字搬入腦，就咁吸收晒，無論係感動，浪漫，恐怖的都剩係全吸收。作者話咩就咩…

其實筆者寫既又係咪一定岩呢？

有d國外人寫既書，可能係財經，生活，人際等等…
對於長於香港，活在香港既我，又係咪work呢？

又或者係d雜誌…無論八卦或者時裝又或者美容，
一d所謂既調查報告，背後可能係會做某D品牌既宣傳

其實依d都好需要讀者去分析，睇完唔記得…又等如冇用心去睇…
照字搬字…又冇用腦去分析…

所以對自己有返D要求，做過聰明既讀者！

「我不快樂，誰能給我快樂？」

做自己的英雄 沈英雄師兄，每天帶著化療注射器和膽汁引流袋去上班、參與慈濟活動。他說：「我活一天，賺一天，一分一秒都不能虛擲。時時可死，步步求生，沈師兄已超越病苦磨難，成為他自己真正的英雄。我好像一根枯木，經歷風吹雨打後，樹葉掉落、枝幹也摧折，只剩光禿禿的軀殼。萬無生機中，幸得法雨滋潤，讓枯木逢春，又堅強地活了過來。」豈止枯木重生而已，他的生命正展現一種全新的風貌，以超越的雄姿傲天地……只要我不怕，病痛！你能奈我何？
活動，要活就要動沈英雄──高雄慈誠隊隊員。他說：我的生命特別有韌性，病痛對我來講，就像呼吸、吃飯一樣平常。 他的胰臟裡，有個雞蛋大小的腫瘤；他的胃，切除了三分之一。在他筆挺的慈誠隊制服裡面，安設「靜脈留置針」，隨時進行二十四小時的化學治療注射；另有「引流管」，引流膽汁。他說：「生病不要躺在床上。活動！活動！要活就要動。」所以，儘管一身病痛，他依舊按時上班，照樣參加慈濟的活動，甚至更積極、更努力。每天，他睜開眼睛，慶幸還活著，就心生感恩。他說：我深切的體會到人生無常，所以更能領悟「把握當下」的意義，及時修行。
如墮地獄般的病苦折磨任職中鋼的沈師兄是高雄人，八十年夏天和太太曾玉香，一起受證成為慈濟委員和慈誠隊員。認識慈濟，緣於許樹煌師兄的影響。兩家人對門而居，許師兄過去經常爛醉如泥，參加慈濟之後，滴酒不沾。他覺得很感動，所以也加入慈濟一探究竟。當年十二月，沈師兄經診斷罹患胃癌，手術把胃切除三之一；並接受半年化學治療。 醫生告訴他，胰臟有疑似腫瘤的小點點，要按時複檢；如果安然度過三年觀察期，就比較可安心了。 他按時到醫院複檢。不料在八十三年八月，因食欲不振、連續嘔吐，經斷層掃描，發現胰臟有一個腫瘤，已經有雞蛋般大小。腫瘤壓迫膽管，無法消化，造成嘔吐。胰臟腫瘤無法開刀，只好做高劑量化療。十月一日住院，連打了三天兩夜。這次化療，沈師兄形容為「如墮地獄」、「生不如死」。「五臟六腑彷彿都沸騰了，不停地嘔吐，吐得昏天黑地。每一秒中都好像死去又活過來，再死去、活過來，再死、再活……無窮無盡的生死輪迴。」沈師兄猶有餘悸道：「熬過這次化療，我相信再也沒有什麼熬不過去的事了。」頭髮掉光，歷經千生千死，他像浴火的鳳凰，珍惜寶貴的重生，振翅高飛。 隨身攜帶的「寶貝」今年四月，腫瘤又復發了，壓迫膽管致使膽汁無法分泌，由皮膚滲出體外。全身忽然變成黃色，體重降至五十公斤，只剩皮包骨，怪可怕的。 這一階段的化療，每週要做一次，一次二十四小時。醫生在他的右胸口上開了一刀，放「靜脈留置針」，化療的藥劑攜帶在身上，每半分鐘自動輸入體內一次。醫生又為他作膽汁引流，一根十幾公分長的針穿過肝臟，刺進膽管。醫生警示他，雖然很少發生，但肝臟穿刺也可能會引起出血而發生危險。他說早把生死置之度外，請醫生放心。幸好手術一切順利，唯獨穿刺時，只麻醉肚皮，不能麻醉肝臟，痛得他咬牙切齒、死去活來。但，比起那次化療，還算小巫見大巫。從此他身上又多了一個「寶貝」——「膽汁袋」。一個人每天分泌一千西西的膽汁，他用透明的塑膠袋裝著，放在口袋裡。若流出的量多了，就要倒掉。他掏出袋子來說：「從膽汁的顏色，就可知道我今天心情如何。」黃橙橙的膽汁，表示心情愉快，安定；如果心情煩躁、鬱抑、生氣，或發燒、生病，膽汁顏色就會變成咖啡色、濃濃稠稠的。由此他得到一個「結論」：「常常情緒不穩或煩惱的人，分泌的膽汁就不正常，久而久之，就會形成『分泌失調』。」
活一天，賺一天「我不快樂，誰能給我快樂？」沈師兄說。病苦沒有把他擊倒，他勢必戰勝病苦。再苦，他也不唉聲嘆氣，不輾轉床榻。他帶著化療注射機和膽汁引流袋去上班、去參加慈誠隊值勤，甚至，去訪貧。有人問他說：「像你這麼好的人，為什麼會得這種病﹖」他回答：「我的上人做了更多好事，他也常常生病啊！人的身體是四大假合的，難免會失調、敗壞。」 「生命的意義不在於長短，而在付出多少。」他強調：「上人一面打點滴，一面還要講話開示呢！」他常一手提著膽汁袋，一手拿著麥克風現身說法。他說：我活一天，「賺」一天，一分一秒都不能虛擲。很多朋友訝異於他這樣的身體狀況，竟可活過第五年。他表示，能活一天就夠感恩了，每天醒來，發現自己還在呼吸，就努力把今天過得有意義；至於能活多久，不能掌控，也不必奢求。「人生只有使用權，沒有所有權。」沈師兄說：「我天天跟病魔在搏鬥；看到有些人無所事事、糟蹋生命，真替他們覺得可惜啊！」痛的時候，一個晚上睡不到兩三小時，怕打擾家人，他從不哼哼哈哈，一心念佛，連講夢話都是佛號呢！ 時時可死，步步求生「把握當下！把握當下！」上人的話如暮鼓晨鐘，分分秒秒敲在他心上。時時可死，步步求生。沈師兄已經超越病苦磨難，成為他自己真正的「英雄」。
********** 膽汁入水 一位少婦到老中醫那裡求診，她已經多日茶飯不思，夜裡無眠，身體乏力，日漸消瘦。 老中醫給她切過脈，觀過舌象，便說：「妳心中有太多的苦惱事，體有虛火，並無大病。」 少婦聽了，如遇知音，於是便傾訴心中的種種煩惱。 老中醫又問起她的另外一些情況：「丈夫對妳感情如何？」
少婦臉上有了笑容，說：「很疼愛我，結婚十年從未紅過臉。」
老中醫又問：「是否有孩子﹖」
少婦眼裡閃出光彩，說：「一個女孩，很聰明，也很懂事。」
老中醫又問：「種的莊稼年年都遭災減收嗎？」
少婦趕忙搖頭說：「已連續三年大豐收了。」
老中醫邊問邊寫，然後把寫滿字的兩張紙放到少婦面前。一張上寫著她的苦惱事，一張上寫著她的快樂事，對少婦說：「這兩張紙就是治病的藥方，妳把苦惱事看得太重了，忽視了身邊的快樂。」
說著，老中醫讓徒弟取來一盆說，一只豬苦膽，把膽汁滴入水盆中，那濃綠色的膽汁在水中淡開，很快就不見了蹤影。
老中醫說：「膽汁入水，味則變淡，人生何不如此？不是我們承受了太多的苦痛，而是我們不善用快樂之水沖淡苦味。其實，在我們沉沉嘆息甚至流淚時，幸福就在身邊朝我們微笑。」

