新紮師妹

竟然依家播新紮師妹...

咁一陣如果落波...
咁應該返工定繼續睇呢.

有冇理人感受架！

悠長假期

昨天，同事送左份禮物俾自己，就係一個sick leave，
我呢…我都好想，不過唔係一日，而係一個假期，
因為我發覺依家每一日都完全唔知自己做d咩，想要咩…
好似好想冷靜下，重新出發咁…

不過，依個願望好似好奢侈，而且，依直家咁既情況，
應該冇人會支持我，而自己都冇能力支持自己…

身體不時又會唔係咁舒服，心情又會大起大落，
其實我自己都幾擔心，好快就會痴線…


睇返ck昨天既專欄...工同工之間，真係要休息resume下…

願望實現了

話說年幾前已開始構思買一部屬於自己既notebook！

點解係叫屬於自己呢，可能因為係佔有慾強，
覺得係自己既東西先有安全感！

好喇！拖左咁多…問過好多人意見，
最終，係上個星期日，成功買左喇！哈哈哈！

依部電腦不是原先選定買的，經過一輪選擇，
考慮過價錢，實際需要而落案…

可能我真係太煩了，所以好似令人幾困擾咁，
其實，我好開心可以買到部電腦呀！
不過…好想有人可以同我分享下我既喜悅！

革命尚未成功，同志仍需努力

唉！早2日，膽粗粗咁遞左封辭職信，
但由於未搵到工既關係，部門同事都極力挽留，
唉…留既原因都係擔心我搵唔到工，同埋跟本唔夠人…

雖然係有2日俾少左野我做…
但我發覺問題其實冇改善過，
過多2日做唔掂，我又會痴晒線咁…

丫…想死！我個resign letter就放係桌面，隨時standby，
要快d搵工喇！真係頂唔順喇！

失敗左…仲要喊左好耐，真係覺得超失敗！唉！
點對得住自己丫！

拯救行動 - 刻不容緩

四川發生地震這麼大型的天災，很是不幸，
但感謝生還者還努力的生存，珍惜生命。

不過，我覺得一切還好像頗遙遠，
不是我不感動，也不是我沒有同情心，
但我發現，目光太過短淺喇！
我日日還在為工作上勞勞役役，連家人、朋友、甚至自己，
都好像已經沒有時間分給她們去相處，甚至聆聽。

難道就咁樣去過我既生活嗎？
我一點也不想…
工作上除左友好既伙伴一起努力"挨"之後，依然係如舊咁辛勤工作，(可惜又進展不大)。
咁樣既人生，我諗到我老左既時候，我一點也不開心，也不懷念，甚至覺得好像有時浪費。

岩岩聽到，部門好快有大地震﹐
我有點期望快點來，讓痛苦快d過，好讓可以重新！

p.s 其實我有好多朋友(包括blogger)，我已經好耐冇同佢地聯絡，係冇精神冇時間冇心機，我真係好唔開心！