2009年1月31日星期六

不吐不快

話說昨天同一些中學同學聚會,
八個女孩子…其實都好開心呀!

可能我實在太低b喇!所以全晚都九唔八搭咁!
跟住就少不免俾人嘻嘻哈哈笑一餐啦!

可惜,我發覺自己既攪笑天份太低....
我剩係識做埋d白痴俾人笑,自己又唔識笑喎!

而當中,有2件事令到我唔係咁開心既係…
係無意間有一張好醜樣既相俾人影到,
叫左唔好post係facebook…最後都俾人放左…
其實我真係覺得好唔尊重呀!

(唉!本身都唔係靚架啦!仲放d咁醜樣既相出街,想嚇死人咩!)
係女仔都想放d靚相架喇....冇錯咩!
我覺得咁樣好唔尊重我!你話我小器都係咁話架喇!
我唔靚都唔洗你四圍講....(好明顯依家係火遮眼)

無何否認,facebook既發明係可以搵返晒失晒蹤既人,
但係…唉,總之條氣就好唔順啦!

其次係…可能我不嬲都係冇咩人理,冇咩人錫,
講多錯多,所以講野冇人信,
把鬼火,以後唔講…
(當然就依一點,男友已經叫我檢討下,點解講多錯多咁失禮,難怪人地唔信我! 哼!.\_/.)


點解我學唔識佢d賴皮野..笑笑口串返人人地都唔嬲!失敗呀!

3 則留言:

Bacakara 說...

有時做人就係咁,係唔同社群會有唔同身份。

唔可能係班班朋友中,都係大哥大姐,間中你串下人,人笑下你,無法子。

出得來行,預左要還。不過呢,又唔好太咁灰心

劉德華都有唱......

人善天不欺,簡單一個道理,怎麼不看透。

匿名 說...

見你這麼不開心, 就講你知啦~~

其實係face book給人tag, 被tag的人可以delete番個tag, 甘樣就可以少D人看到個tag啦

野蠻郡主 說...

THANKS JEAN,我已經第一時間remove tag. 不過覺得佢剩係識攞人來笑!