(文章來自on dog兄)

你懂得讚美人嗎？

人們日日都會講好多說話…

平時你會講咩多？廢話？罵人？咀咒人？粗口？是非？

其實不妨試下多d讚賞人，付出唔洗好多，但結果係人又開心，自己又開心…

今日係apm，本來想買鞋架…
去到一間賣鞋連鎖店…有個sales好落力咁sale我，又建議邊對靚，點著好！

其實對鞋唔係唔靚..不過其係咁岩我同埋價錢唔岩喇！
咁唯有好婉轉咁拒絕啦！就係扮睇緊其他鞋之際…佢又sale喇喎！
我口中無啦啦講左句︰"你真係好好…"
我自己都唔知點解講左......(可能聖靈工作中)....但佢既反應係好surprise，跟住係超開心…
咁我跟住講︰"好多謝你既介紹，不過我想再睇下先，唔該晒！"

咁又可以借d易走左出門口lu，亦都令到佢開唔到單但又好開心，
雖然我冇做過d咩…但希望小小的一番話，佢會用好開心既態度同優質既服務對下一個客。
咁就gd gd gd gd喇！

我都覺得依個例子係幾無聊架！不過記住我既重點係︰好好咁欣賞人，讚美唔好吝惜呀！

誰說冬天不見了

今年的夏天真係熱得很，簡直熱到容易發脾氣…

單單著一件薄到透既衫都已經可以熱到出晒汗，以前都唔係咁既，究竟係咩原因呢？係咪身體出了變化？
很多人說…冬天早離去，夏天又快到…加上一年比一年熱…時間仲愈來愈長。

不過呢…室外雖然熱，但室內就凍到抽筋，係咁一出一入，件褸又著又除咁…
除左晚上有冇開冷氣都蓋棉胎之外，近幾天，連係商場食餐飯都要著外套喇！坐車更加要啦！
八月咋…我都有睇過自己係寒底定熱底呢…

結論係…2種特徵我都有齊晒…激死人！~

我想…我喜歡秋天…我不愛冬天，冬天不好…不想冬天的節日來到！

遊樂場

今日想講既遊樂場並唔係clubbing玩既地方。

近2星期，我都發夢去返迪士尼…
不過講到最想玩既…我諗係已經執左既水上樂園…

水上樂園，我咁大個女都好似剩係去過一次，
玩兒童部既滑梯，人造浪，同可以成班人玩既活動(即係每日坐住個水泡係到沖來沖去)
發夢都發得好開心！

不過人人都鐘意玩既咩七色彩虹，太高喇…我怕未落到來，
離心力勁得濟，已經斷氣死左…
我依d有隱性心臟病既…唔嚇得架嘛！

其實水上活動真係好好玩呀！
試過去泰國玩香蕉船，到依家都印象難忘！

好！快d操返fit d，買返套泳衣，去玩先！

相遇一刻，也可以感動一生

一向喜歡愛舞台劇… 不知為何，總是喜歡看真人表現…
小六既時候，好大膽咁自編自導自演…哈哈哈！
故事內容係"環保小妹大戰垃圾妖后"…諗返起都真覺得勁低b。



第一次看的舞台劇是"上海之夜"
由謝君豪，羅冠蘭，葉童主演…
我既第一次係因為舅父間銀行有票送…仲要係前5行…
一個字形容︰正！再0黎多個字︰超正！

不過要睇舞台劇其實都好貴…有人話睇套戲都係$60.00，但舞台劇起碼都百幾二百蚊，看得太後，樣都睇唔到，太前…d票又貴到七彩。

所以我都係選擇來睇…畢竟我只係一個窮家女孩。

我會選擇一d有知名度既演員同劇種，有"窈窕淑女"，"歌星魅影"…有一套係黃霑同蘇玉華做架…唔記得叫咩名…等等…

最記得有一次以前"美女與野獸"有得做就買票啦…點知原來係播黑白片+現場唱歌！>< 森美小儀每年都有做…係第2定第3年個場我先開始睇…一睇又愛上了，連舊男友都鐘意睇！ 以前係信用咭換票，依個係我用死一張信用咭既原因。可惜，當我今年好努力咁儲分既時候，佢竟然公開售票…仲要係頭2個鐘已經冇晒位…好好彩但又唔好彩咁買到一個唔想睇既歌星…位置唔靚，但係d人炒晒黃牛，好睇個幾場俾d人買團體票，一人買十張咁買晒(信用咭換票都係最多一人四張咋！)係yahoo個d人炒，我都有問過，一張票起碼由$280.00炒到$500.00，傻架！錢唔係咁洗架嘛！ 反而印象最深刻既係今年林一峰既"一期一會"…點解去睇！ 其實因為睇到一篇趙學而既訪問，可惜，因為受傷既關係，最後佢係坐係輪椅到唱歌！ 我好記得本來係約左舊男朋友一起睇…日期係我今年既生日， 但好景不常，未睇已經分開左，咁陪我睇既…就係一位識左八年既好好好好好朋友！ 其實個故事係講一個有自閉症既朋友自殺左… 好記得個一晚，如果成齣舞台劇係做三個鐘，我就喊足三個鐘… 一路睇一路好擔心，一路睇一路好傷心… 結果個一晚，睇完之後好擔心舊男朋友，去左佢家睇下佢…見到佢安全就ok架喇！ 就係個一晚，我地第n次一齊返… 不過，不到三個月…又因為"溝通不足…同我一起太大壓力"…為左佢開心d，又分開左喇！ 唔捨得…掛念係有架！不過如其見到佢成日唔開心粒聲唔出又唔講，你仲心痛啦！ 其實感動既…唔單單係主題，而係"無論你遇過有幾多錯折都不需要怕，最緊要的，就是我一直在你身邊陪伴你"。好話唔好聽，有幾多人…真係可以遇到一個咩時候都會係你身邊陪伴你，俾你倚賴的人。 好可惜，加場冇睇到…因為冇人陪我睇lu！ http://hk.myblog.yahoo.com/ichigo-ichie
http://music.sina.com.hk/cgi-bin/mu/album/song.cgi?oid=9691&id=127084

p.s 還想表達的…就是早2日有人送左2張票俾我睇"hello kitty夢幻音樂之旅"
係浸會大學會堂…不過d家長中場休息時係到食野飲水，更有大人係到拍照，
俾保安員話又唔應人…令到保安員講左一個"不知所謂"…

