報告近況

喂...近來好開心呀！
不過未有時間寫寫住，因為實在太長篇大論喇！

你地好嘛！
唔洗好耐，我又會出返post，記得等我呀！

schedule book

係喎！我想問下...

有冇d blog或者網上日曆呀！
因為我想同男朋友大家整一個，
咁咪可以記住我地各自個日要做d咩，
方便大家安排時間，(因為實在太多節目喇！哈哈哈！)

報平安

大家好呀！真係好耐冇見喇！

近日忙到超忙！
講返近況先…
最近工作都依然係唔太得，
自己做得慢又攪到心情差…做到好down咁樣！

我都知道我係方法上面出現問題，
但好似改善唔到咁係到膠住，點算！煩爆！
我唔係好想同男朋友講…因為我唔想俾佢知我差到咁，
我覺得自己好冇用好失禮呀！

第二樣野…就係…係喇！我拍拖喇！
在此多謝之後係我唔開心個時既各位朋友，
依家感情進展得快，亦希望會穩穩定定。

好啦！
講住咁多先…
我最後想講…我記得你地架！咪以為我唔理你地先得架！

死性不改

其實…近日真係有d心事！

正所謂少女情懷總是絲，
唔…未開始個時梗係戰戰兢兢，
但心情又異常興奮！

不過…會唔會諗多左呢？
身邊既朋友都叫我睇定d！

最大穫既一d唔應該知…但又可能知既人…
係背後講d唔知咩野…話叫女仔主動d…
下！已經好主動架喇喎！俾晒位架喇喎！

不過，開心還開心，
始終有個問題係個心裡面！
其實，我一向都比較喜歡較我細既人，可能係我覺得佢地比較有活力又開朗！
(我唔係話比我既唔好，我識幾個可以講心事既都大個我，我又好喜歡佢地架喎！
不過呢？梗係覺得唔得！朋友問我係咪"形"住，所以困住自己，因為佢地既另一半都比佢地大3,5,7年以上，
梗係覺得應該搵個大過你，成熟過你又照顧到你架啦！我明白，亦知點解！不過梗係覺得唔岩囉！
可能遇到既已經有另一半<即係唔會考慮>，又或者變左兄弟咁<又冇行>，
我朋友都想叫我搵過照顧到我<因為我實在太低b>，
佢地怕我好似以前咁，搵到過細過我，當一段感情開始左，
到咁上下時間，對方先發覺，想搵返個年紀相近又或者細過佢既，
到時再分開，我已經冇咩時間再重新搵，怕受傷害既係我！

我都知自己衰衝動架喇！
雖然感覺係開心，但感情事…加上一把年紀，都應該好慎重咁考慮下！

壞電話..

如果我個自己個叉電器話charge error，但用人地個個叉電器又得喎！
但自己個叉電器又好間唔使得得地！

咁係個火牛壞定係粒電壞呢？

就係依條咁白痴既問題，我俾同事笑左成分鐘！

咩喎！好慘架！
對於我依d成日傾電話既人，冇電喎！簡直係超苦況！

又冇理由因為咁走去換電話架！(我只係窮家女)
唔…希望快d問人攞到個可以用既火牛用住先！><

I am back¬

我返來喇！

近日真係好忙，忙工事，忙私事…
忙自己，忙朋友…

本來之前想寫blog好耐喇！
同大家say個hi先！hello~
有冇掛住我呢！嘻嘻嘻！

請大家捐血

聽妹妹說…香港每天不足2000人捐血，
香港現存的血只能夠7天使用。

如果可以，請大家有心人，健康的人幫忙捐血吧！

謝謝！

我很快樂

今天…我很快樂！

因為…放四天復活節假，很久沒有放假了！
工作很辛苦，每星期返六天，
有時又要加班！

所以可以放假，我終於可以做自己喜歡的事了！
很是開心，很是感動！

很想跟你們分享！

變質的友誼

別人說︰別期望在工作上找到朋友。

人越大，越難找到真心朋友。

然而，結識很耐的…是否又一定是好朋友呢？

-------------------------------------------------------
突然間，我有點保留，
我承認，我也是一個麻煩的人，嘻嘻哈哈，廢話超多。

其中一個朋友，她從來對我很好，
每次分手都哭著找我訴說，
打算第二天陪佢，卻又跟我說復合了，又或者有新男朋友了。
找男朋友方面，我從不用擔心她…但感情上，我不知道她結識了什麼人。
那麼，我就像她背後的一個女人。

這個，我理解…因為我了解亦包容了她的所謂缺點！



另一個，結識了很久很久，
我們感情一直很深，她待我如家人，無論什麼事也站在我身邊，
感情上我挫敗了2次，她也在我身邊，
她的感情也豐富無比，當然我也會在她身邊支持她，
不過她是一個比較成熟的人，很多事也會為自己打算，不用我擔心。
自她回來後，其實大家既背景生活已經有一段距離了！
但最近發生了很多事，好像很多不滿似的，
又好像再跟其他朋友一樣，很煩很煩…是不夠包容，還是別人口中的某些人特別麻煩哩！

