2008 我的大事回顧

話咁快…又到左2008年最後一日。

回顧今日，整體運也不錯，比起上年，更為精彩！

一月至二月份︰緊接07年餘震，也是不開心的時間(公事私事也令人想死)。
三月份開始︰繞完桃花走，有D暗湧…
四月份︰好感激ANGEL送左一份大禮物做我生日禮物！而且展開了一段新既感情！^0^ sweet
八月份︰係某一個朝早，心血來遲去左辭職。但其實…我仲未搵到工！
九月份︰得到上天既保佑，我係九月一日返新工了！

簡單來講，係2008年裡面，總括可以咁講︰
事業︰轉左一份冇咁辛苦既工，時間多左，錢少左…
生活︰free左好多！
財運︰...不過不失吧！
感情︰新的一段感情總是看好它，不好就就不要啦！不過…我想它可以變得更好！

係2009年，我希望我屋企人，特別是爸爸媽媽，身體健康！而自己同身邊既朋友係各方面都順順利利！

☆╭┐┌╮☆°．﹒
╭┘└┘└╮∴°☆°
└┐．．┌┘───╮∴°
╭┴──┤ HAPPY  ├╮
│ｏ　ｏ│ NEW YEAR │●°
╰┬──╯　 　     │ ∴°﹒
☆ ˍ|ˍ/ˍˍˍˍˍ/∴☆

聖誕溫馨

仲好記得幾年前的聖誕節, 同老婆走左去尖沙咀, 無帶住任何期望之下 (因為連套戲講乜都唔知), 入場睇左我 so far 最最最喜愛的一套電影.. 離場時果種溫暖同窩心的感覺, 而家仲記得一清二楚.

夫妻, 繼父子, 朋友, 姊弟, 小朋友, 遲來的對象, 階級的分隔, 仲有正場時 cut 晒的被歧視的一對, 所有的愛及情盡在這套電影內. 没有激情, 没有熱淚, 只有淡淡然, 細水長流的聖誕溫馨.

把我最愛的一場帶給你們. Love Actually. Merry Xmas!!!

(YouTuble clip html)













聖誕交叉blog︰
多謝鎚哥俾左30+依篇咁溫馨浪漫既文章俾我同大家分享！

(原來有d男仔可以咁有心思咁浪漫，以後冇藉口話做唔到啦！嘻嘻！


Merry Christmas to all~

聖誕快樂~~

一開email就收到各位的聖誕祝福，

多謝c.m，多謝morca，多謝肥龍，多謝ak，
多謝各位！

祝大家都有一個開心愉快的聖誕假期！

>3<

早上九點十三分

一起身，見到我個妹係到執緊衫，
一見到我就係到不停係到叫我執衫，
我唔執呀！我都唔係一朝早起身幫你執屋既！

佢不停咁係到話人唔執依樣唔執個樣，
好煩呀！
你愈叫我執我就愈唔想執，
跟住又話你唔執，我見一件就扔一件，
屋企咁細，跟本收唔晒d衫褲鞋襪加雜物，
一朝早係到嘈之巴閉，
的確黑人憎。

又見你叫埋d妹起身執，痴線！

別人的感情事....

周慧敏同倪震單野，
我諗…冇咩香港人唔知卦！

本來我都覺得周慧敏應該同倪震分開，
畢竟被另一半背叛都唔好受！

不過，到最後要分手，睇過佢地二個既聲明，我有d感覺！

先講周慧敏既聲明先丫，
其實我覺得佢一開始寫得好好，關愛之情盡露，
「一 個 人 的 問 題 ， 兩 個 人 去 修 正 ； 一 個 人 的 挫 敗 ， 兩 個 人 去 承 擔 。 我 倆 是 一 個 團 隊 的 ， 沒 分 高 低 ， 輸 贏 也 是 一 體 。 某 程 度 上 ， 周 慧 敏 早 已 是 一 位 不 同 面 貌 的 倪 震 。 任 誰 一 方 受 到 傷 害 ， 另 一 方 都 願 抵 禦 百 倍 的 痛 。」
不過之後個句，「 我 的 伴 侶 絕 對 犯 得 起 這 個 錯 誤 」 ，
我諗，一定有內情，但我只係一個局外人，無需加以任何既意見罷！
作為一樣的女性，只要堅強面對，我會支持佢既！

然而，有關男主角倪震，唉…
「雨 過 天 青 不 難 ， 但 可 以 保 證 暴 風 雨 不 再 來 嗎 ？ 我 問 了 自 己 這 個 問 題 很 久 ， 意 識 到 我 這 次 的 錯 誤 並 非 如 一 些 損 友 說 是 技 術 上 不 小 心 ， 而 是 結 構 上 出 現 了 明 顯 的 中 年 危 機 。 」
雖然我唔明白佢口中既中年危機，但我覺得..佢自己都唔能夠擔保自己唔會重蹈覆轍，
而且…仲為日後既種種舖路。

um...但願依d事唔好發生係我身上就好喇！

病菌多的是

近來，全間公司大部份人都病，
仲好多人病假添！

上星期先係我拍檔，
今日好似作病咁喇！

係個自由活動日先來病，激死！

你地都要小心身體啦！

劉德華選特首?