雖然我唔係好叻，但係我想講…想睇有文化既野，就先做返個有文化的人吧！

p.s 2 仲想補充一句︰有一套係想睇但睇唔到既係許冠傑既"仲夏夜之夢"，點解唔睇…因為最平既一張票都要成hk$500.00，點睇呀…想當年我仲係好似18歲，依然係冇錢人！

my cup of tea

終於返到屋企喇！

昨天收到一個電話，係一個n年前既舊同學打來，話佢生日，問我join唔join飲杯野， 咁岩冇約人，都ok既！

就係依個晚上，平時唔飲酒既我…終於第一次試晒
vodka lime, marlin pineapple, vodka martini, sex on the beach,
comproxxxxxxxx, whisky, 芝華士+green tea,
含酒精既椰子汁…等等唔知咩名既飲料…

一直由十點半慢慢咁飲到五點幾…
到依家仲清醒到可以打緊blog…算係咁啦！

唔…因為係包場關係…其實都算安全，又好好彩咁岩有個女仔又可以順路咁住埋同人條村，咁一齊坐火車回家。

其實初頭去到個時，會諗…如果係以前…一定會有個人會接我架！

不過，其實都幾複雜，因為飲野既時候，d人真係唔知邊個同邊個先係一pair，
有d岩岩識都可以玩得好close，真係唔知點講好！

不過有個人同我講，話我唔屬於依個千禧既年代，因為我既心態仲係停留係八十年代， 的而且確，我係八十年代出世架嘛！>_<"

可能我老土啦！太close我真係唔係咁ok囉！
幸好d人唔會迫你飲好多，都係自己少少咁一啖一啖咁飲，
又好好彩…我又冇頭痛又冇想嘔咩都冇…到依一刻都好清醒架！
(不過呢…半夜三更我都唔敢食小食…變肥妹架！
…骰忠可以玩，猜梅唔識，啤牌要用腦都唔好預我)

但好可能…我依類女仔一d都唔可愛…凌晨四點…我都可以講︰"兄弟，清醒d啦！"
要攬要錫…sorry晒…(雖然外國人作風可能係咁…但我都係唔得架…除非你係女仔啦！)

我會同意…歡場冇真愛…可能有既…但又有幾個人好彩遇到丫！
試問在場有邊個男仔唔食煙，唔溝女又專一既好男人？
所以…都係not my cup of tea。

p.s 其實有人同我講過，你都係自己返屋企喇，你都唔知同你同村個個有冇下文，依d野話唔埋架…(咁個女仔又真係同某個新識既男仔玩得幾埋既)…我都係自己照顧返自己先啦！

同場加映…好朋友同佢男友落左LKF飲野，1點幾留言俾我，叫我打返俾佢，可惜我聽個留言時已經係四點幾，所以只好回到家係MSN俾個Offline message佢報平安喇！依個朋友，真係好好…又靚又得人鐘意…我係唔會令佢擔心既！^0^！p.s 成個下午都同佢去左行街，超開心，不過下星期佢要出國7日呀…真係會掛死我喇！

工作服

唔知大家返工個時係著d咩衫既呢？

係工廠區既…可以著t shirt牛仔褲，勁casual，著涼鞋都得呀！
係寫字樓區…雖然未必個個要著晒套裝，但起碼要著裙或者西褲，波鞋布鞋都唔準著。

如果係中環區返工，仲弊，自己想簡單d，點知人地個個鬼火咁靚，冇理由俾自己再核核突突咁上班架！

不過呢…本郡主咁多年工作都係係工業區多，又或者係要著制服，返工有套見得人，放工真係理得我著拖鞋丫…哈哈哈！

依樣有個唔好處，就係如果你有一日著靚少少，d同事就會誇晒張咁問你︰"去飲呀?" 其實著靚d都唔得咩，咁約人去街係靚d架喇！女為悅著己容，何況，撞得板多你自己會相信"應該係任何時候保持最佳狀態" 依句話係幾咁堅！

話雖如此，但我有時都係求求其其咁走出街，有時見d熟既男仔朋友，反而會唔化妝咁走出去，約要好既女性朋友就著得靚一靚俾佢地睇！哈哈哈！

不過呢？著得斯文又傷腳又傷銀包，試問係中環邊有靚靚ol會好似我咁日日好似郵差咁揹住成大袋野周街走，都係時候要諗過辦法攪攪去，實在重到冇法再承受，唔美觀之餘，仲整到我肩膀鬼死咁痛，依家唯有得閒就自己按2按，希望可以鬆d啦！

我最喜愛的…早餐

今日想分享既係…我最鐘意食既早餐！

答案係早餐A。
咁早餐A係包括D咩呢？

其實我要求好簡單，一片牛油方包，煎蛋或者炒蛋，加一碟火腿通粉。
餐飲都不外乎是好立克或奶茶或檸蜜。
(當然我樓下間茶餐廳既沙嗲汁係超正，點解，因為夠味仲要唔辣)

曾經有一段時間會常去m記或者大快活！
m記呢…我九成都係食熱香餅餐配鮮橙汁
大快活呢…都係牛油包+炒蛋+雞扒，(通粉呢？咁大快活通粉又唔係話好好食，有時叫左食唔晒就唔好浪費金錢啦！)

次次如是…食足咁多年都係食依d…^^

此外，其實我都好鐘意飲茶，蝦蛟燒賣叉燒飽叉燒腸，全部都係至愛，不過飲茶既機會依家少左好多lu…


P.S 不過因為身體和精神出現一些狀況，現在星期一至六都係食麥皮做早餐了…(但其實我由細到大都唔食的，聞到就想嘔，不過身體要緊)

港男....

