近日，身邊不段發生一些不幸的事，
男友的朋友因病離去，朋友在生仔方面有d意外…
所以…佢近這二個星期，都沒有多理會我！投訴也不獲接納！
即使…我倆的情人節也一樣。
我知道這個朋友對他來說十分重要，
所以我明白他希望最後的事也能為他付出，
作為背後的我…應當也要學懂體諒和支持。
昨天，我又突然覺得...有點孤單！
覺得他不理我，可以咁講"我總覺得他花左別人心思的事，從來不曾套用在我身上"
換言之"佢懂得花心思乙水人的"
不過...次次問佢佢都話唔識><
我知道他是一個有情有義的人，也是一個很重家庭的人，
理論上…應該是一個下半生很好的一個對象！
但有些時候，談戀愛…真的要這個平淡而安穩嗎？
有時，很渴望有有新鮮感，有熱戀的感覺，有驚喜和難忘的事，
但.....唔知係咪我唔知足.....
昨天友人說，你太倚賴了！別人仲點解緊張你呀？
而且…你有男朋友已經好好架喇！大把女仔想拍拖都冇呀！你仲嘈？
而且依家好男仔都好難搵啦！
唔…係咩？
我都知道我年紀已經漸大，唔夠後生既爭，
要青春冇青春，要錢冇錢，要身材冇身材，聽落都好似好大穫咁喎！
那是昨天的事…
今天早上，由於他差唔多完成了朋友的事，就多陪我談天了！
(其實佢仲有一大堆工作要忙)
我知道.....我很任性又唔獨立，
不過.....我只係想佢放多d專注力係我到，
全心全意咁對我，唔好把自己分埋俾其他人…
5 則留言:
男人有時就係咁，平日懶懶閒閒愛理不理，但一講到兄弟有事，就上刀山、落油鍋都無計。
其實佢唔係唔理你，只係大部份男人都唔識表達自己，包括我自己，所以做女女既要禮諒下我地!
加華，我都明白依d係好多男人既通病。
不過…我想講既係…將來既時大家唔知，只係係依一刻，感覺不到感覺不到，如果此刻關係都唔堅固，仲點樣可以談到將來呢？
要珍惜當前一刻嘛！
我知道人總會把事情分輕重，雖然我都會將腸仔包條腸仔留返最後食，但...如果你最後先理我，我就會覺得...原來...我既地位...都唔係好高咋喎！
就係咁囉！
咁又係既，不過呢刻係非常時期，等遲下一切settle down 先再同男友好好傾下啦。
我會覺得呢個問題只係男同女既表達方式唔同，如果以上唔開心既事係發生係妳最好既朋友身上，妳心情都唔會好，好想人安慰，但妳還有心情和男友談情嗎 ?
只係男仔通常去到呢 D 位唔係要女朋友去安慰，而係要為兄弟做番 D 野，想要 D 時間去處理件事 !
如果妳係呢個時間同佢根根計較，我覺得會係佢心目中對妳減晒分 (不竟呢 D 事唔係成日發生，無謂與他計較這一兩星期時間吧)
其實巴林你講既野我都明白，不過，依個唔係單單剩係依件事而引起的感覺。
我知道我同佢放大家既位置有所不同，正如期待不同，大家既性格又不同。所以，我單方面認為有既問題一直存在，而他又覺得不是問題。我都唔知點算好！
可能，我還未真的深入了解他吧！
發佈留言