衰衰的渣打馬拉松跑手

話說我一直都係借阿妹既波鞋來著，前星期已經俾佢話我著得太多喇！
我話...我要成日跑丫嘛！

雖然係咁，但我都開始物色我既新波鞋，
但由於長期糧尾既關係，我已經限定所某指定金額，
哈！又俾我咁好彩係前日買到喎！
雖然個款唔係好靚女，但係呢..我見佢係running同埋平丫嘛！

咁我就趕得到係新年前買鞋喇！yeah~

不過....我依排掛住做gym，都係做跑步機，單車機同滑雪機，
好似好少跑真路。(我覺得我真係跑唔郁架，跑步機迫我跑就冇計啦，否則我都唔願郁！)
我試過追巴士，我以為我跑左成個月會有所成績，
但點知...唔夠半條街已經斷氣咁濟！虧巴士叔叔仲話我勁！

我咁lazy，究竟...2月28日，我係咪真係要俾巴士接走呢？
希望大家唔好係新聞見到我啦！好樣衰呀！