又係一眾令女性熱血沸騰的節目…

其實我從來都唔留意依d節目，但今日朋友們都好有興趣睇既時候，
我都好應該融入一下社群…

一路睇其實都幾開心架！
2號初頭好低分，但勝左大隻，去到第二關泳衣就搶返晒d分，
6號好靚仔丫，但又好似靚仔得濟…
7號都靚仔架，最後3強，就係得我一個支持佢，佢嬴左我不知幾開心，簡直要開香檳慶祝呀！
11號呢！佢跳舞同功夫真係勁勁勁，有姿勢又夠實際，不過我會覺得佢太有自信！

我都係鐘意7號呀！又夠後生喎！yeah！yeah！yeah！
個樣又純品，你話香港如果多d依d男仔，你話幾好呢？

不過我好欣賞2號係對答既環節…
一句"男人結婚要負責任，應該要照顧女人"嬴得全場女人既掌聲！
真係夠man！抵佢少年組冠軍…

男人，應該係要有承擔…歌都有得唱:"男人不該讓女人流淚"何況仲係要係心愛既女人呢！

依種男人，我最欣賞！

肚皮舞

係電視睇過人地跳肚皮舞，著住d好靚又少布既衫，好多一串串既吊飾係個身到扭下扭下， 真係好婀娜多姿。

今日咁岩有時間，就好偶然咁上左一堂，見到好多參與者腰都會綁住人地肚皮舞既裙仔， 方便扭下扭下個時靚d。

個導師不停咁叫人地relax，膊頭放鬆d，但係係咁提起對手，個膊頭真係好累，平時個袋已經好重，好有重擔咁，真係放唔鬆！

玩完之後，其實我都係鐘意d比較人少既班，起碼做得靚唔靚都有人指導，執下d動作！

可能係第一次試，我都係鐘意jass同拉丁多d(可能之前跳過啦)，不過boxing未試過，搵日試下，但如果手軟腳軟咁，又唔慌會型！

我個人認為長頭髮既女性跳舞係最sexy…同埋我絕對認同，女性係跳舞既時候係最靚同埋最有自信既時候！
仲能夠發揮女性獨有既女人味，真係引死人！

清潔工 之完結篇

一大早，女老闆就問我點解清潔阿姐唔做。
可能係d阿姐年紀大左諗埋一邊，小器0者！
同埋比之前個個好好多，因為之前個個仲懶…

之後從客處回到公司，就見到女老闆同阿姐係房傾緊計，
大約係叫阿姐做得幾多就幾多，
"做唔晒就留返第二日先做啦！
我地都好好相與，只要唔係咁污糟就得，
我緊張既係公家位置，好似會客室個d盡量執乾淨d啦！
同事既枱由佢地自己抺！
都知你賺個幾百蚊係少少錢，邊做得咁多野丫！真係唔好意思喇！"
咁阿姐當然笑晒口咁啦！

我聽到冇咩反應丫，fine…以後唔再關我事！

清潔工

話說公司有一位清潔阿姐，每天工作一個鐘至個半鐘。

今天終於開火了…

話說有同事之前話近來發現多左小強出沒，
咁岩阿姐又倒完垃圾，我望一望垃圾桶，見到一張仲有油既紙舖起垃圾袋上，
就話︰"阿姐呀，近來d同事話多左小強，睇下可唔可以幫手抺下佢地張枱，等地方乾淨d丫！"
阿姐回應︰"小強到到都有啦，抺咩0者，抺左都仲會有架啦！"
我話:"咁乾淨少少嘛！"
阿姐回應︰"你真係好麻煩，阿吱阿左，我做埋15號唔做喇！"
我即係扮傻︰"做咩呀，唔好咁啦！我都唔做喇？由佢啦，抺唔到就由佢啦"
跟住全場靜左一陣…

阿姐又攞野出來講︰"之前都忍你，又話要抺依到抺個到，清d枱污漬，邊做到咁多呀，我有時個幾鐘先走架！仲叫我走之前同你講聲，冇野下嘛！你煩唔煩d呀！"
依舊冇人出聲…跟住男老闆就係房傳出︰"阿姐，你繼續做啦"..(女老闆唔係到)

我個刻心諗︰"你時薪計都比m記人工高，一個清潔工唔清潔？平時我叫佢幫手抺下keyboard位個d塵都有說話聽…不過算啦！我唔同佢計較，因為如果佢走左，公司冇人清潔，我都唔想影響到公司運作，所以我都諗住講多2句好話！"

我︰"阿姐，我做埋今個月唔做架喇！麻煩你繼續幫x小姐手！"
阿姐回應︰"我理得你丫，你即刻走都唔關我事！"

fine…我要做既做左.....出去外勤…

出到街，我係到諗，點解連一個小小既清潔阿姐都攪唔掂！
以前細個把口衰就串串項得罪人，
依家我每要求或者請求佢幫手做一件事我都會解釋個原因，唔係我私人要求，
清潔膠水係因為張枱成日用，太多漬唔好，女老闆叫既。
走之前講聲，原因係有時佢走左都唔知，搵佢又唔知走左，或者對門開關都想知咩人出入。
或者已經扮晒野話︰"哎呀！昨天唔知你走左，本來想快d俾支票你出糧架！"都用埋。

fine…原來佢忍左咁耐，之前冇人要求過，所以就覺得我係麻煩既人！

可能真係我要求高 (人地阿姐一個月賺你唔夠一千蚊，自己做丫，笨！
她的主要工作︰幫老闆洗杯，倒垃圾及吸塵，有時大件既垃圾，老闆娘會叫我地自己扔，唔好等到第二日阿姐做。就算係垃圾桶旁見到垃圾，你唔叫佢唔扔，你叫佢扔，扔多左旁邊既既係我講得唔好)
係我出左街之後，男老闆同阿姐講︰"今日抺唔到咪聽日先抺囉！唔洗唔做既！"

唔想因為佢動氣，我只希望佢唔會係我另一半既媽咪就心滿意足！

或者，有冇人可以教下我，其實應該點做處理既效果會更好呢？謝！

幸福不可恃

我自小生於一個普通既家庭，有爸爸媽媽…佢地的照顧很無微不至。

雖然我地唔係好有錢，但係媽咪會成日幫我地安排好一切。
所以我算係係溫室裡面長大，好多事都無憂無慮！

不過咁樣…令到我由細到大到好倚賴，無論父母，妹妹，朋友，甚至另一半…都變得被我倚賴既對象！

其實我都可以獨立，但係慣性倚賴，如無必要，都唔會出招。直至有一天…他說︰
『人不能太倚賴另一個人，即使親如父母也是，並非指愛會消逝。但世事難料，
沒有人可陪你一世的，學多些，求生本事高些，即使有咩事都照顧自己，我會放心些！』