今日係facebook到見到有個group竟然話支持劉德華選特首？

施政仲係︰
- 在2012年落實普選行政長官 (否则，如何選華仔?)
- 將利得稅減至15%水平，以增加香港國際競爭力 (全民炒股!!)
- 深化CEPA計劃，進一步增加香港對內地的出口 (包括更多內地演唱會)
- 密切注視通脹走勢, 推出更多紓緩措施 (華仔的CD/電影門票绝不加價格)
- 改善香港空氣質素 (停止高官通过他們的嘴放屁, 減低污染)
- 加強支援低收入人士，並提供特定的「生活資助金」(至少每月给他们一次食肉的 chance la)
- 提升香港在國際的形象（華仔一泊埋落其他領導人到，已經贏九條街）
- 全面檢討退休高官離職後轉入商界工作機制，防止出現利益輸送及官商勾結（華仔又點會被收買到？）

睇完依段野，我唔希望係華仔fans所為，
我冇睇新聞唔知華仔究竟係咪想做啦！

但係…我覺得佢分明俾人擺上枱啦！
依家個香港攪到咁，個個上去做都死呀！
就算華仔有心，做得好都要好多野配合，你估真係食生菜咁易咩！

諗下諗下，都唔好咁上心，上網咁多野都係呃人，
信得幾多成吖！個個都話係佢老婆啦！你估又係真架咩！

水晶燙石用電棒

昨天放工時邊坐火車邊看報紙，
發現係7-11竟然有燙石用電棒。

(大家知唔知係咩來架，係把一d水晶粒貼落d布料，膠料上面，大塊既可以用熨斗)

咁d咁小型手工藝，以前既方法係用人手痴aa膠逐粒貼，
如果依家有電棒，咁就可以用支棒整溶水晶粒下面既膠而貼實。

以前既我，一定會買多一支旁身送禮用，
但今日既我，只係買一支俾自己，算係節省左架喇！

(講左咁耐，其實我都唔知讀者們會唔會唔明我講咩架)

美麗的franc franc

早兩日行開九龍塘，

因時間關係，寧看franc franc 捨citysuper，
睇完之後，一個字"靚"，"超靚"，"勁靚"
可惜，連個價錢都好靚…

睇完靚樣之後，人都開心d！

泰國事變

睇完咁多篇報導，其實我地有冇怪錯政府？

照咁睇，我都覺得冇？
雖然我地全件事唔可以講由頭追到落尾，
但係今次真係好明顯係有人死傷政府先肯做野。
依條罪，今次佢地真係責無旁貸…

其實點解香港咁腐敗，連澳門連中國都比唔上，
究竟香港政府係做d咩架，可唔可以話我知，
公司裁員幫唔上，經濟低迷幫唔上，
就算香港人幾拼搏幾努力，冇人係後面支持，
一切都係空話。

不過要罵政府的…有排都未輪到我！

自我評估..

經過一輪自我評估.....我俾左一個超低分自己。

我沒有去令到家人對我印象變好，
在他們認為我需要留在家中時，
我卻任性的不在家，
女人，永遠是口不對心的。
(我至憎，想點咪出聲…)
至我，就永遠都唔懂事，不識分輕重似的。

我知道…二堆不同觀念的人，很難的溝通相處，但偏偏要生活在一起。
我不在，並不代表我不關心。
要留一個人，不是留住個人，而是留住他的心。
(當然，你地會話，人都留唔住，何況個心。)
一切解釋等如掩飾，
這麼說的話…是我錯吧！

我的心裡在想…好像冇一件事做得岩，
所有既野，第一步已經做錯，一直錯錯錯…
永遠都比人差…
我明白事必有因，但我已經好灰喇！
我諗既每一樣野，已經係好負面喇！

人生好像…已經失去左目標！

甚至…我沒有勇氣，為自己多做一步，
我連一句說話…也沒有勇氣出說來。