不敢說的話

唔知點解...覺得好大壓力..

菲律賓事件...
D特警又好似好可憐咁...係D高官超卸膊！

工作其實都冇咩野..

不過係攪結婚..唔夠時間..
D工作又唔ON TIME..

其他野..又令我胡思亂想...好有壓力咁~

對不起...很久沒來..

因為..我在忙著我的婚事...^^

菲律賓港人遇難事件

太多評論....都唔係想係再講太多，

死者一路好走.
生還者要加油！我地全港人都會支持你！
咬緊牙關....

心痛中！

衰衰的渣打馬拉松跑手

話說我一直都係借阿妹既波鞋來著，前星期已經俾佢話我著得太多喇！
我話...我要成日跑丫嘛！

雖然係咁，但我都開始物色我既新波鞋，
但由於長期糧尾既關係，我已經限定所某指定金額，
哈！又俾我咁好彩係前日買到喎！
雖然個款唔係好靚女，但係呢..我見佢係running同埋平丫嘛！

咁我就趕得到係新年前買鞋喇！yeah~

不過....我依排掛住做gym，都係做跑步機，單車機同滑雪機，
好似好少跑真路。(我覺得我真係跑唔郁架，跑步機迫我跑就冇計啦，否則我都唔願郁！)
我試過追巴士，我以為我跑左成個月會有所成績，
但點知...唔夠半條街已經斷氣咁濟！虧巴士叔叔仲話我勁！

我咁lazy，究竟...2月28日，我係咪真係要俾巴士接走呢？
希望大家唔好係新聞見到我啦！好樣衰呀！

之前咪話減肥既...

偷偷咁告訴你們，

都算成功既！

不過....減晒上身哩！下身好似唔郁咁既！真可憐哩！
下身呀下身！究竟你幾時先願瘦！
放過D脂肪，等佢地快d走好冇哩！

情人節+新年集於一身

係依家....同大家預早拜過早年，

祝大家新一年開開心心，身體健康，閤家平安！
男既搵好多好多錢，錫多D個另一半！
女既都要搵到錢，仲可以愈來愈靚仲好添！

不過話時話，我今年犯太歲喎！
有冇人信依D野架呢？佢叫我要戴住條老鼠金鍊，無啦啦點戴下..Leung Leung地咁！

你地又有咩新年願望呀！

仲有...大年初一就係情人節，
我男朋友就要犧牲喇！皆因為我約左佢晨咁早同我屋企人飲茶呢！
(晨咁早既意思係七點，如果計埋車程，佢可能要5點幾起身喇！)
至於黃昏會同佢家人過定二個人過，咁就等佢安排喇！
雖然話就話情人節，但我一點兒也感受不到浪漫氣氛，
唯有留下期待來緊既生日啦！嘻嘻！

2010 Kit Siu x 保良局慈善義賣紙雕展覽 - 紙在乎您

2010 Kit Siu x 保良局慈善義賣紙雕展覽 - 紙在乎您
暨新書發佈及學生作品展


開幕時間 - 2010年1月24號下午2點正


出席嘉賓 : 有線電視節目主持及電影演員 譚凱琪小姐 Zoie Tam 及 李嘉馨小姐 Ali Lee
展覽日期 : 2010年1月24號至2月7號
展覽時間 : 由上午11點至晚上8點
展覽地點 : 香港灣仔，302-308 軒尼詩道，集成中心，集成展館A-link Plus (UG18-19部分)
主辦機構： 蓮泰出版社有限公司
受惠機構： 保良局
場地贊助： 集成展館 A-Link plus
鳴謝 : 香港有線星藝有限公司

本展覽所有義賣紙雕作品均全數撥捐保良局作慈善用途
另所售出之紙雕教學書籍其中30％捐贈保良局作慈善用途


P.S. 我都有份參展架！^^

又一個月了

話咁快...就戒口戒左一個月了！

日日係咁運動，係瘦左D，但係又唔算好多，
仲要起碼努力多3-4個月，真係要努力挨埋去！
(其實我的減肥日記日日都有寫..不過未成功，梗係唔話俾人知啦！
費時一陣臨尾香呀！)


之後就輪到阿妹結婚，遲D要幫手準備！

星期一見營養師

從此...四個月既戒口...時間就開始了！

加油呀！

又出POST

剛剛收到個留言...叫我持續出POST..

雖然位人兄我好似唔多識..
不過...都為左佢出一出POST啦！

報告近況︰
渣打馬拉松仲未開始練....死得！

渣打馬拉松

各位朋友...

我鄭重宣佈...一向唔做運動既我...

報左十公里渣打馬拉松...但我都仲未開始練....

尋求...男性增肥法

本來增肥係我既強項，我只係想減肥..

拍拖以來...係咁肥...激鬼死人..

不過今日既重點係..自從男友傷左腳之後，又戒口又做唔到運動..

佢依家得返百一磅唔夠...點算呀...救命！

聖誕禮物..

我依家織緊一條好短既頸巾呀...哈哈哈！

結婚的苦惱

可能年紀愈大，身邊既朋友開始結婚，生仔…

所以近半日所忙既，都係幫人地準備結婚既野..

大耐冇寫，其中一個原因係...因為所有事情都太複雜！

之前二個朋友結婚，新娘，姐妹都攪出很多不愉快事件，

好喇！到佢地終於結左婚，可以鬆一口氣！

依家又輪到阿妹結婚了！

譚家第一次嫁女，其實冇我想像咁風光咁好！

我只可以怪我依個大女唔爭氣，嫁唔出之餘又冇錢幫佢地做得好好睇睇！

理論上，錢解決到既問題跟本唔係問題(敗家的想法)，

但冇錢既話...所有問題，追根究底...咪又係還原最基本 - 錢問題！

見到阿妹為錢而咁張羅，其實我好心痛！

不過我冇中六合彩，所以...好難幫到佢...

而且自己又大使，餐搵餐食餐餐清(但又唔死得架喎！呵呵呵)

不過，其實對我來說，婚禮既準備，煩但係幾好玩既！

未結婚既我已經要諗定化妝，攪RUNDOWN，整依樣個樣...好在..份工得閒0者!!!~

港女事件簿 的反思

相信近日有留意新聞，討論區既人，都知道港女XXX大鬧元朗聯X行事件。

當中，憑我片面既推測，
我唔係太可憐個女主角，
即使佢已經慘到俾網民起晒底，
由幼稚園相至到大學相，屋企地址，無人幸免。

點解我咁冷血，其實…我覺得無論點都好！
佢既態度真係好差好差，而且心地又唔好！
有D野唔係諗住放係網就大晒，何況係佢自己無理先！
係我都最多係係MSN同FACEBOOK寫篇文唱衰佢算...唔會拍片....
攪到咁大....真係好難收科..

正如奧巴馬都有話唔好亂放野上FACEBOOK啦！
但不過，又有好多人鐘意放自己D相上網...
(不過依又真係方便咁同人分享既....好似D結婚相咁！平時好少可以睇得盡架嘛！)

既然係咁...我今日都嘗試係YAHOO打返自己個名，
哈！都搵到少量自己既野....例如︰起碼就搵到依個BLOG~

你話做生意就梗係易搵人人識你....
私人野就好似咪攪好D....因為..依個世界將來會變成點...真係冇人知...