係既！冇一世既保證和承諾，人地俾唔到我，我都俾唔到人。
我們唔可以太倚賴，除左唔洗俾人地太大壓力之外，亦都唔洗令人地擔心。

幸福不可恃，可以倚賴是幸福，我會學去感激，要鼓勵和鞭策自已。
生命實在脆弱，我們能做的，只是珍惜身邊既人，要訓練自己，迎接風雨！

首飾

飾物 依d野…其實貴精不貴多，雖然女仔係要大量既飾物去襯衫…

但係有壞習慣既我，總覺得…如果靚…貴d都值得，太平反而吸引唔到，多多款都唔岩！
我比較鐘意銀飾物同少少閃啦！嘻！不過平凡簡單既先係最好！

近來少帶左頸鍊，都係襯返d衫先戴啦，
耳環主要都係戴定一隻，(簡單既蝴蝶耳環，佢跟左我好多年架喇！好有記念價值)
左手就一定戴手錶…(都打算買左多白色鋼帶錶…plan住先，依個唔係前10個priority內)
右手就…我以前好鐘意戴手鈪，有一隻銀手鈪係我既至愛，係我"叮"一聲咁一見鐘情，我仲好記得買既情形係幾咁受寵若驚！
不過依家…右手轉左戴手鍊了，因為我想長期戴住唔除，好似護身符咁保護我！(係咪好傻呢！)

講起手鍊，曾幾何時，我覺得自己心愛既人送一條手鍊俾自己，係好sweet既事！
你知啦！男仔好少睇女仔首飾/或者跟本唔識睇，肯花心思去選，其實係好值得感動既一件事！

變型金剛

入場個時，其實我完全唔知套劇係講咩…亦都唔知咩叫變型金剛！

不過一路睇一路覺得好好睇…變個野就係勁，而且人同人，車同人之間又有感情線，真係諴意推介架！^^

關心..

今日知道…其實關心，係唔使用口既，就算唔係身邊，唔講野默默支持就ok架喇！

千其唔好講咁多野！
俾d空間大家！

婚姻 …《續上文》

「(新郎全名)，你願意娶（新娘全名）作為你的妻子嗎，與她在神聖的婚約中共同生活？無論是疾病或健康、貧窮或富裕、美貌或失色、順利或失意，你都願意愛她、安慰她、尊敬她、保護她/？並願意在你們一生之中對她/他永遠忠心不變？」新郎回答：我願意。「(新娘全名），你願意嫁（新郎全名）作為你的丈夫嗎，與他在神聖的婚約中共同生活？無論是疾病或健康、貧窮或富裕、美貌或失色、順利或失意，你都願意愛他、安慰他、尊敬他、保護他？並願意在你們一生之中對他永遠忠心不變？」新娘回答：我願意。

婚姻的而且確是神聖不可侵犯的，我和眾多少女一樣，都會憧憬著婚姻，莊嚴而神聖的！

眼看現今社會，人們漠視婚姻，結婚的要離婚，不是有外遇就是過得不快樂…
曾經有人告訴我︰「結了婚，就不曾想過要離婚！」

很好！將一段感情關係昇華到結婚，不是兒戲的事…二個人將會面對很多重重考驗，結婚後，新既生活就會開始，
不要覺得結婚即代表完了事…其實，婚後更要積極維繫感情，比以前，為這個家付出更加多。

單身一個人時，很多問題都只係屬於自己的，只要安守本分便安全無樣，自由自在，無拘無束，不需向任何人交待…

和別人相戀時，二個人大家便交換快樂和悲傷，互相鼓勵和支持，但總會有吵鬧，不理睬對方和傷害對方…

結婚了，這時又變回一個人，二合為一的一個人，大家不再獨立，因為無論發生什麼事，都應該二個人一起去承擔和面對，開心既，唔開心既，都係共同既事，唔容許"大難臨頭各自飛"，應該坦承，最親密的人，可不就是在你的身體裡嗎！女人是男人的一條肋骨，男人啊！你會輕易把自己身體內的肋骨拔掉嗎？女人啊！你願意離開你的身體嗎？續上文，我個人認為二合為一後，不應該輕易放棄，堅守信念，好好堅持下去，二個人就是這樣，在任何一方遇上困難時，另一方就會保護和全力支持，連成一線，一家人一條心。

身邊長輩有很多在不快樂的婚姻中生活，告訴我要謹慎，但我知道一經確認，是一輩子的承諾(在25歲以前，就有人嚷我好好想清楚，繼續還是放棄！)
雖然責任比做女的時候，難度高上一百倍！感覺戰戰兢兢，郤又滿心期待…

早幾天，約了一對夫妻吃晚飯，丈夫是我的網友，(我跟他見面不多，但他很會聽我的心事！)
我聽過由他認識太太的經過，直至他們結婚，我也有出席！
可喜的是…今次見面竟然…見到太太有了寶寶…仲係爭2個月就出世了！(可想言之幾耐冇見)真係替他們高興！
好攪笑架！即使我在場，太太見丈夫笑佢肥0者0者(但其實好瘦，有左都唔超過130磅)，就會暗自係枱底"滅"丈夫的腿，哈哈哈！
老婆又話老公掛住打機…云云事一大羅…
丈夫告訴我︰「結婚是開心的事，是二個人都願意走前一步，共同面對以後的生活！婚姻其實好簡單，太太未必明白我百樣的心情和處境，但只要見到佢，成個人都會開心同舒服晒，好放心！這就已經足夠！」

在此，我祝佢地個bb女身體健康，肥肥白白，一家人開開心心咁生活！
我會記得送尿片架喇！^3^

我的體會

一連二天，都去了伊利莎伯醫院探望公公， 因為患有老人痴呆的他在上星期又不小心跌倒，斷了腿。

星期六和表姐一起去餵飯…見他又好好中氣咁鬧人同打人，但又會咩都唔記得，
公公今年九十多歲了，還記得半年前，我都間中去他家探佢，陪佢落街食飯，
佢不知幾開心，雖然我自小同佢關係唔係話好親密，但都係我公公嘛！

今天妹妹陪我去餵飯，一去到就同佢傾計，佢今日都幾好胃口丫，
晚餐有魚有菜有飯…可能我自己本身都係鐘意食餸多過食飯…餵餵下…發覺d飯點解食來食去都仲咁大碗，
但其實我將飯餸撈埋一齊，變相都係食餸多過食飯！

其實佢今日都好乖好聽話，不過係食飯後，隔離床個個阿叔不停咁大叫大嚷，又話好痛，
又話綁得佢好痛，嘈到死，本來公公想瞓架喇，俾人嘈到佢發脾氣，仲想落床走人添，
公公發脾氣咁叫我地快d走，(隔離個阿叔又唔肯著衫，又冇著褲，剩係有被蓋住！)
最後姑娘叫我同妹妹走先…咁公公就交左俾佢地喇！

後記︰
其實生老病死乃是人生必經的階段，但願將來如果我有事，會有人不捨不離咁照顧我和支持我！
更願我健健康康，所以我要保重自己既身體，
要知道，病人痛苦，家人更辛苦…既心痛又無能為力，感覺很是難受！