就連相約去邊到吃飯，每次都也有不快事，
事實很簡單，只是去港島區還是九龍區，
很小事吧！點解咁煩呀！
不要特別優待某一個人，要公平…
不要給別人覺得不好，可以嗎？

任何人也會覺得累，知道嗎？



我明白…大家也有心和珍惜，

我明白，每個人都總有安排上的難處，但太多難處，很是會令大家掃興的！

不是在怪誰，只是hard feeling總會無故的浮出來，這是我不忍心見到你！

-------------------------------------------------------------

我不介意身邊每一個人都有另一半，但當安排上，某些時候，
要安排2人世界，我就變得被排外！
我不是介意，反正很多事，大家應該明白同可商量！

但願…真係能體諒和有商有量！

跑數

今天晚上運動完想走人既時候，
行過商場又係d信用咭推廣，其實我都唔想申請架喇！

我又唔會用張咭既，無謂貪個d小便宜丫！
跟住，有個其貌不揚既男孩子走來sell，其實都已經拒絕佢幾次啦！
我忍唔住問.....咪係唔夠quota呀！不過我唔用，你冇佣架喎！
佢答我…要交數嘛！

算！我幫佢！

想著自己都很傻，我記得以前小男友起初出來工作做sales，
我知道跑數交數都有一定難度，為著俾d機會依d年輕人，
我就幫幫你手啦！(哈！我太好人喇！哈哈哈！)

謝謝你…

測試下先…

我依d電腦白痴，好多謝多位人兄教下set野，今次要多謝音語大哥。

今日學既野係…登登登登…



如何set可以係人名到直接link落人地個blog到！
哈哈哈哈！係咪好叻呢！終於學識左喇！多謝晒！

壓力知多少

其實做左咁多年野…你話冇壓力就係假既？

尤其係我依d唔識放鬆既人，但係點知自己既壓力開始嚴重呢？

其實好簡單…就係當我壓力指數上升既時候，
我就會開始發夢都諗起邊d野未做，聽日要點樣覆個麻煩客，
又或者夢見聽日會俾d發神經客痛罵？

真係訓都訓得唔安樂！

就係早2日，師傅又no show，唉！
晚上發夢見到2個女人係咁係到嘈，咪已經幫佢追左啦！(個時唔知點解會係禮堂)
跟住聽到出面好似有師傅來緊喎，點知聽到有女聲尖叫！(係好淒厲既尖叫聲，勁恐佈)
咁我地成班同事，諗住叫d男仔出去睇下咩事，點知冇人肯出去，
大家都好驚，咁全部人訓起地下蓋被扮瞓覺，
終於…有人入來喇！


眼見一個著住雨褸既"任達華"，雙手沾滿鮮雨，超恐怖，
我即係合埋眼扮訓啦！佢仲逐個走近咁樣睇下邊個唔係訓…
就係咁樣…我心寒到扎醒左，跟住超驚咁又蓋被再訓！

引申到，昨晚開ot做到十一點幾，一個人係office超驚！
行過巷仔既時候，簡直唔敢亂望，好驚好驚好驚！

最後忍唔住，好艱難又唔好意思咁打左俾個朋友，我都知咁夜打俾人衰架喇！
不過我真係好驚…你知之前又有單咩冇頭案！
好彩…個朋友由旺角陪我傾到入屋！安全晒！

------------------------------------
講起個單案，那朝早上返工，d同事已經講斬首，
我就問咁駁唔駁得返，有冇死到呀！
d同事聽我咁講就o晒咀，我話︰斬左隻"手"0者，唔洗死卦！
原來係我誤解左，跟住就俾人話我白痴喇！哈哈哈！

不出文的原因

好似好幾日已經冇出post喇！

點解呢？其實冇咩特別原因，只不過一個字…忙！

丫…近來呀…工作沉重，投訴又多左喇！
搵工又冇回音，攪到心情重沉重！

因為又要同朋友食飯(好朋友約會唔可以推既)，
攪到晚晚都點幾先訓…加上上星期日日ot挨夜，晚晚係火車小巴昏迷，
終於忍唔住，d暗瘡爆晒出來，唉！仲要係大暗瘡，
超樣衰…咁樣我唯有可以係今日早d返屋企啦！

其實我都試過係lunch諗住出post，不過公司部電腦唔俾我sign in到，衰到死！

天堂與地獄之間

上一星期﹐工作十分忙碌，又唔夠數，慘！
最辛苦既係晚晚唔夠訓…係巴士同火車上昏迷，
又要避免過站，真係少d運數都唔得！
(死好命！下下一開眼就跑落車！哈哈哈！)

星期六…收到一個消息，異常咁替佢開心呀！
而自己同同事去左玩，有講有笑，真係好耐都冇試過咁開心！

可能…以前既我，開始返來喇！

又來多一張

今次係…680727…

喇！68年，咁即係好快40歲啦！
唔依40歲既人又會唔會好似我咁…儲自己生日日期呢？

不過呢…今次隨年月既增長，銀碼都有所增長…
依一百大元，我保留到七月啦！如果唔係…我好快又洗左架喇！