容許犯錯的文化

有承認錯誤的氣度和膽識，
才有再進步和創新的空間。

節錄於　潘燊昌　的「聽老闆的　就錯了」

你會去的地方？

今日同事問我放工去邊，佢竟然同我講我既答案一次比一次新鮮，一次比一次驚奇。

其實我只係講左話去做gym同埋去圖書館，好出奇咩？

佢話覺得我唔似會去依d地方既人…咩有樣睇架咩！

我只係答佢…你錯喇！有好多野你都估唔到…

事實的確如此，不要單睇外表，其實內心係最緊要的！睇下你睇唔睇得出？

學習與人相處，無論你讀遍古今中外幾多本書，
都離不開信賴，忠誠，忍耐，慈愛及鼓勵等基本做人道理！！！

(信賴-我都好易信賴人丫！
忠誠 - 睇下邊個人啦！
忍耐 - 其實金牛座既我，忍耐力超強！
慈愛 - 間唔中都有d架！哈哈哈！
鼓舞 - 依樣野我成日都有，我好正面丫嘛！)

Keep love simple - Less is more

有位心理學家曾寫道，一個成熟稱得上真愛的戀情
必須經過四個階段，那就是：

共存(Codependent)
反依賴(Counterdependent)
獨立(Independent)
共生(Interdependent)

階段之間轉換所需的時間不一定，因人而易。

第一個階段：共存。

這是熱戀時期，情人不論何時何地總希望能膩在一起。

第二個階段：反依賴。

等到情感穩定後， 至少會有一方想要有多一點自己的時間作自己想做的事，
這時另一方就會感到被冷落。

第三個階段：獨立。

這是第二個階段的延續，要求更多獨立自主的時間。

第四個階段：共生。

這時新的相處之道已經成形，
你（妳）的他（她）已經成為你（妳）最親的人。

你們在一起相互扶持、一起開創屬於你們自己的人生。

你們在一起不會互相牽，而會互相成長。

但是，大部分的人都通不過第二或第三階段，
而選擇分手一途，這是非常可惜的。
很多事只要好好溝通都會沒事的，不要耍個性，
不要想太多要互相信任，這樣第二、三階段的時間就會縮短。

和所愛的人相遇相戀是非常不容易的，不要輕言放棄。

兩人相聚是因為有緣，相知是因為有心，
真的得好好珍惜這福份莫說分手不是無由，
希望看到上述的四個階段， 真能給大家一些啟示與領悟並惜緣。

我們會逐漸變成我們所愛的人。
妳和他本來沒有相同之處，外表不相像，

性格也是南轅北轍，一旦愛上了，年深日久，
妳會驚訝妳的眼睛有點像他的眼睛，他的微笑也有點像妳的微笑。
你們走路的步伐也有點相似，說話的語氣也愈來愈相像。
他的脖子上有一顆痣，
一天，妳發現自己脖子上也多了一顆痣，
原來我們會變成我們所愛的人。

妳本來喜歡腳踏實地的人，而他一向比較輕佻，
但你們愛上了，他竟會不知不覺變成一個老實人，
這個改變，連他自己也不曾察覺。

他本來喜歡活潑的女孩子，卻愛上了拘謹的妳，
這些日子，妳竟愈來愈活潑，妳差點認不出自己。

我們會逐漸變成對方理想中的人，
這種改變，絕對不是刻意的。

兩個人愈愛得長久，氣質也愈來愈相近，
妳曾經以為他不是妳夢寐以求的那種類型，
然而，有一天，妳驚訝地發現，
他已經變成妳喜歡的那種類型，妳不必再到處尋覓，他就是妳要找的人。

深深愛著一個人的時候，妳原來真的會一點一點的失去自己，
為甚麼妳還會覺得快樂呢？

大概是因為妳在失去的當兒，也是賺了，妳把他的氣質和他的微笑都賺回來..

幸福很單純...
所以要很單純的人才容易獲得.....

聰明與笨拙

睇完ck個blog，都聽到原來男仔係想自己個另一半聰聰明明，話頭醒尾…
而聰明既女孩子，就應該會適當既時候扮蠢…

其實都講得岩，不過我覺得其實二個人相處唔應該分男定女…邊個叻d邊個笨d…
因為二個人相處都係經過互相包容同體諒…
冇話一方就晒另一方，可能你覺得佢邊部分做得唔夠好唔岩心水，
其實自己都可能有好多不是之處，只不過愛可包容一切。

很多人花盡心思去尋找高要求既理想…到頭來，卻錯過今天身邊的一切！
時間一分一秒的過，它，不會等人的！

就襯現在還剩一口氣，都要好好珍惜身邊既人和物

手制蛋糕

近年來每逢情人節，聖誕節…這些大日子，總有人談論親手整返個蛋糕送俾人食。

曾幾何時，我都好期望可以和心愛的人好甜蜜咁一起親手制作。
總覺得係一件好浪漫既事…

可惜，對方覺得依d係女仔整，他既職責係負責食。

今天，我先分享我和朋友們一起俾錢去學整既蛋糕啦！

(由於屋企唔方便，所以未試過自已係屋企整，成日都覺得要得返我一個，有d私人空間先好整)

愛回家

勤力過 捱罵過　如做錯
誰又會原諒我　懷念家中被窩
想去躲　這麼吃力　求甚麼

投入過　麻木過
磨練過　沉悶過　疲累過
其實我進取麼
時間從未敢蹉跎
賺到幾多
賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被舖上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家　來互抱

唯獨你　明白我
成就過 誰若說　容易過
曾受了氣幾多
能聽我解釋因何在這被窩
賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被舖上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家

自問已經得到
得到你比一切好
躺在平靜被舖上望浮雲在過路
回到家中便有你多好
張開兩臂的鼓舞
沾濕我眼睛
眼前繁華有幾好　來互抱

Link

好開心…岩岩睇ck個blog，竟然見到自己條link，好開心呀！

其實我都恨左好耐架喇！

有時會覺得如果別人的地方加左你，(即使好少地方或者好細微既野)
就會有種…人地真係當你存在既自重感！

個一刻…真係覺得開心喎！哎呀！唔識講喇！哈哈哈！

溫室

今天是分開了的第二個星期天…

第一個星期天，我到了朋友家中散心…

今天…父母們都在家，其實過去幾天，大時大節，公眾假期，我差不到都在他家跟他一起渡過，(因為我家中地方小，人又多，很嘈的)

一起床，爸爸就很緊張怕我沒早餐吃，媽媽又話要煮公仔麵加雞脾俾我食。
爸爸又問幫我地洗鞋好冇呀！因為全家d波鞋很污糟喎！

過了一會，爸爸外出摘生果，返來又不停咁叫我試，話好食呀！你咁大個女有冇試過呀！應該返來多d飲湯啦！媽媽又說︰你搬回來嗎？(我不知道她知否我現在的感情狀況)咁叫表妹來我們家時，想地下軟墊啦！)其實我家中得三百呎，唔計表妹都已經6個人了！


很多謝他們的照顧！

回想在他家的日子，早上跟他吃過早餐，玩電腦，或者會再煮午餐給他，洗下衫，洗下碗，或者睡覺或外出，現在在家，都好少入廚房…

總覺得在家人面前說要借廚房學整依樣個樣很尷尬…

我在看星星的另一邊

受到舊同事的邀請，參加了他們的聚會-吊墨魚！

第一次夜晚出海，海風真涼快，
幸運的，我都吊到4條呀！(最勁係小經理，有5條)

原來係海上，真的看到得多星…為何在你家的窗常常看不到呢！
可惜的是，十一點前就回程了，其實真想在船上過夜，開狂歡party！
我想…一定會好開心的呢！

很想在人生每一個片段上也有你…

劉華 ...係得既！

依幾日其實心情都唔係太好，好多時都想靜靜地過…

今天打電話俾個朋友…雖然冇佢接到電話，但係俾我聽到個電話接駁鈴聲，心頭暖了一下…

歌詞如下︰

為我　你要好好自己保護自己　
慢慢的學習　不要乾焦急　
一步一步走出每一個谷底　堅定不移　

為我　你要好好自己保重身體　
在每一段的路　總會一身污泥　
心肝寶貝　不要懷疑　最愛就是你

係咪好感人呢？聽到那一刻真的覺得有人在我身邊支持我，很感動！

在此為你們獻上全曲︰

心肝寶貝 (中國乙肝防治疾病教育 暨首屆全國"愛肝日"主題曲)
作曲：The Invisible Men
填詞：劉德華
編曲：The Invisible Men

我　我為你付出所有的我的擔心　
我的甜蜜　我的呼吸
你的笑　絕對的神奇
你的哭　絕對的可惜
因為你　讓我明白生命的真諦

＊可知道　你的不小心　會讓我傷心一輩子　
我是願意為了你　今生永不渝

＊＃為我　你要好好自己保護自己　
慢慢的學習　不要乾焦急　
一步一步走出每一個谷底　堅定不移　

為我　你要好好自己保重身體　
在每一段的路　總會一身污泥　
心肝寶貝　不要懷疑　最愛就是你　(最愛的是你)

＃你　你是我一生的唯一
你的聲音　你的鼓勵　我的意義
REPEAT＊＃

如果沒好好的身體
你我怎能永遠在一起
外面的風和雨　已不是問題REPEAT＃

不能說的…秘密

這番說話，我不能告訴你…

天資聰穎，魔鬼般的迷人身材，很抱歉，現在…我沒有！

如果你要聽卑賤不誠的媚諂，我說不出；
但你渴求真諴的欣賞，我會不加思索的告訴你。

每個人追求的都不同，可能是金錢物質的世界，可能是精彩刺激的人生，也可能是平淡幸福的戀愛！

也許，我會是唯一一個把你當成最寶貴的人，始終如一，
我會記得你的優點，因為這樣我會覺得幸福些！
你要記得你的缺點，因為你不是要重滔覆澈！


多真誠的稱讚別人，為人類幸福的總量上多加一點！

『誠於嘉許寬於稱道』

如果你今天想開心一點，不妨找我吧！

2007/7/15

離開了的第二天，
我學了弄"麻婆豆腐"了…

愉快的性格，是成功的靈魂！

以前，法國有一名總統名叫戈達，他一向是以「急智、機智」出名。

一天，一位英國太太問他：「法國女人是不是真的比其他國家的女人更迷人？」戈達毫不猶豫地說：「那當然囉！因為巴黎的女人二十歲時，美如玫瑰；三十歲時，也像情歌一樣迷人；而四十歲時，就更完美了。」那位英國太太又問：「那麼四十歲以後呢？」

戈達總統微笑地說：「太太，妳知道嗎，一個巴黎女人，不論她幾歲，看起來都不會超過四十歲啊！」

***以前，有一個英俊的美國青年，住在一家渡假旅館中，但是他迷迷糊糊地走錯了，未敲門，就走進一位老太太的房間。「對不起，對不起！我一定是走錯房間了！」這英俊青年抱歉地說。「那倒也不一定！」老太太微笑地說；「只不過是遲了四十年而已啦！」

西方哲人說： 「愉快的性格，是成功的靈魂！」

的確， 幽默，是開自己的玩笑，和別人共享歡樂！

而且，「詼諧、妙答、自嘲、機智」也都是 幽默的表現，能使人在壓力的生活中，充滿著歡愉。 而莎士比亞也說： 「甜中加甜，不見其甜；樂中加樂，才是大樂！」 是的， 人際相處，天天抱持「喜樂之心」，就會使「平淡蔬菜」變成「豐盛筵席」，也會使「室內牆角」充滿燦爛陽光。幽默，也是可以和世界溝通的橋樑！最高超的幽默術，是在正常人「應該要不高興」的時候，還能夠扭轉氣氛，輕輕的把已 快燃起的火熄滅很多人誤以為，當別人生氣時，沉默與忍耐是唯一途徑。

難過害怕的同時，也別忘了別人心裡的感受

這件事情是發生在普吉島的ClubMed 渡假村，有 一天，我在大廳裡，突然看見一位滿臉歉意的日本工作人員，安慰著一位大約四歲的西方小孩，飽受驚嚇的小孩已經哭得精疲力盡了。 問明原因之後，我才知道，原來這位日本工作人員，因為 那天小孩較多，而一時疏忽， 在兒童的網球課結束後，少算了一位，而將這位澳洲小孩留在網球場。等到她發現人數不對時，才趕快跑到網球場，將這位小孩帶回來，而小孩因為一個人在偏遠的網球場，而飽受驚嚇，哭得稀浬嘩啦的。

現在澳洲媽媽出現了，看著自己的小孩哭得慘兮兮的。如果你是這位媽媽，你會怎麼做？痛罵那位工作人員一頓？還是很生氣的將小孩帶離開，再也不參加『兒童俱樂部』了？還是直接向主管抗議？都不是！我親眼看見這位媽媽，蹲下來安慰四歲的小孩，並且很理性的告訴他：『已經沒事了，那位日本姊姊因為找不到你而非常的緊張難過，她不是! 故意的， 現在你必須親親那位日本姊姊的臉頰，安慰她 一下！』

當下我只見那位四歲的小孩，墊起腳跟，親親蹲在他身旁的日本工作人員的臉頰，並且輕輕的告訴她：『不要害怕，已經沒事了！』

當你感到難過害怕的同時，也別忘了別人心裡的感受？當妳對朋友施予幫助，也別忘了不要傷到其它人。

不錯的文章喔 ...... 大家可以好好想想

~~每一株玫瑰都有刺，正如每一個人的性格中，都有你不能容忍的部份；
愛護一朵玫瑰，並不是得努力把它的刺根除，只能學習如何不被它的刺刺傷，
還有，如何不讓自己的刺刺傷心愛的人。。

奪標

睇完菲菲既blog，我好贊同佢既說話，
其實每日都應該反省自己做過d咩…會有改變既空間同進步！

人是向前看，每個人都應該對自己有所要求和目標。
這亦是對自己既承諾…

寫blog也是我動力的來源，我也會堅守我的信念…
了解自己的短處並去克服它，
我相信…世事無難事，只怕有心人。

"You know is a hard road ahead, and you know it's not easy to walk through, but if you keep going, even slowly, you will get to the goal one day."

華麗世界？

華麗世界真係華麗？咩現實唔係殘酷架咩？

其實只係睇你用咩角度去睇！

今日我想說一個故事，一個耳熟能詳故事︰

以往一代，戀愛都很公式的，年長的男士當然配年輕的女士…

時至今日，年齡已經不是談戀愛的一個拒絕因素！

王子跟公主從相識到熱戀，一直都十分恩愛，

王子的個性自滿，積極發奮，是一個上進有為的青年，

公主是溫室的小花，少少任性，敢作敢為，對愛情堅定不二。

有一年聖誕節，王子滿心歡喜的準備向公主求婚，可惜公主卻沒有即時答允。

這樣子，王子的確十分傷心，一直期待的幻滅了，好像被人狠狠的拉回現實！

公主知道後十分後悔當初的任性，可惜，王子已經很傷透心了！

其實戀情可以得以繼續，除了二個人彼此還愛對方之外，付出，包容和堅持是很重要的。

一方面努力是沒有用！

王子近日突然鬱鬱不歡，公主很是擔心，試問另一半不快樂，剩下那一個又豈會不痛心哩！

原來王子覺得和公主距離遠了，溝通不到，覺得很辛苦，不知如何是好！

王子的壓力來自公主年紀比他大，他才二字出頭，公主及她的家人也希望係時候結婚了！而王子打理他的王國也有沉重的負擔，他覺得公主未能開解及明白他的處景！

王子說︰以往已經很多次試過向公主傾訴，但她也不明白，我很累了，不想再跟她說！

機會和溝通就此終斷…

至今，大家還覺得公主應該再堅持嗎？就算很堅定的非君不嫁，但可以…嗎？

其實，愛一個人的而且確是希望對方幸福快樂，而不是帶來痛苦的！

既然王子會快樂些，公主不如不要再做灰故娘，變做人魚公主，化作泡沫，靜悄悄地消失吧！

雞精+人情

今日老闆告訴我，平時工作上好惡既客知道我受傷後，叫老闆買d雞精或者燕窩俾我補下…

哈哈！太有心喇！

其實我平時都幫唔到個客咩忙，咩都唔識！
不過可能佢以為我好細個啦！所以都唔係好同我計較…正確來說…計都冇用，我又唔係話事人，而且佢會雞同鴨講…哈哈哈！

不過都開心既！其實人與人之間相處都好講緣份，就算係開心派，都唔會個個人都鐘意你！
做人簡單d好！想得太多，咪令自己唔開心！

所以我都好enjoy同人溝通，我都希望幫到人之餘，自己都可以從中學習大個d，成熟d！

因為要別人愛你，先要自愛！

一個值$3,880的機會

話說電腦白痴的我係莫名其妙的情況下發現notebook個harddisk死左…

問我點解？真係唔知！
王子好好人咁幫我拿回hp整！(點知係保養期最後一日，勁好彩！)
但我千叮萬囑一定要取回舊harddisk，
因為我既backup就係做野係部notebook裡面，我多年既相，我既ai功課，我既迪士尼powerpoint…

王子問左我好多次係咪咁重要，因為要拿個harddisk走，要先放低港幣$3,880按金，7天內交回完整無缺的舊harddisk，
三千幾蚊，買一個新harddisk都係六百幾…

雖然按金唔係我俾，但我都想試一試拿去博下，
可能搵得返d舊資料呢！
長期負債既我真係冇本事俾錢人出去整，
幸運的勝在有個識整電腦既魔法師，經過閉門深究…可喜既係佢俾到好消息我！
當然我要識做啦！一餐豐富既自助餐唔少得既…

在此多謝魔法師的努力幫忙及王子以國抵按的昂貴按金…

我的工作

從事過數年的客戶服務，也曾當文員，工作履歷好像也有玩旋轉木馬在繞圈。

其實每一份工，我都曾好俾心機去做，但我非大將之料，亦未能俾人器重。

最近入左一間細公司，會計船務人事出糧出街速遞都係我，
其實都唔開心一段日子，眼見其他人人工個個比我高一倍，但工作卻不比人少。

經過仙女們多番鼓勵和開解及王子的訓話！
總算想得開…
唔辛苦點得世間財…no pain no gain！
沒什麼是能夠不勞而獲的！我要努力！

昨天工作時，剛同老闆話d紙盒我包攪掂，點知唔夠一分鐘就"界刂"親手，流左好多血，
我沒有出聲，因為當時覺得…無理由受少少傷都承受唔到…
我仲要努力，你話我博表現都好，係呀！
依家唔努力等幾時，我已經遲左好多年先努力，挨下，再出返d大少少既公司，
都可以叫做為自己爭取下福利丫，我都唔想日日係出動勞力…

畢竟傷口冇左忽肉，洗澡後膠布貼實晒，好痛！
除左膠布後又流血了，總係要搵人救命既時候，我特別掛住我一個舊朋友，
她的確很有義氣，又博學多才，經過佢既勸告，王子陪左我去睇急症，
雖然王子話我誇晒張，傷左少少就要去醫院，但佢都係關心我，
由出門口至回程，他都細心關懷我，雖然有多好恐怖性既爛gag，但我很多謝佢一直的陪伴！
而結果…今天病假，醫生叫我休息下，王子仲幫我做埋速遞，幫公司取文件稿送回我公司，好多謝佢既勞苦。

就係因為佢…我更會努力，即使係後欄，也全力以付，做一定令佢proud of既灰姑娘！

前言

困係後欄的歲月，周不時就會對住個月光想下將來，但講左咁多年都係咁，一係諗太少，一係就諗得過多…

可幸的是，一直以來我都好幸福，有好好的家人，有好好的朋友，也遇到一個對我好但怪怪的王子。

家裡面，爸爸最錫我，可能我是長女，也擁有媽媽不少的壞脾氣(值得驕傲嗎？)

朋友裡面，我總是吱吱喳喳的叫嚷著，總希望別人都能夠注意到我！

對著王子，我總是少了個腦袋，沒有美好的身段，唯一有的…就是對感情的執著和堅持！

總是幻想多多，不設實際的我，唱歌沒有鳥兒伴唱，有時都很沒自重感，幸好天性樂觀，掃下地洗下碗又一天。

係童話故事幻滅前，我要必衝出來，尋找自己的未來世界！